köttur i sekk?

Hvernig líður þér þegar þú borgar meira en 10.000 krónur fyrir eitthvað, meira en 20,30 þúsund og færð síðan ekki það sem þú varst að kaupa?

Þetta gerðist í gær, að vísu ekki í mínu nafni. Sambýlingur minn keypti 2 flugmiða hjá ónefndu flugfélagi fyrir gærdaginn, en hann þurfti að mæta á 2 fundi í dag úti. Flugvél frá Kef. seinkar um rúma 2 tíma, og þ.a.l. náði hann ekki tengifluginu frá Köben. Engin fleiri flug voru það kvöldið. Sjálfur kostaði hann hótelgistingu í borg sem hann kærði sig ekki um að vera í, og tengiflugið í morgun þurfti hann líka sjálfur að greiða. Tíminn sem fór í þetta og eyðilagðar vinnustundir verða ekki tíundaðar hér.

Það versta er að í Leifsstöð í gær laug starfsmaður þessa fyrirtækis upp í opið geðið á okkur (ég var vitni). Farþeginn hafði nefnilega áður lent í veseni hjá þessu fyrirtæki sem hefur lengi verið eitt á markaðinum á þessari eyju og því ákvað hann að spyrjast fyrir um mögulegar afleiðingar á tengiflugi, vegna seinkunarinnar. Starfsmaður ( yfirmaður, sem ég einmitt náði nafninu á þar sem ég stóð meðan þau blöðruðu) sagði: ef ekkert tengiflug finnst í Köben þegar þú kemur þangað, en þar eru meiri möguleikar á að finna fleiri tengiflug heldur en hér í Kef. (sem ég skil að vísu ekki), greiðir flugfyrirtækið að sjálfsögðu gistingu fyrir þig og gefur þér compensation upp á 200 evrur eða roundabout ticket!

Í morgun hringdi hann og talaði við sama starfsmanninn sem ekki náðist í í gærkvöldi frá köben, og þá voru tilsvörin þessi: æ æ, það sem ég sagði átti við um ef þú hefðir verið á Íslandi! Þá baðst manneskjan heldur ekki afsökunar.

Hvað gerir maður?

Annars er málið bara yoga í dag og alla daga, glaumur í lærihjartanu sem hefur stundum áhyggjur af því að læra ekki nóg, næstum búin að klára að gera persónunjósnatalið og pad thai núðlur í kvöldmatinn. Fleira var það ekki.

diplomacy

7 klukkustundir í gær fóru í það að vera Austurríki og Frakkland á vormánuðum 1901. Þar þurfti ég að verjast, sækja áfram, vinna með og á móti öðrum löndum, passa bæði landgönguliðin og flotana og skemmta mér. Leikar fóru svo að Austurríki og Frakkland áttu Búlgaríu, Rúmeníu, Munchen hérað og kannski eitt annað, en undir haust 1909 þegar allt var komið undir lok, þá missti ég Grikkland... Vann semsagt ekki. En það var gaman.

Var soldið pirr eftir skóla í dag, sem hefur lagast mikið enda er ég búin að borða. Hef óljósan grun um að ég sé bara glötuð þegar mér vantar matarkyns næringu. Eða, er það kannski bara of góð afsökun?

trans

var viðstödd fyrirlestur í dag þar sem dr. susan stryker talaði um trans-dót. Kannski að mestu leyti í sögulegu samhengi, þar sem hún er sagnfræðingur. Mjög forvitnilegt allt saman og sérstaklega stofnanavæðing kyngervis sem hún fór ekki nógu vel inná að mínu mati. Þá hefði ég viljað heyra meira í ísl-trans-fólki og upplifun þeirra hér. Af umræðum að dæma er augljóst að transar eiga ekki heima innan samtakanna 78 hér á landi, en fyrirlesari mælti alveg eins með því. En það verður forvitnilegt að sjá hvað gerist. Síðan getur alveg verið einhver jaðar-transa-hreyfing sem ég veit ekkert um... hmm. Spennó. trans dans. transar eru líka fólk!

Nú liggur leiðin á eitt af eldri kaffihúsum bæjarins þar sem mjög fræðilegar umræður eiga eftir að eiga sér stað í bland við ófræðilegri, kaffi og sígó. Síðan vinna og síðan, ja hver hefði getað trúað því. Helgarfrí.

Pínu helgarkonfekt í lokin. Foucault sem er mikils metinn heimspekigaur í dag droppaði sýru og sagði það hafa verið ein af bestu upplifunum sínum í lífinu. Held ég fari ekki að droppa sýru, en mér finnst gott að vita það að þó að hann hafi verið leðurhommi með HIV og droppað sýru lifi kenningar og hugmyndir hans. Samt skrítið að ritstjóri Foucault ritsins hafi þurft að taka þetta fram með sýruna...

ha ha

það fer stundum í taugarnar á mér hversu léleg ég er að segja brandara. Enda hef ég ekki lagt mig fram í því að muna þá. En núna er allt bjart. Það kann ég vel að meta. Sólin skín í gegnum saltið á rúðunum og ég á leið út í skoðunarferð. En var hugsað til mismunandi upplifana á sama stað þegar ég gekk í gegnum suðurgötukirkjugarðinn fyrr í dag. Í sólinni. Með dub í eyrunum.
Fer kannski nánar út í þetta síðar eins og um svo margt sem ég skrifa hér. Græna uppskriftin af Guacamole-inu er t.d. ekki komin enn. Við erum samt að tala um kóríander í því. anyways.
Ýkt gaman í skólanum í dag eins og næstum því alltaf.
Ýkt gaman að endurheimta sambýling í 9 nætur.
Ýkt gaman að það sé kominn Mars og næst kemur Apríl.

ljoð

leikur leikrit leikhús leithús
Semsagt vinnuhelgi. Engar stjörnur í kvöld.

Búin að upplifa Pétur Gaut. Rýmið nýtt á munúðarfullan hátt. Öll umgjörð góð. Draumkennt bíómyndadrama. Meira að segja með splatter. Förðun engin. Úrvalsleikarar. Skildi aðalleikarann stundum ekki alveg sem talaði stundum hratt og óskýrt. En það hefur soldil áhrif í svona leikriti þar sem textinn er allur í bundnu máli. Sem er náttúrulega bara ljóð? takk fyrir. Mæli með þessari sýningu.

Áður vissi ég ekki neitt um söguna sem fer fram í leikritinu. Það kom ekki að mikilli sök því upplifunin var hrífandi. Þó nauðsynlegt að benda á 2 tegundir af upplifun (1 búin að lesa leikritið (held 2 doðrantar), hin ég)
- meðaumkun með pg þar sem hann er veikur
- helvítis fáviti, pg.

ljóð í leikhúsi um þessar mundir, en hitt verkið sem verið var að frumsýna heitir Virkjunin. Og titillinn gefur nógu margt til kynna og því óþarfi að dvelja við það. En þetta verk var einmitt ekki skrifað sem beint leikrit með einhverjum persónum og venjulegri atburðarás.

fleiri ljóð
sól sól skín á mig ský ský burt með þig

Tel mig blekkta á hverjum einasta degi þar sem ég held alltaf að sé miklu hlýrra úti en birtan og sólin gefa í skyn inn um gluggann.

Kokteil boð á hótel sögu í gær í boði deildarinnar þar sem kennarar og nem komu saman. gaman. fylling og fræði. Very dandy indeed.

ljóð. meiri ljóð

p.s. er soldið búin að vera að halda upp á í sund á föstudögum.

hip (pa) dagur?

þetta er búinn að vera góður dagur hugsa ég þessar stundirnar. Las nefnilega í stjörnuspánni að þetta ætti að verða frábær dagur. Ég veit ekki lengur hverju ég á að trúa, þ.e.a.s. hvaða stjörnuspá? Fullt af mismunandi dóti fyrir dreka eins og mig. Hef aldrei spúið eldi þó. En fór í sjómann við tvo vinnufélaga. Tapaði fyrir báðum. Djö. Hélt að ég væri rosa sterk. Þarf bara að fara að lyfta... djók. Finnst að ég þurfi alltaf að taka það fram. Mannfræðileg skýrmæli. Elska skólann. Ekki hann sem stofnun heldur bara námið sem ég er að ganga í gegnum þessa dagana. Allt ógó spennó. Eða ég hef þá staðreynd fyrirframgefna í hausnum á mér. Geng bara útfrá því. Síðan lærði ég í dag að ég má eiga heima á Mannfræðilandi þegar ég geri rannsóknina. Það er land sem fólk í mörgum mismunandi hlutverkum í daglegu lífi og skoðar eigið samfélag verður að hverfa til á meðan allt er í gangi. Spennó er það ekki? Nýtt land sem er bara til í hausnum á mér!

what is hip?

hip: a history er sparibókin þessar stundirnar og þar segir blaðamaðurinn og höfundurinn john leland:

It is a dated word, nonconfirmity. In today´s splintered pop culture, it is hard to imagine a norm that anyone might conform to; the very notion is unhip. This marks in part the triumph of hip as a national organizing principle, and in part the inevitable absorbtion of hip into market demographics. Yet in the 1940s, nonconformism still echoed Emerson and Thoreau. In his essay “Self-Reliance”, Emerson prescribed creative individualism against the mediocrity of the masses. “Who so would be a man must be a nonconfirmist”, he wrote. To Emerson, the approval of society was the stamp of the second-rate. “To be great”, by contrast, “is to be misunderstood.” This is a nonconfirmism as a relinquishing of priviledge, opting out of the state in order to shed responsibiltiy for its actions.”

bolla bolla bolla
fékk norska gerbollu fyllta með vanillukremi í skólanum í dag.
Allt kreisí í kjötborðinu í melabúðinni um fjögurleytið. Sprengi sprengi.

break

á lækjartorgi í gær um klukkan 19 lágu margar framlengingarsnúrur tengdar hvor við aðra út úr fröken Reykjavík í ghettoblaster út á torgi. Þar voru þrír dansarar að dansa. Break. Gotudansa? Í áttunda bekk og það var alveg við það að detta í dimmt. Ég stóð og gapti og gaf 141 krónu í hattinn á götunni. 2 strákar og 1 stelpa. Varst þú ekki kennarinn minn? Jú þið eruð frábær. Gerðu þetta líka í fyrradag og fengu 14000 krónur í hattinn. Kunna að bjarga sér og æfa dans eins og aðrir æfa íþróttir, en aðeins einn dansar í einu. I like.

Kveðjustund:
Í þessari stund fá nokkrir kveðjur,
Nýi heimilisandinn í keflavík.
Og útlandabúar, t.d. í skotlandi, englandi, danmörku, bna, lúxemborg og naturlich í þýskalandi.

Er heimurinn rosa lítill?

Afmælisbarninu fannst það ekki fyndið þegar ég spurði hvort hann væri 6 ára (en nían sneri bara öfugt fyrir mér) Verð að fara að taka meira tillit til fólks. Þarf að jafna mig eftir sykurafmælisboðssnittusjokkið.

bio

Það er gott að hafa svona leik eins og þennan að neðan. Takk þeir sem hafa gert.

Þær 24 klukkustundir sem ég hef dvalið á skrifstofunni minni í húsinu þessa helgi hafa eftirfarandi setningar heyrst frá mismunandi aðilum:

kk:,, og fyrir ríkinu er ég bara krimmi"
kvk:,, ég hef semsagt sofið í hóruhúsi"
kk: ,,hvað borgarðu af íbúðinni á mánuði?"
kk: ,, við erum nefnilega kærleiksvaktinni" ekki sami og sagði:
kk: .. og eins og segir í annarri mósesbók..."
kvk: ,, ég nenni ekkert að vera að co-a með honum vegna framhjáhaldsins"
kk: ,, ég trúi því að maður getur valið sér bylgjulengd til þess að vera á, jákvæða eða neikvæða"
kk: ,,hún þarf bara að láta ríða sér almennilega"
kk: ,, við í ásatrúarfélaginu viljum fá að gefa samkynhneigða saman"
kvk: .. ég veit ekki hvaða skilaboð Silvía Nótt sendir varðandi sambönd kvenna og karla" (þegar S.N. var nýbúin að segja kærastann sinn Romario, verða brjálaðan ef hún drifi sig ekki út úr viðtalinu í Kastljósi fyrr í kvöld)

Einnig spilaði ég við tvo menn 1 spil af gerðinni Eufrat & Tigris. Vann ekki. Þýskt gæða-borðspil. Kannski heppilegt fyrir nörda. Og fékk borgað fyrir það. Fékk ís að gjöf. Las skóla fullt. T.d. hálfrar blaðsíðu langar setningar frá Bourdieu (þýtt úr frönsku í ensku). Eins sjúskuð og ég er alltaf eftir svona helgar þá er alltaf gott að koma heim og verð að minna mig á að þetta er fín vinna.

hvað finnst þer

um mig?

goður matur

Grænt og hvítt lasagna

2 hausar brokkólí (skorið í munnbita)
1 Zucchini (skorið í sneiðar)
og settir í sjóðandi vatn í 5 mínútur.
Sigtað, og í skál.

1 græn pestó krukka útá.
100 grömm saxaðar furuhnetur
100 grömm saxaðar valhnetur.
Salt og pipar. Allt hrært, þetta er semsagt fyllingin.

Aðaldæmið er bechamel sósan á fínu nafni...
9 dl mjólk í pott.
Útí hana:
1 smátt skorinn laukur
Negulnaglar 3
Timjan
Múskat
salt
pipar
og fleira krydd ef þig langar.
Suðan látin koma upp pínku, tekið af hellunni, lok á og hitinn látinn halda sér í mjólkinni. Ég fattaði þegar þetta var allt að gerast að þetta er kannski bara efnafræði. Það að elda. Og kannski elska...

1 skammtur hugsun af ást og friði og þolinmæði og þakklæti í þetta.

85 gr smjör - brætt í potti sem passar undir mjólkina.
75 gr hveiti sem er bætt hægt út í bráðnað heitt smjörið og alltaf hrært.
Ekkert má brenna.

Sigti - og mjólkin sigtuð. Nú ættu kryddin að vera búin að færa sig yfir í mjólkina (efnafræði?)
Hægt og bítandi hellir maður mjólkinni út í smjör/hveitihræruna.
Hægt.
Þolinmæði.
Hræra.
Alltaf hræra og láta fína deigið??? sem myndast nánast sjóða á milli þess að maður hellir meiri mjólk útí.
Að lokum ættir þú að standa frammi fyrir dásamlegri beigehvítri skrítinni sósu, soldið þykkri.

Lasagna í botninn.
Sósa ofaná.
Græna gumsið.
og svo þar fram eftir götunum...
Efsta lagið er lasagna-sósa-ostur.
Bake till golden...

(fyrir ostunnendur, má láta ost líka á milli, yfir græna dótið)

Næst kemur uppskrift að grænu guacamole...
Ekki núna, því ég var að koma heim úr vinnunni
Kaus Sylvíu einu sinni úr vinnusímanum. Hreinlega varð að fá að taka þátt með atkvæði mínu.

melting a skynjun

getur það verið að:

1. að það sem maður sér með augunum sé hlutgert og sé ,,þarna úti"
2. að það sem maður heyrir sé persónugert og fari ,,innan í mann"
3. að sjón sé talin ofar en heyrn?

Ef svo er þá gæti menning okkar verið að mismuna skynfærum okkar. Ætla ekki að fara út í lyktarskyn, bragð og snertingu hér. En það lætur mig líka hugsa til þeirrar ofuráherslu sem er á texta (sem verður hlutbundinn í ritum) í stað t.d. verklagskunnáttu í vestræna heiminum, kennslukonan kemur stundum upp í mér varðandi nám ungs fólks. Það sem er innan í okkur tengist líka tilfinningum til dæmis og fáheyrt er að fólk virkilega hlusti á þær, hvað þá sinn innri mann og innsæi. En það fer nú vonandi batnandi og vil ég ekki gera lítið úr þeim sem virkilega hlusta því ég veit að þið eruð til.

Eins og kannski sést! þá er ég að stúdera fyrirbærafræði þessa dagana. Sem leiðir mig að því að performansinn í stað fyrirlesturs með prestinum gekk mjög vel, fékk góðar undirtektir og mjög góðar umræður. Já, þessi upphafning kemur líka fram í orðanotkun og máli eins og sést eins og sést eins og sést, þá er ég alin upp...

Verð að kommentera á orkuátak latabæjar. Er það gott mál, fyrir tímabundna foreldra að fá utanaðkomandi aðstoð við það að ala upp börnin sín á ,,réttu" fæði og skapa tilbúna samverustund með börnunum við að líma miða inn í bók eða er verið að múgæsa, níðast enn meira á börnum sem neytendum og móta alla í sama formið? Hvað með þau börn sem fíla að dunda sér og spila á hljóðfæri?

Drekk te í tíma og ótíma, tek inn svona 5000 grömm af c-vítamíni á dag ásamt því að staupa mig á sólhatti því einhver skratti var við það að taka sér bólfestu í hálsinum mínum. Hann kæri ég mig ekki um að hafa. En þá, fyrst ég er svona rosalegur pælari, er skrattinn ekki tilkominn vegna einhverja andlegra krankleika, stresss, mataræðis? Veit ekki.

Rosalegur vindur hérna í höfuðborginni.
Góða nótt.

lotteri

var ekkert að vinna neinn vinning en ég er bara ýkt heppin týpa.
Þar sem sunnudagar eru blómavökvunardagar er ég að spá í að gera föstudaga að sundferðardögum. Það er langt síðan ég fór í sund. Verð bara að fara... hvað er það?

Vantar líka gömlu orðabókina í tölvuna mína, hún fór með gamla word og einhver ný dúndur www týpa kom í staðinn sem ég fíla bara ekki jackshit.
Epistemology anyone...

Hef ákveðið að flytja látbragðsgjörning í stað fyrirlesturs í kenningartíma á mánudaginn. Umræður á eftir. Þarf að redda andlitsmálningu fyrir prestinn (sko alvöru) sem ætlar að gera þetta með mér. I dig.

gaman að leika

4 vinnur sem ég hef unnið um ævina:
The body shop
Hótelkona í afgreiðslu og öllu mögulegu
Liðveisla hjá Félagsþjónustunni
Mötuneytiskona

4 bíómyndir sem ég get horft á oft:
Spirited Away
Síðan er ég bara ekkert að horfa meir...

4 staðir sem ég hef búið á:
Selbraut 80
Valhúsabraut
9, rue laurent fauchier
6210 Allan Street

4 tv þættir sem ég digga:
24
weeds
the sex inspectors
tommi og jenni

4 staðir sem ég hef heimsótt í fríum:
Seyðisfjörður
Cape Breton eyja í Nova Scotia
Disneyland
París

4 staðir í vefheimum sem ég heimsæki reglulega:
alls konar blogg meira en 4, inn á tengla mína og síðan inn á suma aðra þar í gegn.
tölvupóstur.
Banki.
og síðan kann ég voða lítið að hanga á netinu.

4 týpur af mat sem ég held uppá:
te
grjónagrautur
popp
súkkulaði

4 staðir sem ég vildi helst vera núna:
úti í geimnum með geimverunni
á honolulu með blómakrans
í Alaska,
Á Péturstorginu.

4 bloggarar sem ættu að gera svona lista því það er gaman:
Særún
Gugga
Thelma
Gylfi

Sá Caché í kvöld. Les bækurnar Hip: the history. My life with Bob Marley eftir Ritu M. Anthropological Theory: Issues in Epiestemology (=sem mér vantar þýðingu á). Og er að fara að lesa Anthropological Locations. Einbúinn er aftur orðinn einn. Sem er fínt, nú var auðveldara að detta inn í það... segi ég 24 tímum seinna, en við sjáum hvað setur.

gluggun

Ég hlæ þegar hún gengur niður götuna og skimar. Stoppar, lyftir fætinum tígullega upp á vel valinn stað og reimar. Ég fyllist undrun þegar hann gengur niður götuna borðandi júmbó-samloku. Plastið liðast af samlokunni og fellur á götuna þar sem það dansar fyrir framan hann í nokkra stund án þess að hann taki það upp, en borðar samlokuna með bestu lyst.

auglysing

væri ekki tilvalið að skella sér á tónleika í kvöld... hvað er svosem annað að gerast? nýjar upplifanir eru yfirleitt af því góða ekki satt?
Fimmtudagskvöld í Þjóðleikhúskjallaranum klukkan tíu spilar Seabear, Jakobínarína og Kimono.
Föstudagskvöld í Hellinum klukkan átta, Tónlistarþróunarmiðstöðinni úti á granda = meira hardcore. I adapt, leyni (skemmtilegt) og kimono. All ages show.
Út með þig...

Frönsk rulla i kvöld

Elaborate uppskrift tileinkuð Do sem er allur að láta sér batna.

3 bollar heilhveiti (eða speltmjöl)
1 bolli Olía
pínu salt
Volgt vatn eftir þörfum.

hræra öllu saman, gera deig úr þessu og fletja það út, hálfan cm að þykkt.

Fyllingin:
laukur skorinn
hálft hvítkálshöfuð skorið í ræmur
salt
2 tsk karrý
hálfur bolli sweet chili sauce
Ferskt basil
Ferskt kóríander (bæði saxað)
Krukka af feta

Laukur og hvítkál steikt á pönnu við lágan hita. (það er einmitt að gerast í þessum töluðu, best að tékka...aha lítur vel út, spurning um að hækka hitann í 3?)
Salt, karrý og chilli sósa út í. Og síðan ferska kryddið.

Fyllingin oná rúlludeigið í miðjunni, fetaosturinn oná fyllingu og rúllað upp.
Bakað till golden.

Basil tómatsósa með: (eða hægt t.d. að hafa Guacamole)
1 laukur lítill saxaður,
salt,
2 tsk karrý
Steikt fyrst í potti og svo:
2 dósir af góðri tómatsósu
fullt fullt ferskt saxað basil
dash af soya sósu.

Þessi uppskrift er í boði Buck 65 sem ég fíla í ræmur á meðan eldað er.

Pálínuboðið tókst með ágætum til þess að halda sig á matarsviðinu. Það bárust réttir hvaðan af í veröldinni, aðallega úr Rvk. Og fólk borðaði mikið og vel en skemmtilegast var að hittast. Já há mjög fullorðins. Ostakaka og hlauphringur, bárust sem eftirréttir. Fullkomið.

skjoni

held að gráminn sé eitthvað létta á sér, í gær fannst mér sem það væri vor.

Hér er semsagt laugardagur. Í gær í staðinn fyrir fyrradag vegna flugvesens birtist sambýlingur minn hinn ástkæri. Massen.
Ég sá á eftir seinasta fólkinu úr húsinu í gær en missti af því þegar maður einn kom inn og sat því í forstofunni. Ég opnaði lúguna, vitandi að ég væri ein í húsinu og kannaðist ekki við náungann sem var í vinnufötum, merktu ákveðnu pípulagningarfyrirtæki, með 2 gamlar töskur sem lágu við fætur hans.
,, Er ég næstur?"
spurði hann og fljótt komst ég að því að hann var kominn til að hitta Garðar, lækninn sinn. Hann vildi ekki trúa því að þetta væri ekki biðstofa lækna og að enginn Garðar ynni í húsinu, því vinur hans hafði keyrt hann. Ég gekk meira að segja svo langt að segja að Garðar væri ábyggilega farinn heim. Hann spurði hvaða dagur væri og hvað klukkan væri. Hann spurði hvort ég ætti mann. Hann spurði og spurði. Að lokum, eftir svona 14 mínútur af spjalli og ég allan tímann með höndina nálægt símanum til í að stimpla 0 112, tók hann í höndina á mér, kyssti hana og kvaddi. Eins og sannur herramaður. Hann bað mig afsökunar á misskilningnum sem hann sagði vera vegna þess að hann væri búinn að fá sér aðeins í tána, en augu hans voru fljótandi og mjög rauðsprengd. Ég beið í nokkrar mínútur eftir að hurðin lokaðist á hæla hans áður en ég hljóp og setti hana í lás. Til allrar hamingju labbaði kæri sem kom einmitt að sækja mig útihringinn, en söguhetjan ætlaði að fara út á Hverfisgötu. Semsagt allskonar fólk í vinnunni minni.

Í kvöld hitti ég líka allsskonar fólk, sem ég vona að fari ekki að kyssa á mér höndina en borði í staðinn gómsæta matinn sem það kemur sjálft með. Potluck partý og ég búin að fjárfesta í pappadiskum, plastglösum og servíettum. Klassen.
Næst er sósugerð á dagskrá.
Það er æði að hanga heima þegar einhver er að hanga með manni. I´m in love.

tiskulögga

aha hef 10 mínútur til stefnu. Er á leið í stand up, bjór og pizzu á kringlukránni með pörupiltum and the sawing club. Búin að velta lengi fyrir mér í hverju ég á að fara og komst að þeirri niðursuðudós að auðvitað færi ég í sömu fötunum og ég er búin að vera í dag. En bætti við rauðu naglalakki og rauðu armbandi og rauðri kápu til að fullkomna lúkkið. Var mjög blá í dag og með þessu rauða fæ ég ákveðinn contrast í dæmið.

Brósi er í boston á sjúkrahúsi. Hann getur pantað mat úr mötuneytinu af matseðli. Ef hann hringir bjöllunni við rúm sitt kemur rödd og spyr hvað hann vanti. Seinna kemur manneskja til að sinna erindinu. Þannig má t.d. spara. Þannig þarf starfsmaðurinn ekki að fara nema eina ferð vegna bjölluhringingarinnar. Hann er einn í herbergi. Í einangrun. Með undursamlegt útsýni. Vona að hann verði ekki þarna lengi.

Í öðrum fréttum er það að á morgun kemur fjarbúðarsambýlingur minn hingað heim og þá taka við dásamlegir dagar ...
kveð að sinni.

flæðið i kvöld i boði hussins og scrabble hf.

Var að hugsa um fjöllin. Allaveganna. Jökulhetta ört minnkandi fer í Afríku. Og ekki bara þar. Global Warming. A friend or a foe? Þessari spurningu verður ekki svarað hér og nú.
En ég get líka verið fjall, t.d. í yhoga. Ég elska yoga. youga nouga.t.
Sakna þess að spila Scrabble. Ég elska scrabble.
Með ma og pa sem taka einn leik á kvöldi.
Eða úti á Hobrechtstrasse.

Upplifði Túskildingsóperuna frá sjónarhóli áhorfenda í gær. Þar voru allar senurnar í boði einhvers stórfyrirtækis. Aðalskilaboðin skv. 1 leikara í endann: kapítalismi sökkar feitt. Hvað verður um litla manninn? Þess á milli stórbrotin tónlist og góður leikur. Leikmynd og búningar la la. Förðun og hár flott. Verðugt að tala um söng og tónlist, því það var massa. Hljómsveitin kannski ekki í sínu besta formi í gærkvöldi, en leikarar sungu kröftuglega og vel. Djöfulsins raddir. .... he he nú heldur þú kannski að að ég heyri raddir... en raddir nokkurra þeirra sem tóku þátt í undankeppni evróvisjón í kvöld visnuðu gjörsamlega við hliðina á söngnum í óperunni. Helvítis ópera. Ég get ekki borið þessa óperu Kurt´s Weil saman við Töfraflautu Mozarts sem ég sá nýlega og var af allt öðrum meiði, gerð á öðrum tíma. En mér fannst hún í gær þaulhugsuð og flókinn andskoti. Hreyfingarnar vel hannaðar og seiðandi. Túskildingsóperan fær góð meðmæli héðan í kvöld.

Aksjón. Byrjuð að glugga í bækurnar fyrir þessa önn. Langar á 3 myndir í bíó. Memoirs of a Geishha, Brokebac k mt. og síðan man ég ekki, jú Jarhead. Geishubókin var - góð - ar stundir . bæ.

þyrlan

er núna að hlusta á Boards of Canada. Gott.

Eftir fyrsta tímann minn í skólanum í dag, datt mér í hug að kannski þyrfti ég bara að stofna hljómsveit í krafti vísindanna, eða koma fram sem tónlistarkona til þess að hafa meiri tilfinningu fyrir rannsókninni....

hef m.a. komið fram sem ljóðskáld og lesið mín ljóð. Hef leikið bílljós í leikriti og hippa. Verið í jólaballetsýningu o.s.frv. Þannig að þetta ætti kannski bara að vera liður í þróun minni að koma fram. Myndi vilja spila á trommur helst, en síðan finnst mér líka tölvudótið svo forvitnilegt. En það sé ég ekki sem vandamál, lausnin er bara að læra + tími.

Góða nótt kæra dagbók.

posturinn pall

frá olnboga fram að þumli hægri framhandleggs er ég aum.
Minna vinstra megin.
Er rétthent.
Álagsmeiðsli skv. Jesus G.
Ánægð með að vera búin með geymslu.
Nú tekur skólahausinn við. Byrja í alvörunni í skólanum á miðvikudaginn.
Af hverju vaxa grýlukerti bara á sumum húsum?

andleg fullnæging?

hef fjarlægt allt úr geymslunni. Þ.á.m. tekið niður einu hilluna sem kæri smíðaði þegar við fluttum inn en við bjuggumst ekki við að sanka að okkur dóti... sem við höfum gert. Því er úr að flokka eftir nauðsynjum. Fékk hillur í skúrnum hjá pabba sem ég lét upp eftir að ég málaði gólfið klósettblátt. Nú er það sortering dauðans sem er í gangi. Uppúr kössum, ferköntuðum. Þyrfti að koma mörgu hverju í endurnýjun lífdaga og er að spá í koló bráðum. Pabbi vildi frekar fara einn í sorpu með allt ruslið og mér leið eins og prinsessu. Myndlistarmaður kom og náði í 2 poka og 1 kassa af málningu, innanhúss, sem enn er í góðu lagi. Vonandi verður hún honum ljúf. Býst síðan að sjálfsögðu eftir að koma til með að þekkja litina í verkum viðkomandi.

Þýðir allt þetta að ég er að fara í gegnum andlega hreinsun?

fullnæging

jahá. Svona er það bara.

Átti nefnilega yndislegar stundir í 1 sólarhring á milli Hellu og Hvolsvallar nú í vikunni. Fór í sveitaferð með góðum bílstjóra og gisti í svokölluðum sumarbústað, sem ég veit ekki hvort sé réttnefni, því nógur var snjórinn og kuldinn. En mótvægið var hitinn í hjörtum fólksins. Morguninn eftir var næstum allur snjórinn farinn. Hef þó staðfesta ábendingu um það að snjórinn hafi komið strax aftur. Það verður nefnilega bjartara með snjónum. Sá Krumma, 3 hvítar rjúpur og heyrði í einhverjum öðrum. Annað var þar ekki af líkamnaðri náttúru. En spurningin er hvort við séum afbrigði náttúrunnar. Ég veit það hreinlega ekki, sérstaklega í ljósi allra þeirra gerviefna sem við neytum sem og mæður okkar gerðu líklega. Síðan eru konur oft tengdar við nátúrunna, þ.e. sem meira tengdar henni en karlarnir. Það tel ég vera argasta bull. Ef ekki klám. Ég þekki margar karlkyns verur sem tengja sig náttúrunni í daglegu lífi. Auðvitað hefur þessi röksemd með tíðahringinn að gera og möguleikann á að bera börn. Er það eitthvað meira náttúrulegra en að geta framleitt sæðisfrumur í mismiklu og misgóðu magni? Nú skal ekki segja... en það þarf tvo til ef ætlunin er að fara að stunda kynlíf með möguleikanum á getnaði. Og það er svo náttúran. Ef... við erum náttúrubörn? Án þess að sleppa mér alveg, vil ég benda á möguleikann á að tengjast náttúrunni, þar sem manni líður oftast mjög vel eftir þannig gjörninga. Í þannig transi getur maður gert svo mikið, losað sig við óþægindi, tæmt hugann, fyllt sig af orku... o.s.frv. Þegar það gerist held ég að mannveran tengist náttúrunni og finni ákveðinn frið og samhljóm sem mannvera. Það er yfirleitt gott. T.d. þess vegna ætti ekki að fara í stóriðjuframkvæmdir í Náttúru Íslands. Til þess að mannveran sé virkur, sáttur, heill einstaklingur í samfélagi sem er í jafnvægi þarf náttúruna því hvar annars staðar ætlar hann að ná sér í orku?

Menningin.
Ef við getum verið hluti af náttúru, getum við alveg verið hluti af menningu. Talið er að mannfólkið skapi menninguna. Oftar en ekki er talið að karlar skapi menninguna. Það hlýtur að fara að breytast. Fólk hreinlega hlýtur að fara að átta sig á því að það þarf a.m.k. tvö til. Um leið og mannfólkið skapar menninguna hefur það áhrif á annað fólk. Því fólk lifir sem menningarverur. Mér sjálfri finnst það nú ekki alltaf augljóst, en það er annað mál. Einnig er vert að velta því fyrir sér hvað menning er: culture is the "set of distinctive spiritual, material, intellectual and emotional features of society or a social group, and that it encompasses, in addition to art and literature, lifestyles, ways of living together, value systems, traditions and beliefs" Unesco 2002. En eðlilega hefur spurningin um hvað sé menning verið lengi á pallborðinu hjá fólki og margar mismunandi skýringar komið fram. Menning spenninga peninga...

Þannig að í sveitinni var þetta bæði, náttúra og menning. Tvíhyggjuskrattinn sjálfur in action. Tekið skal fram að ég tel báða ofangreinda þætti syngja saman, og hafa áhrif í báðar áttir. Ef við erum menningarverur þá erum það við sem erum að skilgreina náttúruna... Af hverju hlustum við ekki á náttúruna í okkur, á náttúruna í kringum okkur og þann anda sem henni fylgir? Af hverju er menningin og menningarverurnar búnar að útiloka svo margt, setja allt í flokka til að það sé auðveldara að hugsa, ákveða hvað er rétt hugsun og hvað er röng? Það er allt í lagi að endurskoða afstöðu sína, maður má breytast, maður má breyta skoðunum sínum.
Nenni ekki meir að sinni.
Kvöldkveðjan fer til brósa í NYC þar sem jazzráðstefna er nú í gangi.
Nú eru komnir tveir einstaklingar undir þakið hér heima sem er gott, einn sefur á loftinu á meðan hinn sefur inni í svefnherbergi. Jesus G. er kominn í heimsókn.

tiundi januar

er í dag og vinur minn hann joey úr pixies á afmæli. já já ég hef hinn hann tvisvar, í reykjavík og á hróarskeldu. ógeðslega vön týpa sko. Held að orðið vanur þurfi að fara að komast í endurnýtingu. Nota orðaforðann. Undir áhrifum scrabble sem ég er mikið búin að spila undanfarnar þrjár vikur. En einnig hef ég líka mjög gaman af krossgátum.

Talaði soldið við mig upphátt þegar ég var að sjóða hrísgrjónin, það var gott. Held ég fari að tala meira upphátt við sjálfa mig... Nýársheit númer eitt.
Númer tvö er að drekka vatn á meðan ég elda en ekki á meðan ég borða.
Eins og lesendur sjá var ég rétt í þessu að skjóta fram heitum og loforðum um ákveðna hegðun sem ég ætla að tileinka mér á þessu ári. Ha ha ha hef aldrei gert áramótaheit, allaveganna ekki svo ég muni. Framtakssemin alveg að drepa mann.

Var lofað kvæði eftir einhvern úr Grjótaþorpinu, held bakara fyrir mína tíð... hlakka til að fá það. Held kvæði um trú ábyggilega. En hann tók skýrt fram: ég kem kvæðinu til þín.

Margt að gerast í mínu lífi sem er gott. Er í skólapásu til 17. janúar. Hlakka samt til að byrja, sérstaklega fyrir þær sakir að 5 einingar munu teljast til leskúrs sem er algerlega eftir mínu eigin höfði, en að sjálfsögðu í takt við það sem ég mun koma til með að rannsaka. Mjög spennó, er þegar byrjuð að lesa sagn/mann/menningar -fræðilegu bókina Girls rock!. Já að læra getur bara verið skemmtilegt skal ég segja ykkur.

Þarf að taka til í geymslunni.

lucky star

ég er svo heppin að þekkja svona fallegt fólk.
er að greiða á mér hárið, síðan til draumalandsins eftir mikla viðveru í húsinu.
góða nótt.

vonvonvonvonvonvonvonvon

gamlarsdagur 2005.
Nu vaeri vid haefi ad taepa a helstu atburdum arsins. Thad verdur tho ekki gert nu thvi eg er meira i nuinu og framtidinni.

Laeti i rakettunum her, en lyktin ofsalega god. Feuerwerk selt a hverju horni. Plaaakkk, thar for ein. Opinn glugginn. sem er thad sjaldan thvi uti er svo kalt. Kuldi sem nadi mer inn ad olnboga i gaerkvoldi.

2 af 5 foru ut i bud ad versla fyrir kvoldid. Aetlum ad elda eitthvad afskaplega huggulegt i tilefni dagsins, kannski skelli eg bara i koku. Vandinn er tho ad finna ut celsiusgradur i gassstig. Kalkuninn eldudum vid t.d. a 2, sem telst vera 150 celsiusgradur.

Eg kann vel vid mig her i ber. Gaeti jafnvel hugsad mer ad bua her einhvern timann. Tho ekki fyrr en eftir nakvaemlega eitt ar.
Eg thakka fyrir thetta ar. Eg thakka fyrir thad ad geta hafad skrad atburdi thess og hugsanir minar her i vefheimum. Thess vegna tharf eg heldur ekki ad telja upp helstu atburdi arsins 2005. Og 2006 er ad koma... hvad mun gerast? mun Palli finna astina a netinu? mun Stella svikja ut tryggingarfed? mun Gisli fara i tannrettingar? munu jardarbuar vakna til medvitundar?

jolahatidin er her lika, minna af folki a gotunni og snjor og markadur og jolamarkadur. Jolabod med thyskum jolasongvum og kalkun og pokkum og lifandi kertum a jolatrei. Jolastund hatidar her heima thar sem eldad var lengi og vel godan mat og pakkar. Tofraflauta mozarts i die deutsche staatsoper og kristalssalir.

jolaljod

her brennur jolahjarta
a eldinum sem pulsurnar steikjast a
o thu, jolanottin bjarta

njótið hátíðanna

probbi & nyyrðasmið

á morgun fer ég í eina prófið mitt. jólaprófið mitt. fallega.
það verður gaman. þar skrifa ég líklega mikið, svo mikið að ég á eftir að fá krampa í hægri framhandlegg og hönd. Þar sem ég kann engin ráð til að fyrirbyggja krampa verð ég bara að búast við þessu og taka því sem kemur. Ráð óskast ef til eru. Þar sem ég skrifa mest á tölvu litlu þessi misserin er æfingin lítil sem engin, nema þegar ég geri su doku og krossgátur, skrifa undir rafrænar greiðslukvittanir og skrái inn tíma leikaranna. Sú æfing hjálpar lítið þegar maður ímyndar sér hvað ég kem til með að skrifa mikið á morgun.

Það sem ég á ábyggilega eftir að skrifa um (fyrir sérstaklega áhugasama, aðrir hætti að lesa hér):
Ráðandi karlmennska
Þöglir hópar
Hnattvæðing
Þróunarhjálp
Kyngervi
Kynferði
Ást sem valdur kúgunar kvenna
Aðrar ástæður fyrir kúgun kvenna tengdar heimili, fjölskyldu og hagrænum þáttum.
Vesturlanda yfirráð og slagsíða í öllu
mismunandi túlkun í mismunandi umhverfi...b la la la.

Eitt af læritækniaðferðum mínum er að búa til orð fyrir atriði sem ég þarf að muna, orðin sem sköpuð hafa verið fyrir morgundaginn eru þessi: pricc - sapcnap - vvask
... fór í bílastæðishús í fyrsta sinn í miðborg reykjavíkur í dag. Það var gaman. Ég er glöð. Vona að þú sért það líka. óLi píka.

markaðurinn

ka-oz
búinn að vera að digga soldið í bílnum

10 dagar til brottfarar

seldi hluta af mér í gegnum síma í dag, skrifa undir á miðvikudag. nánar um það síðar.

timinn og vatnið

nú eru það dj Signify með Buck 65 sem gefa tóninn þessa kvöldstund.
Stress í vinnunni, rústaði næstum einni leiksýningu. Slökkti á blásaranum á réttum tíma, en kveikti á vitlausum tíma. Bull. Fattaði ekki að fólk væri að ,,skamma" mig þegar það (x3) spurði hvort klukkan mín væri vitlaus. Ég geng ekki með úr þessa dagana. Útskýrði. Á morgun verður allt betra. Allt fullkomið ef tíminn leyfir.

læo kloll læoll klikk

klakk klikk klaaakk kliikk klakk eru hlj'o[ h'ah;lu[u

what the fuck af hverju virkar 'islenska stafabor[i mitt ekk} } } }

er 'eg of full e[a.... F'ekk m'er nokkur rau[v'[insgl-s en /etta er sko eitthva[ skr'iti[.

aha búin að laga, núna er þetta icelandic, var usa extended....

Var semsagt að koma heim af tónleikum með Reykjavík! og Hairdoctor og einu öðru bandi sem ég man ekki nafnið á á ásamt meðlimum nýhils sem lásu upp ljóð á milli tónleikaviðburða á Grandrokk í kveld. En Grand rokk á að rífa.

mjög gaman. Nú er ég búin að taka þá ákvörðun að Hairdoctor´s Shampoo getur verið ein jólagjöf þessi jólin. Var í vafa, en eftir að hafa séð þá á tónleikum er ég viss um að það sé góð jólagjöf. Mér finnst gaman á tónleikum og orkan sem myndast á sviðinu er alltaf áhugaverð, sem og orkan meðal áhorfenda.

400 áhorfendur mættu á tónleika kæra og co í kvöld. Á landamærum Póllands og Þýskalands. Nokkuð fleiri en á Grandrokkinu sem hljómsveitarmeðlimir Reykjavík! gerðu sér grein fyrir og þökkuðu óspart því fólki sem var þar, enda próflestur margra í gangi þessa dagana en eigi að síður afar góð stemning.

Nú var ég að láta hot chip á til að enda kvöldið og eftir það er það Moldy Peaches.
Það minnir mig á sumarbústað í Skorradal.

Í kvöld hitti ég mann sem ætlaði á bingó í Vinabæ fyrr í kvöld en endaði á Grandrokki. Hann var spurður af núverandi ástkonu sinni hvort hann hefði átt samfarir við feitar konur. Ég spurði um svar hans sem var gott skv. mínum standördum. Ég hef ekki hitt ástkonu hans þó manninn hitti ég stöku sinnum og á yfirleitt við hann áhugaverð samtöl, en spurningin er hvort ástkona hans sé feit og sé óörugg um útlit sitt eða hvort hún tilheyri þeim hópi að hafa fetish fyrir því að eiga í kynlífi með feitu fólki... eða eitthvað allt annað. þannig er mál með vexti að þessa dagana er ég mikið að velta fyrir mér fetish-dæminu og rekst iðulega á það hugtak sérstaklega í vinnunni og geri mér ágæta grein fyrir því orði sem slíku, en veit ekki íslenska orðið fyrir það. Hjálp óskast.

let´s talk about movies, let´s go to sleep...

neeei... verð að segja meira.
dudududu du du du u
hvísl : i´m walking down the street, i love you, let´s go to sleep.

Fékk Fudge sjampó prufu á tónleikunum í kvöld. Hún verður sko notuð á morgun. Ætlaði alveg að láta myndir með úr símanum mínum sem ég eignaðist í fríhöfninni fyrir stuttu, og bráðlega verð ég þar aftur og get ekki beðið, jei. Vinnuhelgi framundan = 11 - 00:00 og 11 - 00:00 og mán 16:30 - 21:00. Takk og take me to your leader...
these burgers are crazy they don´t like you they slip you the pill you dont like them never did these burgers are crazy

eddington

,, áttu ekki eddington paint marker penna?""
,, nei, við pöntum þá ekki"
,, getur þú bent mér á hvar þeir fást?"
,, ja... nú á penninn eiginlega orðið allar bókabúðirnar... nema bóksölu stúdenta og eina við hlemm, kannski þú fáir þá þar"

og þar sem ég nennti ekki lengra fór ég í Iðu sem átti auðvitað eddington penna. Að vísu bara í gylltu og silfruðu. En það verður að duga. í prófin, nei djók. er nefnilega búin að gera 2 jólabréf til n-ameríku. og nú get ég dúndrað í jólakortin hægt og bítandi. Mér finnst nefnilega gaman að senda bréf, líka kort og skeyti og jólakort líka. Í mínum huga er það kveðja til að létta upp á skammdegið, til að láta manneskjuna vita að maður hugsi til hennar og þyki vænt um hana. Jólakortagerð og skrif í mínum huga er ekki skyldurækni né kvöð. Mér finnst nefnilega gaman að teikna. Og hlusta á útvarpið. Rúv.

Síðan kemur ábyggilega nýtt naglalakk á hverjum degi á fima fingur mína. Því það er margt sem maður finnur sér til dundurs þegar á að vera að lesa. En það gengur, að sjálfsögðu samkvæmt áætlun.

det er godt... a danska matann

það er gott að vita að ég er ekki sú eina sem bregður í húsinu. þ.e.a.s. á vinnustaðnum.
það er líka gott að vita að jónína ben á ríka vini. (samt ber ég blendið stolt og virðingu fyrir þeirri konu)
það er gott að vita af jólaljósunum og ég er ekki búin að setja upp eitt, bara kerti
það er gott að geta talað við kæra, þó hann sé í útlöndum
það er gott að vita að hrefnu finnst uppskriftin girnó.
það er gott að fá falleg og hverful textaboð frá bróður sínum.
það er svo margt gott og hér er ég að reyna að telja það upp því einhverra hluta vegna er ég soldið dofin fyrir því góða í kvöld sem kemur kannski til af því að undanfarna daga hefur líf mitt einkennst af próflestri, verkefnum og vinnu.
En er það ekki bara líka gott?
ójú mín kæra, taktu afleiðingunum af ákvörðunum þínum um vinnu með námi, gerðu helvítis verkefnin og stattu þig vel í prófunum. Val. vel. vul. vil. ég get þori ogég villlllllllllllllllllllllllll

uppskrift fyrir 2 eða 1 tvisvar

ólífuolía
1 dós kjúklingabaunir (niðursoðnar) skolaðar
1/2 rauðlaukur, sneiddur
1/2 rauður chili, Fræin tekin úr og saxaður smátt
1 teskeið kóríander fræ
1 poki spínat, skolað
1 dós sýrður rjómi

ólífuolía hituð á pönnu,
laukur steiktur,
chili, kjúkl.baunir og kóríanderfræ útá í 5.mín.
Spínati bætt við og allt steikt í 3 mín.
Hálf dolla sýrður rjómi út á pönnuna og allt gumsið í 1 mín.
tilbúið.
Borið fram með hrísgrjónum og afganginum af sýrða rjómanum.
(á eftir að tilraunast með kryddið, kannski hægt að nota garam masala... en soldið fútt að hafa fræin samt).

the color of paradise

er einstök mynd eftir Majid Majidi. Segir frá blindum dreng í Íran og fjölskyldu hans þar sem aðaláherslan er á skynjun hans, semsagt mikið gert úr hljóði og snertingu. Skemmtileg myndataka. Mjög grípandi falleg mynd sem ég mæli eindregið með.

Annars er málið að skunda á Austurvöll á eftir og sjá ljósin kveikt á trénu, en ég man einmitt eftir því þega skólabróðir minn fékk að kveikja á trénu þegar við vorum lítil og mér fannst það rosalega merkilegt. Skrítið hvað merkilegheit breytast með tímanum...

ekki fyrir viðkvæma

merkilegt nokk, er búin að sitja við eldhúsborðið og skrifa úttekt á þróunarverkefni í Malawi frá því allt var dimmt úti, varð bjart, og er aftur næstum orðið dimmt... mér líður eins og hetju þó ég gefi ekki blóð.
En nú er það vinnan sem kallar og kúkurinn sem bíður eftir að fá að skjótast út. En varðandi kúk, þá hef ég aldrei kúkað jafn fallegum kúki og ég gerði um daginn í boston, ein heil lengja, ábyggilega 40 - 50 cm langur sem liðaðist svo undurfallega, líkt og snákur án hreisturs. Ég var svo ánægð með hann að helst vildi ég sýna öðrum, en fannst það einhvern veginn ekki við hæfi og var bara sátt við þá ákvörðun eftir að hafa verið heillengi inni á klósetti að dást að sköpun minni.

lifið heil.

yoda

Áttavitinn, dúfan, líkið, hundur, köttur, fjallið... allt þetta og meira í hádeginu sem var mjög gott. Fékk tár í augun þegar ég var að faðma sjálfa mig, það var samt gott en sakna þess að snerta og vera snert.

Akrafjallið og Esjan sérlega falleg klukkan 13:24.

þu veist hvað eg meina, er alltaf að reyna...

allt lífið komið aftur í sama horfið, já bara allt lífið, stór orð maður. Þú veist hvað ég meina.

Þjálfun nýs starfsmanns á móti mér á vaktina gekk vel í kvöld, þvílíkur munur að hafa einhvern annan sem maður getur treyst 100 % og er mjög viðkunnalegur í þokkabót. Verst að ég kveikti ekki eld til að æfa hann í að slökkva... pyromaniac.

Svaf í sléttar 12 stundir í nótt og er því bara hress, en í gærkvöld fór ég í jóla-graflax til vinkonu minnar sem var algjört æði. Þar var blogg m.a. rætt. Mjög forvitnilegt. Niðurstöður: blogg er nýr heimur samfélags sem nútímafólk gefur sér tíma í í stað þess að hittast augnliti til augnlitis (skype ekki talið með, því það er augnablik í gegnum miðil), en verður ekki allt að raunveruleika sem maður gerir? Sama hvort það er í tölvu, á internetinu, í draumum manns... En á sama tíma er frábært að geta fylgst með vinum og vandamönnum sem eru ekki í líkamlegri seilingarfjarlægð, eins og t.d. í útlöndum. Allaveganna. Þetta er ekki diss á blogg samfélagið, því ég nýt þess að geta tjáð mig, og geta skoðað annarra manna blogg raunveruleika. Þá kem ég að næsta dæmi, sem er það að maður les blogg fólks sem maður kannast við, lærir fullt um það á vefnum, en heilsar ekki úti á götu. Auðvitað les maður líka blogg vina sinna. En málið er, og hér er ég ekki að fara að segja að maður eigi ekki að lesa blogg þeirra sem maður heilsar ekki á götu, heldur þá getur hver og einn bloggari búið til ákveðna mynd af sér í bloggheiminum sem lesendur ráða hvort þeir taka mark á, trúa o.s.frv. Ég býst við því að langflestir bloggarar ritskoði sig soldið, þ.e.a.s. á fullu, því maður veit aldrei hver er að lesa, gefur ósjálfrátt ákveðna mynd af sér og maður ælir ekki fullkomlega á blogginu sínu, þó maður geti ælt soldið. (Æla = tjá sig á mjög persónulegan hátt um persónuleg og tilfinningarík málefni, bæði neikvæðan og jákvæðan). En maður ælir frekar í persónulegri viðurvist fólks sem maður treystir. Síðan varðandi mySpace týpurnar, þá er alltaf forsíða þar sem maður þarf að fara í gegnum til að komast að blogginu, og þar er heljarinnar frontur sem gefur ákveðna hugmynd um bloggarann, áhugamál, tónlist, hverjir eru vinir manns o.s.frv. Ég býst ekki við að það sé eitthvað mikið ólíkt öðrum bloggtýpum, en samt, ákveðinn frontur, sem gefur ákveðna hugmynd. Bloggið er semsagt mjög forvitnilegt og skemmtilegt samfélag.

Já, bara ekkert meira um það í bili, kannski seinna. Ef fólk hefur aðrar hugmyndir, endilega látið heyra.
Það er orðið rökkvað þegar ég labbaði í vinnuna kl.16:25, næstum því dimmt. Nú kertaljós og sól í sálu minni og sinni.
bóða og góða nótt.

bos

í Boston var gaman. Mestum tíma var líklega eytt í verslunum. Þó fór ég aldrei í aðalverslunarmiðstöðina og prísa mig sæla. Mér líður ekki of vel inni í verslanamiðstöðvum og finnst mun betra að geta verið útivið og rölt á milli búða. Hér að ofan sjáið þið brósa í fíling með eyrnatappa ef vel að er gáð. En hann er klár drengurinn, og á bara eitt sett af eyrum.
Í Boston er hægt að gera margt. Í rökkri nætur keyrðum við til Cambridge og reyndum að sjá Harvard háskólann og MIT. Í dagsljósinu var ég í bíl og sá skautasvellið í garðinum. Annars var bara hreinlega gott að chilla með mömmu og skötuhjúunum á milli jólagjafakaupa. Ég keypti eina jólagjöf. Handa pabba. Annars fékk ég 8 skólabækur fyrir 11000 krónur. Það kalla ég gott.

Ég hef verið klístruð... fullt af 7 hlutum.

7 hlutir sem ég ætla að gera áður en ég dey:
vera glöð, muna að þakka, baka piparkökuhús, sofa í kastala, fara í loftbelg,
7 hlutir sem ég get gert:
hlustað, spilað á trommur, nuddað, prumpað upphátt in public, synt hratt, verið liðug.
7 hlutir sem ég get ekki gert:
hlaupið hratt, trúað að einstaklingar séu bara gerðir úr illu, verið lengi í leiðinlegum samkomum.
7 hlutir sem heilla mig við hitt kynið:
tippi, pungur,
7 frægir kk sem heilla mig:
jay kay, Kiefer s., Thor Vilhjálms, Salman Rushdie, Steve Buscemi?,
7 orð sem ég segi oft:
ok, glætan spætan, fokk, sjitt,
7 manneskjur sem ég kitla:
Ragnhild, Ágústa, Ásdís, Petra, Gylfi.

ok ég veit að ég gerði ekki 7, en ég reyndi allaveganna, fullkomnunarárátta mín nær ekki lengra en þetta, hina kitla ég soldið. En annars held ég að allir sem ég þekki eru búnir að kitlast og því mega aðrir sem lesa þetta og vantar kitl endilega taka lausu plássin.

32 graður a F

Um hádegisbil var boðið staðfest. Þ.e.a.s. boðið um það að fara til Boston á morgun fram á mánudagsmorgun. Ha ha ha. Og auðvitað segir maður ekki nei við svona gylliboðum. Hlakka til og mest til að fara á tónleika með lille-bror. Eins gott að ég er búin að vera dugleg í skólanum maður. Er að spá í að kaupa nikótín-tyggjó því í frjálsa fasista landinu má maður hvergi reykja. Ekki er ætlast til að fólk ráði yfir eigin líkama. Þá er lítið eftir, þ.e.a.s. til þess að ráða yfir. Vá hvað þetta verður góð tilbreyting. Elska mömmu fyrir að nenna að hafa mig með.

goggulugu

Morgunhaninn hérna megin með kaffi og kertaljós klukkan 8:50. Útvarpsmaðurinn getur ekki borið fram nafnið á laginu því það inniheldur klikk-tungumál. hann segir þetta sennilega vera Swahili-mál. Og Íslendingar alltaf að ætlast til að útlendingar tali fullkomna íslensku og missa þolinmæðina og skipta yfir í ensku þó að viðkomandi kunni ekki ensku... þessi pistill átti ekki að byrja svona. Ok. Það sem ég vildi sagt hafa er: vinsamlega látið ný batterí í reykskynjarana á heimilum ykkar reglulega, kannski einu sinni á ári. Þannig er mál með vexti að ég notaði slökkvitæki á alvöru eld í fyrsta sinn í gær. Undir öruggri leiðsögn Jóns Péturssonar slökkviliðsmanns í forvarna-& fræðsludeild Slökkviliðsins sem var með fræðslu á vinnustaðnum. Nauðsynleg fræðsla og praktík sem ég er mjög glöð yfir að fá að hafa tekið þátt í. Verð að fara þó kaffið sé ekki búið. Njótið dagsins.

verðlagskönnun

Dagurinn í dag byrjaði á leti því ég mátti sofa út. Vatt síðan upp á sig og ég hitti nýlegan íbúa þessarar jarðar sem var ógurlega fallegur eins og öll ungabörn eru, samt skrítin. Mamma hans glóði eins og pera. Út í búð. Eina hverfisbúð þar sem kílóið af banönum kostar 196 krónur, í annarri 226 krónur og í Heilsuhúsinu (lífrænt ræktað 658 krónur á kílóið. Upp í vinnu þar sem mér var gefin handprjónuð peysa, hin glæsilegasta með silfurþráðum og er ég mjög glöð og þakklát fyrir. Hvað er málið með mig og prjónavörur þessa dagana? Lokaði sjoppunni snemma til að koma heim að chilla, því mánudagskvöld eiga það skilið. Litli frændi minn á líka afmæli og ég er ekki búin að ná á hann, fussum svei mínmegin. Nú borða ég franska osta í kvöldmat og er á leið að leggja lokahönd á ritgerðardruslu sem ég er búin að vera að hanna.

grayskull

var að enda við það að fá vísbendingu um að ég mætti alveg sleppa neikvæðum hugsunum. Það getur verið gott að vera minntur á svona hluti, því stundum er maður bara of upptekinn af því og gleymir því að maður getur ráðið.
i´ve got the power du du du dudu, ekki sko heman heldur teknólagið frá áttunda áratugnum.

meira afmæli

nóvember er bara eitthvað crazy, rosa margir sem ég þekki eiga afmæli þá og í dag eru það 2 kærkomnar konur sem eiga afmæli.

Annars búin að vera soldið bissý týpa. Fyrirlestur í skólanum, ritgerðasmíð, rauðvín og keyra ömmu í sjúkraþjálfun og fleira fallegt. Eftir vinnu í gær skundaði ég til dúllu-parsins í innflutningspartý og hitti þar margt fallegt fólk þ.á.m. Bigga. Endaði í fjölleikahúsinu þar sem enn fleira skemmtilegt fólk var.
Kveðjustund til Bigga sem ætlar á nýársfögnuð og ég vona að hann fari með pípuhattinn. Konurnar í partýinu töluðu um verðug málefni, þ.á.m. mannréttindi, blæjuna, samskipti á vinnustað o.fl. Það var semsagt mjög gaman. Húsráðendur fengu útskorna kind úr stáli til að prýða heimili sitt frá listamanninum o.fl.

Á leiðinni heim hitti ég konu frá Ítalíu sem var að selja húfur og skartgripi. Stóð yfir fyrir hana á meðan hún skrapp á klóið inn á næsta bar. Að launum fékk ég þessa fallegu prjónahúfu. Góð skipti.

annars er það vinnuhelgi maður minn... og þá verður ritgerðast með skjálfta í hönd og hjarta sem vonandi verður horfinn seinni partinn.

skitso

word has unexpectedly quit... do you want to send a report to microsoft? no you fucking shit fuck

ja það er pirrandi að hafa ekki alltaf vistað á 10 mín fresti þegar maður er að skrifa verkefni og síðan bara blúff...

fyrstu viðbrögð: massapirr.

Núna neiiii... það tekur því ekki, ég man svona sirka hvað ég var að skrifa sko... og síðan voru svo margir sem glöddu mitt 28 ára hjarta í gær sem skiptir mig svo miklu máli. Þúsund þakkir elsku fólk. mér líður eins og ég sé 80 að þakka þeim sem glöddu mig í mogganum. En þið gerðuð það í alvörunni. Og þó ég hafi ekki fengið grilljón pakka (en fékk samt nokkra mjög fallega, t.d. kaffi sem ég gleðst alltaf yfir) þá skipta þeir mig nefnilega ekki öllu máli heldur frekar comment sms hringingar heimsóknir tölvupóstur. Einum bróður mínum, líffræðilega yngri en ég, fannst að ég væri 15 þegar ég sagðist bara hafa fengið 1 pakka... he he he.
og í tilefni þess sendi ég kveðju í kveðjustund, til Ásdísar á sjúkrahúsinu. Sendi henni strauma á skurðbrettið.
og núna ætla ég að skrifa það sem eyddist út.
góðar stundir.

það er svo gaman að eiga afmæli. þessi fallegi dagur. Ohh ég bráðna bara. Nú er ég t.d. að mála mynd sem kom til mín í fyrradag handa manneskju sem ég tengist á fyndinn en fallegan hátt. Og hlusta á Jack Johnson og The Bhundu Boys frá Zimbabwe. Og drekka netlute í tilefni dagsins. Ég er glöð.

hér átti að koma eitthvað rosa fínt dót um afmælisdaginn minn sem er í dag. En ég man að skv. því á júní að vera góður mánuður fyrir mig og jade góður litur fyrir mig... hmmm. Takk fyrir kveðjurnar en dagurinn er ekki úti enn og ég geri fastlega ráð fyrir að fleiri eigi eftir að bætast við. Já, það er bara uppi á mér, typpið. En það má, því ég á afmæli. Jei.

wilco - im trying to break your heart

take off your band-aid, cause i don´t believe in touch downs...

einu sinni var fjölskylda sem bjó í tveggja hæða húsi. þarna bjuggu afinn og amman og mamman og pabbinn og börnin þrjú. Það var liðið að kveldi og fjölskyldan að búa sig til að snæða. En allt í einu var afann og ömmuna hvergi að finna, mamman fór að leita og svo pabbinn og sneru þau ekki aftur. Þá fór elsta barnið og það næstelsta og að lokum var yngsta barnið bara eitt eftir. Það leitaði inn í svefnherbergjunum, stofunni og alla hæðina. Þá ákvað það að klöngrast upp stigann. Það brakaði í viðnum og vanalega mátti barnið ekki fara eitt þarna upp. Þegar upp var komið sá það eina hurðina opna í hálfa gátt og heyrði í fólki fyrir innan. Loksins er ég búin að finna þau, hugsaði barnið og hélt í áttina að ljósinu. Inni í herberginu voru allir að borða vilkó súpu.

silki trans

ég lýg því ekki en húð mín er sem silki. Án þess að neitt krem hafi komið þar við sögu, en svitabaðið gerir undur. Ekki bara við húðina (sem er þó stærsta líffærið) heldur líka við andann og líkamsstarfssemina. Hvílíkur unaður, sem á stundum getur verið svolítið mikið erfiður, eins og þegar manni finnst maður ekki geta fengið neitt kalt súrefni....

Stóð semsagt í gærkvöldi úti í snjónum á tánum í sundbol svolitla stund og mér var bara ekkert kalt. Stjörnurnar uppí sveit eru bestar. Neontýpur og norðurljós. Ég held að mér sé ennþá hlýtt inni í skrokknum. En þetta var þriðja svitabaðið mitt, og einhverra hluta vegna var það það besta. Einhver indjáni hefur sagt að ef manni finnist svitaböð ekkert mál, þá eigi maður ekki erindi þangað, þurfi ekki að hreinsa sig, en þarmeð er ég ekki að segja að þetta hafi verið eitthvað pís of keik, heldur var upplifunin bara önnur.

Allaveganna. Þarf aðeins að leggja mig áður en ég skunda til vinnu en ætla að koma fyrst við í Heilsuhúsinu þar sem þar er afsláttardagur heilsubúanna þar í dag og kaupa mér te. Vetrarte.

Í gær voru með mér refurinn, gamli andinn úr norðrinu, vatnið (mini á indjánísku) og hesturinn. Já vinir geta komið úr öllum áttum. Hver ætli sé með mér í dag?

Ljóðlína:
silki trans
vetrardans
farðu út,
Óli skans.

dalalif

nýttlíf að byrja hérnamegin enda að fara í svitabað á morgun með fyndnu fólki í frosti.

þessi vika heitir verkefnavika. Samkvæmt stundaskrá h.í. Að sjálfsögðu er ég búin að skrá hvað verður tekið fyrir á hverjum degi. En þó ekki eins analt og stundaskrá, heldur bara viðfangsefni. T.d. rita ég ritgerð í þrjá daga og aðra í tvo. Það að rita ritgerð þýðir líka að lesa. Það er gaman. Hef komist að því að undir nýaldartónlist les ég vel. Var einmitt í nýaldarviðtali í dag. Viðtali um viðhorf til miðla, nýaldardót og hugmyndir o.s.frv. Mjög gaman.

Kveðjustund. kveðjur til alls góða fólksins sem býr í Berlín. Eins og um stundarsakir þekki ég bara slatta af fólki þar. Þess vegna verður gaman 22.des þegar ég flýg á vit ævintýranna án jóla jóla jólasýrunnar.

Var búin að hugsa með mér að minnast ekki neitt á jólin á þessum vettvangi. Þeirri hugsun verður hérmeð leyft að líða hjá, eins og skýi.

Ferskleiki, nýstárni, nýstárlegheit, áramótaheit allskonar á þessum vettvangi.
Færslu lokið kl.00:07
(en mér fannst einmitt rafmagnsvekjaraklukkan hans pabba alltaf rosa töff þegar hún sýndi núll núll núll sjö)

0123456789

ein í skógarferðin í morgun


ein 24. okt með gott útsýni


ein í svaka stuði

adam atti syni sjö

i love yoga.

sá brynhildi guðjónsdóttur ásamt hljómsveit á næsta bar í gærkvöld. Það var sko fínt, enda gaman að horfa á leikkonu koma fram, sérstaklega þegar hún hefur fallega rödd og skemmtilega hljómsveit (kontrabassi-trommur-harmoníkka). Myndi jafnvel kaupa diskinn. Líka soldið til að styðja þetta góða fólk... Fyrst það nennir að koma fram og gefa næstum allt hjartað sitt í þetta þá er það pottþétt virðingarvert, sama hvort manni líki eitthvað sérstaklega útkoman eður ei.

Búin að vera að hnerra endalaust í dag.
Farin í skulen og vonandi fæ ég að snæða með ma+pa á eftir.
aaaaatsjúúuuú adam.

ljosritun i klukkutima

jibbí jei jimmy. fyrirlesturinn gekk vel.
fallegur dagur.

Að undanförnu hafa átt sér atburðir sem eiga sér engar vísindalegar skýringar sem ég þekki til.

1. klukkan 21:30 að staðartíma á mánudagskvöld er ég að hugsa rosa mikið um að hringja í bróður minn besta. Geri ekkert í því, einni og hálfri klukkustund síðar hringir hann og við tölum eins og við eigum lífið að leysa því það er svo gaman. Honum fannst þetta ekkert skrítið og ég furða mig á því hvort það taki 1 og hálfan tíma fyrir hugskeyti að ferðast yfir Atlantshafið.

2. Sama dag, fyrr um daginn. Þá hafði ég verið að hugsa rosa mikið um Ragnhild, geng síðan niður Skipholtið í rólegheitunum og hálkunni og þá er hún bara inni í bíl, lögðum beint í göngufærinu mínu. Það var gaman. Einhverra hluta vegna brosi ég endalaust þegar við hittumst.

3. Í dag, tala við stelpu sem ég hef aldrei hitt áður. Hún að gera ritgerð, vantar rosa eina bók sem ekki er til á bókó. Og ég á bókina sem ég var að enda við að lána henni. Hún sagði að einhvern veginn redduðust alltaf allir hlutir, var sannfærð um að eitthvað dæmi væri í gangi....

En hvað er þetta sem er í gangi?
Ákveð að enda þennan pistil á la Carrie Bradshaw og kveð á leið til vinnu.

crepes

nett að krepera með fallegu tölvunni minni og nýaldartónlist, komin langt með fyrirlesturinn fyrir morgundaginn ekki alveg búin samt, það gerist í kvöld. Var einmitt með annan fyrirlestur í dag sem gekk bara vel.

Einbeiting hvar ertu? hvert ferðu alltaf?
muna mindfulness, athyglisskrefin.

ekkert klukk en...

fékk þetta sent og svara að sjálfsögðu samviskusamlega.

1. HVENÆR VAKNARÐU Á MORGNANA?
Aldrei fyrr en klukkan níu. Nema á þriðjudögum.

2.EF ÞÚ GÆTIR SNÆTT HÁDEGISVERÐ MEÐ EINHVERJUM FRÆGUM, HVER VÆRI ÞAÐ?
Madonna.

3. GULL EÐA SILFUR?
Gull

4. HVAÐ VAR SÍÐASTA MYNDIN SEM ÞÚ SÁST Í BÍÓ?
Born in Brothels.

5. Uppáhalds sjónvarpsþátturinn
24.

6. HVAÐ BORÐARÐU Í MORGUNMAT?
Kaffi.

7. HVAÐ LANGAR ÞIG AÐ GERA ÞEGAR ÞÚ ERT ORÐINN STÓR?
Bíddu er ég ekki orðin stór? Allaveganna reyni ég að forðast að gera hluti sem mér finnst leiðinlegir.

8. GETURÐU SNERT NEFIÐ Á ÞÉR MEÐ TUNGUNNI?
Nei, en ef ég ýti nefinu niður með puttanum þá get ég það.

9. HVAÐ VEITIR ÞÉR INNBLÁSTUR?
Náttúran og fólk sem er sjálfu sér samkvæmt.

10. HVAÐ ER MIÐNAFNIÐ ÞITT?
Katrín.

11. STRÖND, BORG EÐA SVEITASÆLA?
Sveitasæla við strönd þar sem er stutt til borgarinnar.

12. SUMAR EÐA VETUR?
Sumar og stundum vetur.

13. UPPÁHALDS ÍS?
Bragðarefur með jarðaberjum, snickersi og smartísi.

14. SMJÖR, SALT EÐA SYKUR Á POPP?
Salt.

15. UPPÁHALDS LITURINN ÞINN?
Blár.

16. UPPÁHALDS BÍLLINN ÞINN?
Alls ekki hvítir bílar, en annars gamlir Landrover jeppar.

17. HVAÐ FINNST ÞÉR BEST AÐ BORÐA Á SAMLOKU?
Ost. smjör. salt. Æi bara alls konar.

18. HVERT FÓRSTU SÍÐAST Í FRÍ?
Til Reykjavíkur á Airwaves, en til útlanda þá var það til Cape Breton í Kanada.

19. HVAÐA PERSÓNUEIGINLEIKA FYRIRLÍTURÐU?
Kann sjaldan við sjálflægt fólk en annars nenni ég ekki að spá í það...

20. UPPÁHALDSBLÓM?
Fífill.

21. EF ÞÚ YNNIR STÓRA POTTINN Í LOTTÓINU, HVERSU LENGI MYNDIRÐU BÍÐA ÁÐUR
EN ÞÚ SEGÐIR FÓLKI FRÁ ÞVÍ?
Held ég myndi bara vinda mér í það, kalla saman fund og svona. Semsagt strax.

22. SÓDAVATN EÐA VENJULEGT VATN?
Venjulegt.

23. HVERNIG ER BAÐHERBERGIÐ ÞITT Á LITINN?
Soldið pastelblátt.

24. HVAÐ ERU MARGIR LYKLAR Á LYKLAKIPPUNNI ÞINNI?
Átta. Nei, níu með hjólalásnum.

25. HVAR ÆTLARÐU AÐ EYÐA ELLINNI?
Veit ekki hvort ég fari í ellina. Held ég verði bara að vinna í því að vera ánægð og sátt við umhverfið.

26. GETURÐU JÖGGLAÐ?
Það fer eftir ýmsu... get jögglað mörgum símtölum í einu á skiptiborðinu ásamt því að vera að gera og tala og hugsa þúsund hluti, annars get ég jögglað 3 boltum í algjöru slomo

27. UPPÁHALDS DAGUR VIKUNNAR?
Laugardagur. Nei, stundum geta bara allir verið uppáhalds.

28. Rauðvín eða Hvítvín
Hvítvín á sumrin og rauðvín á veturna.

29. HVERNIG EYDDIRÐU SÍÐASTA AFMÆLISDEGI?
Ok. í fyrsta lagi hef ég farið að gleyma því æ oftar þegar ég er spurð hvað ég er gömul... alzheimer? Ruglast alltaf á 26 - 27 - 28 - 29 Hvað þá að ég muni eftir síðasta afmælisdegi. Einn afmælisdagur var surprise-partý. Annar var kaffi og kaka með 2 öðrum. Annar var ...

30. ERTU MEÐ LÍFFÆRAGJAFAR KORT?
Nei.

31. HVORT MYNDIRU VILJA EIGNAST STRÁK EÐA STELPU?
Þessari spurningu kýs ég að svara þannig að mér væri alveg sama. Þykir jafn mikið til kynjanna (kyngervanna félagsmótuðu) koma og tel líffræðilegan mun á kynjum ekki vera til staðar (fyrir utan útlit á kynfærum og brjóstkassa og hárvöxt í andliti og á bringu). Er ég veruleikafirrt?

32. HVAÐ KEMUR ÞÉR Í GÍRINN?
Hvaða gír? Kynlífsgír, djammgír, hjólagír? Einu sinni var ég lítil að hjóla á fullorðinshjóli og reiddi 5 ára gamlan frænda minn. Allt í einu var orðið rosa stíft að hjóla en þá hafði fóturinn á honum festststst inn í hjólteinunum. Annars held ég að lykillinn að gírnum mínum sé gott fólk, gleði og friður.

33. ERTU FEMINSTI?
Já.

34. FLOTTASTI LÍKAMSHLUTINN Á HINU KYNINU?
Kynfærin að sjálfsögðu þar sem ég hef ekki svoleiðið dót.

35. ELSKARÐU EINHVERN?
Já. Held ég sé líka mjög léleg í því að hata.

35.SEGÐU EITTHVAÐ FALLEGT UM MANNESKJUNA SEM SENDI ÞÉR ÞETTA:
Hildur verður ábyggilega mjög góð í mömmuhlutverkinu síðan hefur hún líka falleg augu.

36. FRÁ HVERJUM ERU MINNSTAR LÍKUR Á AÐ ÞÚ FÁIR ÞETTA SENT TIL BAKA
n/a
37. HVER HELDURÐU AÐ VERÐI FYRST/UR TIL AÐ SENDA ÞÉR ÞETTA TIL BAKA?
n/a

bilar

föstudagsreggíið að síga inn, ekki þó inn um gluggana því þá hef ég lokaða fyrir snjónum. Upplifði æsispennandi atvik seinnipartinn þegar ég var að keyra á sumarhjólbörðum og útvarpsþulurinn sagði fólki að sleppa því að keyra á þeim og taka frekar strætó eða leigubíl. Sem ég gerði ekki og komst heim heil á höldnu.
Bretar eiga orkuforða í 11 vetrardaga, en síðasta ár voru 55 vetrardagar hjá þeim. Hvað verða þeir margir hér?

Er ekki frá því að ég sé aftur dottin inn í það að búa ein. Jei. Það getur líka verið gaman og gott. Allaveganna var kveðjustundin í gær ekki eins erfið og síðast, þ.e.a.s. ég mundi eftir að hafa keyrt heim frá Keflavík, ólíkt áður þegar ég rankaði alltíeinu við mér, komin heim... ekki mjög traustvekjandi.

Fór á uppskeruhátíð félagsvísinda í dag. Hlustaði á spennó dót. M.a. gaur sem er að skoða tæknina og samhengi. Samhengið og staðsetningin eru mjög breytt með tilkomu t.d. msn, gsm. Hvað er staðbundið og hvað er hnattrænt?
Sá svart á hvítu að forsíðumyndir t.d. Fréttablaðsins eru mun mun mun mun mun oftar af karlmönnum heldur en konum. Það svipar einmitt til efnis sem ég er að fara að skrifa um í einni ritgerð þar sem ég ætla að skoða birtingu kvenna í rokk-tónlist í fjölmiðlum hér.

Jamm. grjónagrauturinn var góður. Vinnuhelgi framundan. Böns af krökkum frá útlandi að koma að leika í einhverju hcandersen dóti. Krakkar eru líka fólk.

sumt samt sumt samt sumt samt

eitthvað eirðarlaus inní mér í dag. kannski af því að kæri er að fara aftur út á morgun og að næst sjáumst við um jólin... veit ekki. anda djúpt. vera jákvæð. fara út og hugleiða. með sígó í öðru. farið að síga á seinni hlutann í skólanum, of mikið að gera. kannski samt ekki. veit ekki neitt. veit samt sumt. eirðarleysi hvað?

sjaumst

á skólavörðuholtinu klukkan þrjú, Ingólfstorgi klukkan fjögur.
Hlakka til.

sjaumst

á skólavörðuholtinu klukkan þrjú, Ingólfstorgi klukkan fjögur.
Hlakka til.

la la la la la laaa

tyrkneskir tónar í útvarpinu, hljómsveitin oriental moods frá Danmörku. Fór í hádegisverð til ma+pa í hádeginu, voða fansí og gaman. Annars bara heima, búin að stúta mogganum. Sudoku gleði. Og krossgátuleikur á laugardagslesbókinni.

Upplifði tóna í gær. Einar Örn benti eins pent og hann getur á það þegar hann og hljómsveit hans voru á sviði að það sé fáranlegt að bjóða listamönnum að gera þessa sjálfboðavinnu á sviðinu með ónýtt hljóðkerfi. heyr heyr. Sá semsagt Dáðadrengi, Kimono, Ghostigital, The Mitchell Brothers og Fiery Furnaces í óviðunandi hljóðkerfi, sem er allt annað en það sem boðið er upp á í Hafnarhúsinu t.d., en þetta var á Gauknum. Það var ganam. Maðurinn sem býr á jarðhæðinni hér spilar einmitt á bassa með Dáðadrengjum en sagan segir að þetta hafi verið þeirra síðustu tónleikar sem voru góðir.
Kimono var Kimono.
Ghostigital finnst mér alltaf spennandi og náttúrulega gaman að horfa á söngvarann og son hans.
The Mitchell Brothers voru 2 gaurar í úlpujökkum og með húfuhatta. Pólitískt old-school hiphop undir breskum götuáhrifum. Skemmtilegt að þeir höfðu leiknar kvikmyndir á skjá við hvert lag.
Fiery Furnaces spilaði allt ógeðslega hratt. Miklu pönkaðra heldur en á plötunum nokkurn tímann. Þannig að ég fíla tónlist þeirra betur lifandi en á plötu.
Ætlaði að sjá Forgotten lores en þurfti frá að hverfa með góðu fólki.

takk fyrir mig. Já. Er að velta því fyrir mér hvort ég eigi að fara með konunum á vinnustaðnum á mánudaginn en þær ætla allar í jakkaföt. Er ekki nóg að fara í þeim fötum sem maður er í þann daginn? Þarf ég að hugsa um útlitið? Sprell from hell.

the magic

Galdurinn við loftbylgjurnar er að taka sér hlé inn á milli, borða og slappa af. Maður getur hvort sem er ekki séð allt.
Í gær stóðu Reykjavík mest uppúr, svo Skátar.
Nú er haldið áfram.
Gleði gleði ógeðslega gaman.

pill pill i badi

partýið fer að læðast inn íhuga mér sem í vændum er. Ákveðið löglegt frí. Er að kæla mig niður með því að lesa 1 grein í dag um það hvernig hnattvæðing getur haft áhrif valdastöðu kvenna. Þ.e. að hnattvæðing getur veitt evrópskum konum aukið vald en gerir það ekki þegar kemur að hefðbundnum hugmyndum um kyngervi.

Það er farið að kólna aftur svei mér þá.

always better when we are together

ok get ekki beðið þarf að tjá mig netið eitthvað ógurlega hægt.

3xMúshí til Guggu. Og óska eftir stjörnukortadótinu Ágústa. Þetta voru kveðjur dagsins í dag en eins og lesendur hafa kannski kynnst þá eru þær í ýmsu formi.

Ok. Upplifði 2 popphljómsveitir í dag.
írafár á stöð 1 þar sem þetta er vinnuhelgi og sjaldan eins gott að nota tækifærið og glápa. Ég er greinilega svo langt leidd að ég horfi á hljómsveitir kvöldsins. En allavega þá er Írafár popphljómsveit sem nær til landans í gegnum tv. Fíla hana ekki baun en hef ekki hlustað mikið á hana.
Uppáhalds: B.Haukdal.

Þá fór ég á Jeff Who? eftir vinnu niðri í kjallara. Útgáfuteiti. ókeypis inn og var staðurinn fullur. Held að hljómborðsleikarinn hafi einhvern tímann verið í Írafári. En þá spila þeir vel tónlist saman og allir voða glaðir. Ekkert nýtt, sviðsframkomu söngvara ábótavant ef maður miðar við B.Haukdal. Hljómsveitin ekki enn í tv en á góðri leið þangað með því að eiga lag á topplista útvarps sem ég þekki ekki. áhorfendur á bilinu 19 - 32 ára og fullt af mömmum og pöbbum strákana í hljómsveitinni. Þekkt fólk úr bransanum slæddist inn á milli, en enginn sem myndi nokkurn tíma viðurkenna að hann fílaði Írafár.
Uppáhalds: þorri sem trommar með eina skálmina upp. Tobbi sem synthar og tónar sönginn voða fallega. Og náttúrulega maðurinn með nefið.

Þannig að hver er munurinn? Böndin spila bæði alveg rosalega líka tónlist ef maður spáir í því fyrir utan e-ð sem er ,,kúl" sem F.Ferdinand kom með. Og B.Haukdal er kona. Baddi gæti líka verið kona?

Ok ég er alveg að hlakka til að fara í margra daga tónlistarveislu Airvawes. Þar spilar Írafár örugglega ekki. En á eftir að kynna mér dagskrána í þaula. VOhó

Búin að vera í vinnunni frá hádegi en ég svaf heima hjá mömmu í nótt eftir góða stund með henni og 1 systur marineraðar í hvítvíni. Soldið spes en gaman.

Er að spennast upp því nú hef ég bráðum ekki pleisið ein fyrir mig frá mér til mín. Þ.e.a.s. frá og með mánudeginum n.k. Það verður ekkert slæmt að deila því með kæra. oooooh yeah.
í friði.

ljonið i þriðja auganu

jamm pílukast er kúl og ég verð baneitruð næst.

ok. í fyrsta lagi er ég mjög heppin. Fyrir það að geta rætt mjög áhugaverð málefni í vinnunni við ótrúlegt fólk. Þar að auki get ég lært fullt, en í kvöld las ég t.d. 3 blaðsíður í vinnunni, sem ég tel ekki mikið. Skamm stelpa. En að áhugaverðum málefnum sem komu upp í kvöld: draumráðningar á hafi og grasi. Massa samtal við þroskaðan tónlistargúru um konur og tónlist eða rokk og ról... nokkuð sem ég hef hug á að rannsaka og hann sagði að ég mætti alltaf tala við sig sem verður massa, fyrir utan það að hann er ekki kona. En hann gæti alveg verið kona. Já og síðan var líka rætt brjósklos, blind stefnumót, hugleiðsla og ljón. Ekkert um Halldór í Hollywood sem verður frumsýnt á morgun. Það er fínt. Stundum held ég að fólk fatti alveg hversu takmarkaður áhugi minn er á leikhúsinu sjálfu, en ég hef áhuga á fólkinu sem gerir leikhúsið. Er það ekki nóg? skiluru, ok, mest töff. Sá endann á S.Nótt og hún var náttlega gordiuss. Kann ekki að skrifa aðra stafsetningu en þá sem ég lærði frá 5 ára til 12 ára. Sem þýðir að ég kann ekki að skrifa lingó dagsins í dag. En leikhúslingóið er ég að detta inn í t.d. járnteppi, nótur og kantur.

ok. í öðru lagi er ég í fínu lagi og nenni ekki að skrifa meira og ætla að halda áfram að hlusta á cinematic orchestra sem er einkar þægileg tónlist svona seint á síðum kvöldum, tónlist í anda við portishead nema bara mun minni söngur.
Yours truel(ad)y

ooro

í gær fór ég út í óvissuna með samstarfsfólki mínu. Það var gaman. Við fengum að skoða Gutenberg prentsmiðjuna og nú veit ég hvað offset prentun þýðir. Við fengum líka snittur og drykki. Allt kvöldið. Enduðum á Classic Rock í Ármúlanum í fullu swingi, komst m.a. að því að ég er betri í blindandi pílukasti heldur en sjáandi. Þarna gafst gott tækifæri til að kynnast samstarfsfólkinu betur til 04:34. Já þó ég sé ekki í starfsmannafélaginu fékk ég að fara með. Rosalega félagslynd týpa á mánudagskvöldi.

Annars er ég komin heim til mín sem er mjög gott. Allt er gott nema það er svo kalt.

kveðjustund:
straumar til Möggu Stínu og fjölskyldu.

Góða nótt.

ljufi laugardagur

fyrst ber mér að senda kveðju til Köben, til Hrefnu sem er svo dugleg alltaf að skrifa inn ábendingar eða hvað sem comment þýðir.
Ritstjóri þessarar síðu hefur tekið tvær ákvarðanir.
1. hér má senda kveðjur. Persónulegar. Og fullt af þeim. Ef þetta er ekki vettvangur til þess þá vitum við ekki hvað.
2. vegna fjölda ábendinga sem eru ekki frá neinum sem straumar þessarar síðu eru bendlaðir við, þá er ráð að fara í settings - comments - og þar finnur maður Show word verification for comments og hakar við YES. Þessar upplýsingar fengust á annari síðu sem þessari og er vonandi að það virki.

Sá Born in Brothels í dag með múttu. Dró hana í Tjarnarbíó og það var gaman. Myndin var alveg. Ekki mikið af líkamlegu ofbeldi, en nóg af því andlega. Gott að sjá börn vændiskvennanna sem virka gerendur í því að bæta heim sinn. Er maður að fróa einhverri þörf yfir því að hafa ánægju af að upplifa kvikmyndir og fleiri efni í fjölmiðlum sem draga upp það napurlega í heiminum?

Heimilislífið gengur vel. Er heppin yfir því að fá að vera tímabundin húsmóðir og hlakka til að fara heim. Hér hljómar gangsta rapp og það er stuð. Fór í húsmóðursbjór á barinn. Einn fyrir eitt. Mjög fínt. Vonast til að skrifa einhverja svona tónlist á þessu heimili, því það er staðreynd að það er erfitt að hafa efni á allri þeirri tónlist sem maður innbyrðir og því er um að gera að nota tæknina, kynnast nýju og kaupa ef hugurinn girnist það mikið, sérstaklega í ljósi þess ógurlega framboðs sem tröllríður landanum. Listamenn, Respect. Alltaf gaman að upplifa nýja tónlist. Og Airwaves í nánd. jólin jólin allsstaðar.

mamman

þar sem ég er í hlutverki móður eða fullorðins þessa dagana vil ég koma með eina ábendingu varðandi uppeldi og heimilisbrag. Nú á dögum er það staðreynd að sökum tímaleysis eru fjölskyldur minna saman en áður. Ég ætla ekki að fara út í ástæðurnar náið en þær eru margar og flóknar. Hagkerfi, atvinnumarkaður, skólinn, tómstundir o.s.frv. Sjónvarpið er hluti af menningu okkar. Það er mikið framboð af ýmis konar sjónvarpsefni. Oft eru nokkur sjónvarpstæki á heimili. Stundum eru sjónvarpstæki inni í herbergjum barnanna. Allir á heimilinu geta horft á það sem þeir vilja. Ég held að með því að börn og unglingar hafi sjónvarpstæki inni í herbergjum sínum minnka samverustundir fjölskyldunnar. Hver og einn getur tekið upp ef eitthvað annað svo nauðsynlegt er í boði í sjónvarpinu á sama tíma. Með því að hafa aðeins 1 sjónvarpstæki myndi fjöldi samverustunda fjölskyldna aukast og foreldrar gætu ,,mónitorað" og sigtað út meira af ruglinu, þó þær eyddu tíma saman yfir sjónvarpinu sem er kannski ekki ákjósanlegast að mínu mati. En það er önnur saga.

Annað kvöld verður þetta í kvöldmat, en ég þarf að elda um hádegið því ég er að fara að sjá Born in Brothels á hátíðinni í Tjarnarbíói. Jibbí.

Pastasalat.
1/2 pakki þrílitt pasta (slaufur eða skrúfur)
3 paprikur - 3 litir
1/2 Iceberg salathaus
1 dós Feta ostur
1 mexíkó ostur
1 piparostur
Ostarnir smátt brytjaðir
Blá og græn vínber, steinlaus eða steinhreinsuð
1 pakki Nacho Tortillas flögur

Pastað soðið og kælt. Blandað saman við smátt skornar paprikur, osta og vínber. Rétt áður en salatið er borið fram er iceberg salatinu blandað saman við og flögurnar brotnar yfir.

Sósa sem er nauðsynleg með.
1/2 dós sýrður rjómi (10%)
1/2 lítil dós létt mæjónes
1/2 dl matarolía
Safi úr 1/2 sítrónu
Smátt skorinn hvítlaukur (eftir smekk)
Smátt skorið engifer (eftir smekk)
1/2 til 1 tsk karrý
Hunang.

Ég hef ekki hugmynd um hvort þessi uppskrift sæti stöðlum manneldisráðs en þetta er mjög gott.
síðan sendi ég speskveðju til bróðurs besta í boston.

lakkrisdraumur

dreymdi mjög skrítinn draum síðastliðna nótt þar sem ég þurfti m.a. að hringja í 112 og þá kom hópur ungra kvenna að bjarga mér sem voru ekki í einkennisbúningum... maðurinn sem var að ógna mér var ber að ofan. Legg enga túlkun í þennan draum.

Er að fara í útlegð á morgun. Útlegð á heimili systur minnar sem er allt morandi í unglingum og ungu fólki. Útivistartími bókaður, 1 má fara í eitt partý, 1 kemur frá Danmörku og sefur o.s.frv. Ætli ég verði beðin um að kaupa áfengi? Mjög spennandi og held að þetta verði ofurgaman. Búið að redda máltíðum á Múlakaffi fyrir hersinguna sem mér finnst alveg kostulegt. Ekki við hæfi að unga fólkið borði bara skyndibita þegar foreldrarnir eru ekki heima.

Annars er ég með hor.

andinn og efnið

Var við jarðarför í gær. Minningarorð prestsins voru falleg, en samt var ég að hlusta á þau með eyrnatækjum kynjanna og fannst það soldið skrítið. Ofuráhersla á heimilisstörf viðkomandi. Með fullri virðingu fyrir þeirri látnu sem var yndisleg kona.

hér á landi er ofuráhersla á vísindin. Líklega er það í mörgum öðrum vesturlöndum þar sem andinn er ekki tengdur efninu. Þá er ég að tala um þann andlega stuðning sem fólk þarf við áföll sem dynja á í daglega lífinu, eins og svo sem missi fjölskyldumeðlima, bílslys o.s.frv. Veit ég mýmörg dæmi þess að fólki finnst ekki komið fram við þau af jafnræði, né þeim sýndur skilningur inn á þeim stofnunum sem sinna svona löguðu, eins og sjúkrahúsum, lögreglustöðvum o.s.frv. Að sjálfsögðu eru til góðir læknar og góðar löggur, en það telst frekar til undantekninga. Ég gæti endalaust talað um samband anda og efnis sem ég tel mikið koma til en það verður að bíða betri tíma.

Fór í agalega gott rauðvín í gær með góðum konum. Það var ekki heilsuspillandi, heldur mjög huggulegt og hægt að ræða lífsins gagn og nauðsynjar. Lítið fór fyrir pólitíkinni, og þá spyr ég, skiptir hún máli þegar á hólminn er komið?
Er að fara að skunda í vinnu, 12 tímar í dag, aðrir 12 á morgun. Samtals 1 sólarhringur. Jamm og jú. Þá verður heimspekingurinn (og margt fleira) Foucault tæklaður í tölvunni og endalaust hellt upp á kaffi. Bæ

kroko poko

og enn að Jónínu, væri hún látin líta út svona geðveik, tilfinningalega og ruglingslega í fjölmiðlum ef hún væri karlmaður?

Allaveganna. Tók mitt fyrsta viðtal fyrir skólann í dag. Gott að byrja að æfa sig. Var ekkert stressuð í dag, en þegar ég var að hringja í væntanlegan viðmælanda minn í fyrsta skipti í síðustu viku var að líða yfir mig... síðan mundi ég bara að hann er líka manneskja. Jamm. Fór með segulbandstæki og það virkaði vel. Búin að gera test og svona. Rosa fagmannlegt. Engin kennaratýpa sem kann aldrei á tækin. Um leið og ég slökkti á bandinu komu djúsí sögurnar... skrítið, eða kannski ekki.

Hjólaði niður á höfn og skoðaði skip í sólinni. Mér finnst skip falleg. Yogaðist. Varð krókódílinn. Er glöð. Ætla að læra og vonandi að kveðja heimspekinginn sem er að halda út í heim.

miðdegistonar

enn einn fjölmiðlafarsinn... og Jónína Ben. Hef ekki alveg náð utan um það sem hún stendur fyrir. En sjálfsagt mál að fjalla um hlutina eins og þeir birtast manni. Þess vegna segi ég við yður...

Átti góða helgi í faðmi góðra Garðálfa. Fór á barinn í Keflavík og maður minn, halliljúja. Enginn upptekinn við það að halda kúlinu eins og hér í 101, kannski er bara ekkert kúl í Keflavík? Mömmur á öllum aldri, pabbar á öllum aldri, krakkar á öllum aldri, allir fullir saman á barnum. 2 kassagítarar og stemning og læti. Mjög hressandi að fara á nýja bari.

Þá þakka ég systur minni fyrir að hugsa til mín, einbúans, og bjóða í mat. Að vísu með áætlun um að fá mig á heimili hennar í vikutíma til að líta eftir unglingunum. Og það verður nú gaman. Best að halda fullt af partýjum með þeim, eða hvað, þá kannski má ég aldrei passa aftur... Muna bara að þrífa nógu vel. Klístrið og parketför koma alltaf upp um partý. Sælla minninga minna um partýstand á heimili foreldra minna fyrir svona 10 árum. Pældu í því.

Er núna klukkan þrjú að fara að tala í fyrsta skipti við væntanlegan rannsóknarleiðbeinanda. Spennó. Síðan passa Hildi Maríu frænku.

mosi a steini

elska þegar sólin skín á gul laufblöð. gulur er góður. Gómsæti guli. Annars er vitagagnlaust að tala um veðrið því því breytir maður ekki. Fríhelgi. Jibbý.

zzzzzz

Það er ein af síðustu haustflugunum hjá loftljósinu. Stærri týpan af húsflugu. Eitthvað á hún stutt eftir gæskan. Náði einu hári út úr mér sem var búið að bögga munninn á mér eftir að ég kom heim áðan. Nú finnst mér enn eins og ég sé með eitt stykki hár í munninum. Kannski er ég að verða úlfur eða varúlfur.

Ein af bestu vinkonum mömmu var að deyja. Í kvöld var ég svona almennilega með henni í fyrsta skiptið eftir það. Mamma vill ekki syrgja of mikið. Heldur að sálin vilji heldur bara fara í friði. Búin að segja good bye. Fólk hefur sínar aðferðir. Hún er á því að allir syrgi í lífinu. Bara á sinn hátt. Misdjúpt. Misbiturt. Misstóískt.

Það var góður kvöldmaturinn. Gefur mér yfirleitt lambakjöt og heldur að hún sé að bæta upp fyrir prótínskortinn þar sem ég kaupi ofursjaldan kjöt. Kannski einu sinni til tvisvar í mánuði. En ég fíla að borða kjöt. Ég er bara ekkert sólgin í það. En saltið er ég sólgin í og get sleikt á mér puttann, dýft honum í salt og sleikt. Namm. Það er kannski vegna þess að ég kem frá eyju sem umlukin er söltum sænum. Jafnvægi. Ræddi um völd Vesturheimsins yfir kvöldmatnum kjötinu sem var by the way mjög gott og fréttirnar á öllum rásum kraumuðu í bakgrunninum. Þ.á.m. Fox News. En til er nýleg heimildamynd um það hvernig sú sjónvarpsstöð skapar þekkinguna, framleiðir hana. =Vídeógláp. Rita baby down to 4.

Keypti Danfoss hitastillir fyrir ofninn í eldhúsinu. Fór inn í Byko á Hringbraut til þess arna og var ekki gaurinn bara geymdur inn í læstum tréskáp vegna þess að hver og einn kostar 1990. Kominn á og hitinn í ofninum aðeins farinn að lækka og flugan dauð. Allaveganna heyrist ekki í henni lengur.

grasekkjan

oh hvað ég er glöð yfir því að fólk nenni að setja ábendingar inn. Jamm, kæri farinn til útlanda að vera listamaður. He he he. Hef þó heyrt því fleygt að Berlín sé iðandi af listamönnum þessa dagana, og það er frábært að geta róið á ný mið, fengið nýjar upplifanir á nýjum stað. 3 af fjórum eru í sambúð og allar gellurnar að sinna öðrum málum... Einn fjórði verður því að taka alla kvenkynsathyglina. Alla. Jamm. Held líka að kæri sé svolítið fyrir að ögra sjálfum sér og vill endilega prófa nýja staði til að búa á, en eins og er vil ég vera hér. Er mjög ánægð í náminu og vinnunni. Nú verður Rómeó & Júlía uppáhaldsbúðin mín.

Gat sofið í miðjunni í alla nótt án þess að rekast í neitt. Það var gott. Sólin skín og ég er glöð. Vona að þið eigið góðan dag kæru lesendur.

fallegi sunnudagurinn

Hæ. Reyni að njóta þess í botn að hafa 2 menn hérna á heimilinu, því það breytist á þriðjudaginn. Þá fara þeir. Og ég hlakka til að hafa tækifæri til þess að heimsækja þá í flugvél, t.d. um jólin... Er samt ekki búin að ákveða neitt. Hlakka líka til að búa ein. Ætli ég verði algerlega félagsfælin eða félagsljón? Eða kannski bara mitt á milli. Spennandi. Óli Palli að tala um Brian Eno snilla á Rásinni.

Þessi sunnudagur er fallegur. Búin að erindast, fara á kaffihús og læra. Og nú er seinni parturinn eftir, aðalmálið. Súpa og brauð fyrir gott fólk hér á eftir og síðan kveðjupartý. Já, ég er ekkert að skafa utanaf því með töfratryllirinn. Hann gerir bara óaðfinnanlegar súpur. Þessi verður pródúseruð hér á eftir:

Sæta kartöflusúpan: Jean.
1 stór sæt kartafla, skræld, skorin í bita.
1 laukur steiktur í olíu í botininum á pottinum (fyrst).
Engiferduft og salt.
1 dós heilir tómatar
1/4 úr dósinni, vatn
4 gulrætur í bitum sneiðum.
Cayenne pipar
1 pínudós Tómatapúreee.
=soðið í smá tíma, þar til mjúkt.
Þá 1 mtsk. hnetusmjör (ósætt, svona úr heilsubúðunum) láta endilega meira ef vill.
Mixað í mixer (eða með sprotanum góða)
Suðan látin koma upp og voilá.

Held að ég sé að fara að skila sprotanum bráðum til eiganda. Ekki búin að fá nóg af súpum þó. Ekki búin að fá nóg af þessum fallega sunnudegi. bæ

exactly

Góðan dag. Spurning hefur komið hér á síðunni sem er mér gleðiefni. Svarið er að ég nota soðið. Sýð grænmetið ekki í miklu vatni, bara rétt svo að það gári yfir grænmetið (og muna grænmetiskraftinn). Sýð í góðan tíma. Þá af hellu. Töfrasprotinn tekinn fram og allt maukað oní pottinum. Soð og grænmeti. Þá kemur krydd- og meira soðiðvatn stundin. Tími til að þynna og ef maður þynnir mikið, þá gott að skella á hellu. Bæta tahini út í ef vill (2 matsk) og krydda. Namm.
Varíasjónirnar eru óendanlegar kóríander, hnetusmjör (gott með kartöflum, gulrótum og þannig týpum en þá nauðsynlegt að nota cayenne-pipar með) ...

Nóg komið.
Strákar fela bólur á enninu með hárinu og mæla með því að maður horfi á the OC.
Það er kominn snjór í Esjuna.
Góður dagur. Hjólaði í skólann og hitti mjög forvitnilegan mann frá eyjunni La Réunion sem tilheyrir Frakklandi. Er geðveikt mikið að spá í hvað ég geri í skólanum en glöð yfir því að vera í spennó kúrsum.
bæ.

töfrasprotinn dasamlegi

orðin meistari í að gera grænmetissúpur. Grænmeti af ýmsum toga skorið í teninga, soðið í vatni með krafti þangað til lint og mjúkt. Maukað í pottinum með dyggri aðstoð töfrasprotans, kryddað, (t.d. fennel, cayenne pipar), kúl að bæta 2 matskeiðum af Tahini útí og síðan getur maður haft súpuna eins þykka og maður vill, bætir bara vatni útí eftir þörfum, og auðvitað er súpan best daginn eftir... (dæmi um grænmeti: broccoli, blaðlaukur, laukur, rófur, gulrætur, sellerí, kartöflur, paprika, tómmatar, grænkál) Maður þarf frekar minna af grænmetinu heldur en meira.

Grænmetismarkaðurinn í Mosó er málið. Nema bara einn laugardagur eftir. Ódýrt, gott lífrænt ræktað grænmeti, beint frá bóndanum og mikil stemmning. Síðast var mér sagt að allt kláraðist um klukkan þrjú, en markaðurinn er opinn frá 12.

ok bæ.
(hvar eru heimatilbúnar sultur falar?)

russarnir

Setti hárið í fléttu áður en ég fór í vinnuna. 4 sýningar á rússnesku. Grilljón Rússar til að höndla. Lærði tvo orð á rússnesku. Komiði sæl og sjáumst (bless). Man ekki hvernig á að skrifa þau. Margir þeirra tala ekki önnur tungumál sem Íslendingar gætu mögulega skilið, en samt verður aldrei vandræðaleg þögn. Mjög merkilegt. Þeir töluðu endalaust þótt maður skildi ekki baun.

Draugasaga.
Norðanmegin í húsinu er aðstaða starfsmanna, þ.á.m. leikaraherbergin. Á efstu hæðinni lokaði ég öllu, slökkti o.s.frv. Þar var enginn. Síðan hélt ég niður á næstu hæð. Þegar ég var rétt komin inn á ganginn úr stigahúsinu sveif framhjá mér eða meira fyrir aftan mig, þ.e.a.s. í stigahúsinu, dökkhærð ung kona. Töluvert lægri en ég, mjög föl í framan og í hvítri prjónapeysu. Hún hélt bara áfram upp og ég sagði bara halló án þess að fá svar. Það kom mér ekki á óvart þar sem stelpan væri ókunnug tungumálinu. Síðan hélt ég áfram og hugsaði hvað gellan væri eiginlega að gera, þar sem allir voru farnir. Kannski gleymdi hún einhverju. Ég hélt ferð minni áfram án þess að svitna.

Eftirsagan er sú, að enginn fór út um bakdyrnar í millitíðinni, inni á sviði voru bara karlmenn og engin stelpa var á efstu hæðinni þegar ég fór heim...

Góða nótt.

Allt bara í sómanum hérna megin. Dvaldi í 2 tíma á deild b5 í fossvogi og fékk smá innsýn í spítalalífið. ,, er þér nú ekki orðið mál, væni minn?" ,, þetta er nú bara eins og á Mallorca "

Jamm. Virðing til hjúkrunarfólks og kennara.

Yogað byrjað. Umm hvað það verður gott.

Annars ekkert.

notum smokkinn

góðan og blessaðan mánudag. Það er gaman að ný vika er í startholunum.

Hvað eru ráðamenn Bandaríkja Norður Ameríku að hugsa? Búnir að spreða í stríð og herdót, en ekki að veita athygli málefnum heimafyrir sem skipta öryggi fólksins máli... Á sama tíma og mér finnst ömurlegt ástandið í New Orleans, þá berst inn með mér önnur tilfinning fyrir tilverurétti sínum og það er það að mér finnst þetta soldið gott á þá, þ.e.a.s. ráðamennina en að sjálfsögðu ekki saklausa ríkisborgara þessa lands. Vona að þeir fari að skoða gang sinn og leggja áherslurnar annars staðar, því það er augljóst að ef borgararnir eru óánægðir með dæmið heima hjá sér, þá er ólíklegt að þeir sýni stjórninni stuðning.

Þá las ég eina grein í morgunblaðinu í morgun, þar sem karlmaður lýsti því yfir að hann væri smeykur, smeykur yfir því að múslimar og blökkumenn (eins og hann kallaði þá) taki sér bólfestu á Íslandi, smeykur við blökkumenn og múslima. Sagði blökkumenn vera valda 10% ódæðisverka í Bandaríkjunum (þá spyr ég: hvað með hin 90%?), sagði það staðreynd að flestir hryðjuverkamenn væru múslimar án þess að styðja þá fullyrðingu eitthvað frekar. Hvað getur maður gert?

Fór á tónleika á laugardaginn. Það var gaman. Sveitt. Síðan verða tveir sambýlismanna minna í Íslandi í dag í dag með hljómsveitinni ef einhver verður við viðtækið sem hefur ekki haft tækifæri til þess að heyra og sjá. Átti í samræðum um listina og listafólk á barnum við konu í pels. Annaðhvort ref eða mink. Það var merkilegt. Fór líka á innilegt spjall við mann sem ég hef ekki spjallað mikið við áður, en hér kýs ég ekki að nota orðið trúnó, því hvorugt okkar var úti að skíta. Stundum finnst mér gaman að tala við ókunnugt fólk. Stundum ekki. Stundum stundum ekki. Stundum ekki óábyrgt kynlíf. Notum smokkinn.

hestur lestrar

sé fram á mikinn lestur í vetur. Byrjaði almennilega í skólanum í dag. Kúrsarnir eru eftirfarandi: hagnýt mannfræði, mannfræði kynmenningar og ímyndir, vald og framandleiki. Ekki amalegt það. Ögrandi vetur framundan.

Höfum verið fjögur að undanförnu hér heima, 1 heimalingur farinn og annar verður hér langt fram í september. Það er gott og blessað. Mjög blessað. Er að komast inn í daglega amstrið, skólann og vinnuna aftur.

Taldi upp tölur allra þeirra tungumála sem ég þekki í dag í tannlæknastólnum, mjög hressandi fyrir heilann. Er orðinn forfallinn su doku spilari. Líka mjög hressandi fyrir heilann. Gott að koma sér í gírinn.

Raunveruleikurinn:
Það brakar í ísskápnum.
Hann stendur tómur.
Vindurinn bærir þvottinn á snúrunni.
Karfan er full.

24 25 26 27 28 29

Ferðasögubutar og Kiefer

Það verður ekki hjá því komist að stikla á stóru um þá yndislegu ferð sem ég er nýkomin úr.

17.8. Kef - Bos
Misstum af vélinni frá boston til Halifax og því fengum við inni á hilton. Ekkert stress í gangi, enda bara gott og gaman að fá að fara á hótel í útlöndum.

18.8 Bos - YHZ
Flugum til Hali. Heimsóttum fólk. Sóttum Heather & Zach út á flugvöll á bílaleigubílnum og keyrðum til eyjunnar Cape Breton.

Eftir þetta renna dagarnir í eitt númer. Gleði. Virðing. Skemmtilegheit. Góður matur. Gott fólk. Skemmtilegt fólk. Náttúra o.fl. Dæmi: synti næstum því daglega í vatninu. Náði í baunir og baunir (beans & peas) af baunatrjánum í matinn. Líka kirsuberjatómata, salat, kartöflur, gulrætur o.fl. úr garðinum (þeir eru 4). Rakaði steina og hjálpaði við að undirbúa jarðveginn fyrir heimatilbúinn golfvöll. Sigldi oft á skútu. Sól, sviti, raki, massa flugubit. Hellti prestinum te í sunnudagsmatarboðinu. Fór á gaelískt skemmtikvöld og sá fólk vera að halda í gamla menningu með dansi, söngvum o.s.frv. Spilaði bingó og Balderdash. Vann plastpennaveski með blýanti, strokleðri og reglustiku í (allt í stíl með gula smiley-andlitinu). Drakk mikið vín. Las Harry Potter og er enn að. Las líka Yogabók. Spilaði strandblak. Klóraði hundinum Captain. Sá sköllóttan örn (bald headed eagle) og humming bird. Keyrði yfir íkorna. (á ekki að hafa áhyggjur af því þar sem staða þeirra er svipuð músum og rottum í raunveruleikanum, annað en hr Disney lætur mann halda). Hlustaði á tónlist. Var við marga varðelda. Söng. Fór aftur í einn dag til Hali. Fjárfesti í nokkrum bókum, haustjakka og sokkum. Fjárfesti líka í smokkum sem bera heitið Kimono. Hitti enn meira fólk. Gott fólk. Það var gaman.

Þannig er það nú kæra fólk.
Nú er það 24 sem kallar, hitti einmitt Kiefer á veitingastað í Sidney (Borg á Cape Breton, Nova Scotia, Kanada):

Eyrnakonfektið

Sonic Youth voru frábær. Ekki bara frábær, heldur gorgeous. Djii. Kim Gordon, ætli hún sé ekki langt komin á fertugsaldurinn (jafnvel fimmtugs), í massa stuttum kjól og nærbuxum í stíl. Oh. Rokkgyðjan. Og allir bara að fríka út. Held að SY séu vanalega soldið köld á sviði, en í gærkvöldi voru þau mjög intimate við áhorfendur og crowdsurf og gítartilraunir og endalaust margir mismunandi stilltir gítarar voru notaðir. Magnaður skítur. Uppáhaldshljómsveitin er... síðan komum við heim og fengum skilaboð um það að vinur okkar væri í bjór á Nelly´s með Jim O´Rourke. (ha ha ég kann ekki að skrifa nafnið hans). En við horfðum bara á 24 í staðinn... hversu langt er maður leiddur?

Er að fara í flug. Best að drekka mikið vatn eins og fyrirsæturnar. Lifið heil.

jæja

baugsmálið, grauturinn í textanum, er alveg að fara með mig. Hver stendur keikur? Kannski bara bónusgrísinn?

Flýg á Sonic Youth í kvöld. Síðustu stórtónleikar sumarsins. Nema að ég detti á einhverja slíka í Kanada. Ó já, þangað skal ég fljúga á morgun.

helgin i myndum

Allt í stíl. Liturinn á stofunni, holdið og þið getið ímyndað ykkur lyktina.


Við störf á krútthátíðinni í rvk.


Dansi dansi dúkkan mín. Farið að síga á seinni hlutann. Það var gaman.

Fallegur fimmtudagur

Ber ber ber. Var á bar með vini mínum sem beraði sig. Semsagt fór úr að ofan. Allir aðrir tilbúnir að gera tattú sem góðfúslegt leyfi fékkst fyrir. Búin að hlusta á þátt um ber í dægurmálaútvarpi rásar tvö tvisvar í dag. Endursýning á samtengdum rásum næturútvarpsins. Andoxunarefni og læti. Mikið af vítamínum í berjum og lítil fita. Ekki frysta þau með sykri. Frysta frekar minna magn í fleiri einingum.

hér að ofan má sjá álfavagínu. Op á álfakirkjunni í Dimmuborgum. Svolítið í takt við fæðinguna sem átti sér stað í dag (vinkona mín fyrir 28 árum) en í dag fæddist önnur plata kimono. Tveggja mánaða fæðing og óralangur getnaður. Dauðaskip Ballarhafsins. Artic Death Ship. hip hip húrra.

Það er orðið kolniðadimmt útifyrir og klukkan er hálf eitt. Þrátt fyrir gleði í hjarta hef ég litla von fyrir meira alvöru sumri hér þar sem maður situr í garðinum og svitnar á ökklunum við fótpokaleik og brosir í sólina. Nú fer haustsólin að láta skína í sig. Hvernig væri það ef 4 sólir væru í gangi, ein fyrir hverja árstíð?

Fór í sjoppuna á horninu (fyrrum Bússa) og þar leigja þeir út myndbönd fyrir 250 kr á sólarhringinn. Hef hugsað mér að gerast leigutaki í vetur. Hef ekki enn farið í nýju nornabúðina á vesturgötu. En kannski fjárfestir maður í galdri í framtíðinni, eða bara sendir galdur með hugarorkunni. Galdrar geta líka verið góðir. Góða nótt.

ást

ég elska margt í lífinu. En mömmu mína elska ég líka mjög mikið því hún er svo frábær. Ég rausa í henni um raunir mínar og það sem hún gerir er að draga bara eitthvað spil sem gefur mér svarið. Pottþétt týpa. Skrifar það í kort og gefur mér. Svo ég muni helvítis svarið sem er svo fallegt og einfalt. Allaveganna.

Á laugardaginn verður húllumhæ í nýló. Endilega allir að koma. Um kvöldið. Opnun á skemmtilegri listasýningu og fullt af skemmtilegum hljómsveitum og bar. Sem ég vinn kannski smá á til að hjálpa til. Sameinumst hjálpum þeim... Eftirpartý Krútthátíðarinnar myndu sumir kalla þetta, aðrir kannski artý fartí dæmi, enn aðrir hámenningu o.s.frv. Það sakar allaveganna ekki að líta við. Nýló er fyrir ofan skífuna á laug. Gengið inn frá Grettisgötu hjá bílastæðinu stóra.

Lifðu og njóttu. Lax í kvöld. B&B í mat. Held ég fái mér hvítvínsdreitil.
Einfaldasta marineringin fyrir lax:
Hunang
Rifin Engiferrót
Smá Soya Sósa.
Ást og friður.

krútti butti

komin heim af krúttinu. Undir hafnarfjalli varð ég vitni að veltu húsvagns sem var fastur við stóran amerískan jeppabíl og afturendi bílsins stóð upp í loftið þegar húsvagninn lá. Þetta gerðist mjög hægt. Síðan voru nokkrir bílar og húsvagnar og tjaldvagnar úti og suður á veginum. Þannig að maður keyrði bara ofurvarlega. Þetta var um hádegisbil þegar mestu lætin voru. Löggan komst varla út úr löggubílnum fyrir vindi. Svona er rokið. En rokkið á lýsuhóli var krúttlegt. Afar skemmtileg og mjög góð stemning og allir sælir og kátir. Á sunnudagsmorgun klukkan 8:34 vaknaði ég við það að fortjaldið lá samsíða jörðunni og eftir að ég komst út sá ég mörg tjöld sem einungis héldust niðri vegna fólksins sem svaf inni í þeim. Rosalegt rok. Fólk stóð fyrir utan tjöldin og baðaði höndum. Og baðaði sig í rigningunni, líklega ennþá undir áhrifum frá því fyrr um nóttina. Við tókum saman á mettíma og renndum í bæinn eftir góða hressandi útilegu.

Núna er kominn mánudagur. Ég byrjuð að vinna í nokkra daga áður en ég held til kanada þann seytjánda.

critical dream

oh hvað ég elska sumarið. hlusta á danskar drykkjuvísur og bíð með sódavatn í hönd því ég er að fara í útilegu. Allt að gerast. ok. 2 tjöld. Engar dýnur. Kælibox sem á eftir að fylla því kæri er úti í búð. Hádegismatur hér heima áður en haldið verður í´ann. Búin að hlusta á útvarpssöguna með hálfu eyranu. Dótið mitt tilbúið á stigapallinum. Þjalaði neglurnar svo það komi ekki skítarandir eða hvað heitir aftur skíturinn sem ... aha sorgarbönd... er það ekki?

Sjiiiit er að fara í útilegu og má ekki týnast í þokunni. Dreymdi rosa skrítinn draum um mig labbandi í þoku (og fullt meir) og síðan hringdi ma í mig í morgun og sagði að vinkona sín hefði þurft að tala við sig og sagt: þú verður að taka Esjuna í sátt (bróðir ma sem var göngumaður lést þar í þoku og snjóblindu) og síðan kom rosa saga um manninn hennar sem hafði farið upp á Esjuna (vanur gaur), villst í þoku, fékk skurð og allt, komst heill heim (var fundinn af tveimur stelpum sem voru að keyra við veginn). Og vinkonan sagði einhvern hafa verið að passa manninn sinn í þokunni... B la bla bal ball. Kannski er ég bara að bulla og hausinn á mér að tengja skringilega, en á maður ekki að hlusta á svona dót, þ.e. innsæið og það sem er að gerast í kringum mann, hvort sem það er í undirmeðvitundinni eða ekki? Allaveganna ætla ég að vera meðvituð um það hvar ég stíg... svo ég rati aftur tilbaka eins og í draumnum, en ég gat það þar og ég trúi því að maður geti ráðið ferðinni í draumum sínum og ef maður er meðvitaður um það þá verða draumar manns ekki óþægilegir. En síðan er maður náttúrulega að fara á Snæfellsnes sem er uppfullt af góðri og magnaðri orku. ja svo. jasssso. sveiattan. fuss og svei.

Nokkur orð um útilegur: þær eru góðar.

Sendi strauma á gay pride.

dagskra

tha er thad krutt listahatidin a snaefellsnesi. Thar verd eg i godu geimi og hlakka til. Romantiskar naetur i tjaldi, tonleikar, myndlistarsyning, sundlaugarparty, grill, allir rosa krutt, abyggilega i krutt-flippudum filing o.s.v. Emotion. Juhu jibby jei.

uti

er úti í garði að sanda - grunna - mála eldhúsborðið og stólana úr the good herdsman. Loksins eru komnir fjórir stólar í stíl inná heimilið. Líður eins og alvöru húsmóður, enda búin að vera í húsmóðursfílingnum undanfarna daga. Ligg líka yfir fyrstu seríunni af 24. Maður getur ekki hætt að horfa, í fyrstu hélt ég að maður yrði ekkert forfallinn glápari, en raunin er önnur. Pásan búin, aftur út.