Þá er ungfrúin að ná þriggja mánaða aldri utan þjónustusvæðis. Ekki amalegt það og brjóstin full sem aldrei fyrr. Merkilegt hvað þessi brjóst eru fullkomin. Alltaf nóg að drekka á réttu hitastigi. Athyglisvert er að nú tekur hver drekkutími mun skemmri tíma en til að byrja með og getur farið niður í allt að 15 mínútur á meðan hann var um 60 mínútur fyrst um sinn. Þetta gefur mömmunni meira svigrúm til að athafna sig eins og til dæmis til rannsókna og er lestur ýmissa fræðirita hafinn. Það er gaman. Annað sem vekur furðu er að það skiptir ungfrú S. miklu máli á hvoru brjóstinu byrjað er að drekka. Það vinstra er best í desert og því má aldrei byrja á því í forrétt. Síðan er klassískt að kúka vel og ropa kröftuglega án tafar eftir að búið er að svolgra í sig.
Þegar að þjónustusvæðum kemur, þá hefur þjónusta Reykjanesbúa á bílasölum algjörlega vinninginn miðað við í Reykjavík. Það er engin spurning að næsti bíll sem kemur í fjölskylduna í framtíðinni mun koma af Reykjanesinu. Nú nýlega skiptum við út Hnakkanum fyrir The Red Thunder (sem er dökk-blá-grá Skoda Octavia, keyrð 51000 km, árgerð 2005 (nýrra módelið)) og fengum klárlega besta dílinn á Reykjanesi auk þess að nýjum heilsársdekkjum var hent undir kaggann. Hér í Reykjavík var viðmótið yfirleitt það að fyrst þú varst ekki alveg á kafi í bílum (ég tel mig nú nokkuð vel á kafi í bílum miðað við sambýlinginn) þá varstu ekki ómaksins verð í viðskiptum. Mér dettur líka í hug hvort það hafi skipt máli að ég væri kona í þessum viðskiptum með karlkyns útlending í ,,eftirdragi”. Topgear.com hefur verið mitt hald og traust í þessum viðskiptum auk þess sem pabbi kom í einn bíltúrinn og gaf góð ráð. Annars er allt í blóma og kominn tími á það að maður hætti að vakna við snævi þakta jörð. Sumar og sól takk.
Gerast áskrifandi að:
Birta ummæli (Atom)
2 ummæli:
hmm..til lukku með bílinn og þjónustuna, gaman að heyra að þeir þjónusti vel kallarnir í reykjanesbæ...hvað brjóstin varðar þá er þetta frekar magnað fyrirbæri, mér hefði ekki dottið í hug að ég væri enn með stúlkuna á brjósti ha, hmm, ha og enn er til á lager....ein kona sagði við mig að hennar kenning væri sú að mjólkin væri eins lengi og konan vildi hafa hana..hún fer ef þú vilt að hún fari að sama skapi...njóttu sólardagsins...blár himinn hér og sólin í óðaönn við að bræða smájöklana á túnunum...kveðja Særún
En gaman að heyra hvað fröken S. tekur sér góðan tíma í að drekka. KÞM var yfirleitt frekar snögg að klára úr brjóstunum, u.þ.b. 5-10 mín og ég hefði mikið viljað að hún gæfi sér meiri tíma þar sem hún svelgdi þetta í sig og fylltist iðulega af lofti í leiðinni. En það var ekki nokkur leið að láta hana drekka hægar eða lengur. Svona eru þau misjöfn þessi börn! :o)
Ástarkveðjur og mikið væri gaman að sjá ykkur mæðgur bráðum.
Ágústa
Skrifa ummæli