laugardagur, 31. desember 2005

vonvonvonvonvonvonvonvon

gamlarsdagur 2005.
Nu vaeri vid haefi ad taepa a helstu atburdum arsins. Thad verdur tho ekki gert nu thvi eg er meira i nuinu og framtidinni.

Laeti i rakettunum her, en lyktin ofsalega god. Feuerwerk selt a hverju horni. Plaaakkk, thar for ein. Opinn glugginn. sem er thad sjaldan thvi uti er svo kalt. Kuldi sem nadi mer inn ad olnboga i gaerkvoldi.

2 af 5 foru ut i bud ad versla fyrir kvoldid. Aetlum ad elda eitthvad afskaplega huggulegt i tilefni dagsins, kannski skelli eg bara i koku. Vandinn er tho ad finna ut celsiusgradur i gassstig. Kalkuninn eldudum vid t.d. a 2, sem telst vera 150 celsiusgradur.

Eg kann vel vid mig her i ber. Gaeti jafnvel hugsad mer ad bua her einhvern timann. Tho ekki fyrr en eftir nakvaemlega eitt ar.
Eg thakka fyrir thetta ar. Eg thakka fyrir thad ad geta hafad skrad atburdi thess og hugsanir minar her i vefheimum. Thess vegna tharf eg heldur ekki ad telja upp helstu atburdi arsins 2005. Og 2006 er ad koma... hvad mun gerast? mun Palli finna astina a netinu? mun Stella svikja ut tryggingarfed? mun Gisli fara i tannrettingar? munu jardarbuar vakna til medvitundar?

miðvikudagur, 28. desember 2005

jolahatidin er her lika, minna af folki a gotunni og snjor og markadur og jolamarkadur. Jolabod med thyskum jolasongvum og kalkun og pokkum og lifandi kertum a jolatrei. Jolastund hatidar her heima thar sem eldad var lengi og vel godan mat og pakkar. Tofraflauta mozarts i die deutsche staatsoper og kristalssalir.

jolaljod

her brennur jolahjarta
a eldinum sem pulsurnar steikjast a
o thu, jolanottin bjarta

mánudagur, 19. desember 2005

njótið hátíðanna
jóla

miðvikudagur, 14. desember 2005

probbi & nyyrðasmið

á morgun fer ég í eina prófið mitt. jólaprófið mitt. fallega.
það verður gaman. þar skrifa ég líklega mikið, svo mikið að ég á eftir að fá krampa í hægri framhandlegg og hönd. Þar sem ég kann engin ráð til að fyrirbyggja krampa verð ég bara að búast við þessu og taka því sem kemur. Ráð óskast ef til eru. Þar sem ég skrifa mest á tölvu litlu þessi misserin er æfingin lítil sem engin, nema þegar ég geri su doku og krossgátur, skrifa undir rafrænar greiðslukvittanir og skrái inn tíma leikaranna. Sú æfing hjálpar lítið þegar maður ímyndar sér hvað ég kem til með að skrifa mikið á morgun.

Það sem ég á ábyggilega eftir að skrifa um (fyrir sérstaklega áhugasama, aðrir hætti að lesa hér):
Ráðandi karlmennska
Þöglir hópar
Hnattvæðing
Þróunarhjálp
Kyngervi
Kynferði
Ást sem valdur kúgunar kvenna
Aðrar ástæður fyrir kúgun kvenna tengdar heimili, fjölskyldu og hagrænum þáttum.
Vesturlanda yfirráð og slagsíða í öllu
mismunandi túlkun í mismunandi umhverfi...b la la la.

Eitt af læritækniaðferðum mínum er að búa til orð fyrir atriði sem ég þarf að muna, orðin sem sköpuð hafa verið fyrir morgundaginn eru þessi: pricc - sapcnap - vvask
... fór í bílastæðishús í fyrsta sinn í miðborg reykjavíkur í dag. Það var gaman. Ég er glöð. Vona að þú sért það líka. óLi píka.

mánudagur, 12. desember 2005

markaðurinn

ka-oz
búinn að vera að digga soldið í bílnum

10 dagar til brottfarar

seldi hluta af mér í gegnum síma í dag, skrifa undir á miðvikudag. nánar um það síðar.

sunnudagur, 11. desember 2005

timinn og vatnið

nú eru það dj Signify með Buck 65 sem gefa tóninn þessa kvöldstund.
Stress í vinnunni, rústaði næstum einni leiksýningu. Slökkti á blásaranum á réttum tíma, en kveikti á vitlausum tíma. Bull. Fattaði ekki að fólk væri að ,,skamma" mig þegar það (x3) spurði hvort klukkan mín væri vitlaus. Ég geng ekki með úr þessa dagana. Útskýrði. Á morgun verður allt betra. Allt fullkomið ef tíminn leyfir.

laugardagur, 10. desember 2005

læo kloll læoll klikk

klakk klikk klaaakk kliikk klakk eru hlj'o[ h'ah;lu[u

what the fuck af hverju virkar 'islenska stafabor[i mitt ekk} } } }

er 'eg of full e[a.... F'ekk m'er nokkur rau[v'[insgl-s en /etta er sko eitthva[ skr'iti[.

aha búin að laga, núna er þetta icelandic, var usa extended....

Var semsagt að koma heim af tónleikum með Reykjavík! og Hairdoctor og einu öðru bandi sem ég man ekki nafnið á á ásamt meðlimum nýhils sem lásu upp ljóð á milli tónleikaviðburða á Grandrokk í kveld. En Grand rokk á að rífa.

mjög gaman. Nú er ég búin að taka þá ákvörðun að Hairdoctor´s Shampoo getur verið ein jólagjöf þessi jólin. Var í vafa, en eftir að hafa séð þá á tónleikum er ég viss um að það sé góð jólagjöf. Mér finnst gaman á tónleikum og orkan sem myndast á sviðinu er alltaf áhugaverð, sem og orkan meðal áhorfenda.

400 áhorfendur mættu á tónleika kæra og co í kvöld. Á landamærum Póllands og Þýskalands. Nokkuð fleiri en á Grandrokkinu sem hljómsveitarmeðlimir Reykjavík! gerðu sér grein fyrir og þökkuðu óspart því fólki sem var þar, enda próflestur margra í gangi þessa dagana en eigi að síður afar góð stemning.

Nú var ég að láta hot chip á til að enda kvöldið og eftir það er það Moldy Peaches.
Það minnir mig á sumarbústað í Skorradal.

Í kvöld hitti ég mann sem ætlaði á bingó í Vinabæ fyrr í kvöld en endaði á Grandrokki. Hann var spurður af núverandi ástkonu sinni hvort hann hefði átt samfarir við feitar konur. Ég spurði um svar hans sem var gott skv. mínum standördum. Ég hef ekki hitt ástkonu hans þó manninn hitti ég stöku sinnum og á yfirleitt við hann áhugaverð samtöl, en spurningin er hvort ástkona hans sé feit og sé óörugg um útlit sitt eða hvort hún tilheyri þeim hópi að hafa fetish fyrir því að eiga í kynlífi með feitu fólki... eða eitthvað allt annað. þannig er mál með vexti að þessa dagana er ég mikið að velta fyrir mér fetish-dæminu og rekst iðulega á það hugtak sérstaklega í vinnunni og geri mér ágæta grein fyrir því orði sem slíku, en veit ekki íslenska orðið fyrir það. Hjálp óskast.

let´s talk about movies, let´s go to sleep...

neeei... verð að segja meira.
dudududu du du du u
hvísl : i´m walking down the street, i love you, let´s go to sleep.

Fékk Fudge sjampó prufu á tónleikunum í kvöld. Hún verður sko notuð á morgun. Ætlaði alveg að láta myndir með úr símanum mínum sem ég eignaðist í fríhöfninni fyrir stuttu, og bráðlega verð ég þar aftur og get ekki beðið, jei. Vinnuhelgi framundan = 11 - 00:00 og 11 - 00:00 og mán 16:30 - 21:00. Takk og take me to your leader...
these burgers are crazy they don´t like you they slip you the pill you dont like them never did these burgers are crazy

fimmtudagur, 8. desember 2005

eddington

,, áttu ekki eddington paint marker penna?""
,, nei, við pöntum þá ekki"
,, getur þú bent mér á hvar þeir fást?"
,, ja... nú á penninn eiginlega orðið allar bókabúðirnar... nema bóksölu stúdenta og eina við hlemm, kannski þú fáir þá þar"

og þar sem ég nennti ekki lengra fór ég í Iðu sem átti auðvitað eddington penna. Að vísu bara í gylltu og silfruðu. En það verður að duga. í prófin, nei djók. er nefnilega búin að gera 2 jólabréf til n-ameríku. og nú get ég dúndrað í jólakortin hægt og bítandi. Mér finnst nefnilega gaman að senda bréf, líka kort og skeyti og jólakort líka. Í mínum huga er það kveðja til að létta upp á skammdegið, til að láta manneskjuna vita að maður hugsi til hennar og þyki vænt um hana. Jólakortagerð og skrif í mínum huga er ekki skyldurækni né kvöð. Mér finnst nefnilega gaman að teikna. Og hlusta á útvarpið. Rúv.

Síðan kemur ábyggilega nýtt naglalakk á hverjum degi á fima fingur mína. Því það er margt sem maður finnur sér til dundurs þegar á að vera að lesa. En það gengur, að sjálfsögðu samkvæmt áætlun.

det er godt... a danska matann

það er gott að vita að ég er ekki sú eina sem bregður í húsinu. þ.e.a.s. á vinnustaðnum.
það er líka gott að vita að jónína ben á ríka vini. (samt ber ég blendið stolt og virðingu fyrir þeirri konu)
það er gott að vita af jólaljósunum og ég er ekki búin að setja upp eitt, bara kerti
það er gott að geta talað við kæra, þó hann sé í útlöndum
það er gott að vita að hrefnu finnst uppskriftin girnó.
það er gott að fá falleg og hverful textaboð frá bróður sínum.
það er svo margt gott og hér er ég að reyna að telja það upp því einhverra hluta vegna er ég soldið dofin fyrir því góða í kvöld sem kemur kannski til af því að undanfarna daga hefur líf mitt einkennst af próflestri, verkefnum og vinnu.
En er það ekki bara líka gott?
ójú mín kæra, taktu afleiðingunum af ákvörðunum þínum um vinnu með námi, gerðu helvítis verkefnin og stattu þig vel í prófunum. Val. vel. vul. vil. ég get þori ogég villlllllllllllllllllllllllll

þriðjudagur, 6. desember 2005

uppskrift fyrir 2 eða 1 tvisvar

ólífuolía
1 dós kjúklingabaunir (niðursoðnar) skolaðar
1/2 rauðlaukur, sneiddur
1/2 rauður chili, Fræin tekin úr og saxaður smátt
1 teskeið kóríander fræ
1 poki spínat, skolað
1 dós sýrður rjómi

ólífuolía hituð á pönnu,
laukur steiktur,
chili, kjúkl.baunir og kóríanderfræ útá í 5.mín.
Spínati bætt við og allt steikt í 3 mín.
Hálf dolla sýrður rjómi út á pönnuna og allt gumsið í 1 mín.
tilbúið.
Borið fram með hrísgrjónum og afganginum af sýrða rjómanum.
(á eftir að tilraunast með kryddið, kannski hægt að nota garam masala... en soldið fútt að hafa fræin samt).

sunnudagur, 4. desember 2005

the color of paradise

er einstök mynd eftir Majid Majidi. Segir frá blindum dreng í Íran og fjölskyldu hans þar sem aðaláherslan er á skynjun hans, semsagt mikið gert úr hljóði og snertingu. Skemmtileg myndataka. Mjög grípandi falleg mynd sem ég mæli eindregið með.

Annars er málið að skunda á Austurvöll á eftir og sjá ljósin kveikt á trénu, en ég man einmitt eftir því þega skólabróðir minn fékk að kveikja á trénu þegar við vorum lítil og mér fannst það rosalega merkilegt. Skrítið hvað merkilegheit breytast með tímanum...

föstudagur, 2. desember 2005

ekki fyrir viðkvæma

merkilegt nokk, er búin að sitja við eldhúsborðið og skrifa úttekt á þróunarverkefni í Malawi frá því allt var dimmt úti, varð bjart, og er aftur næstum orðið dimmt... mér líður eins og hetju þó ég gefi ekki blóð.
En nú er það vinnan sem kallar og kúkurinn sem bíður eftir að fá að skjótast út. En varðandi kúk, þá hef ég aldrei kúkað jafn fallegum kúki og ég gerði um daginn í boston, ein heil lengja, ábyggilega 40 - 50 cm langur sem liðaðist svo undurfallega, líkt og snákur án hreisturs. Ég var svo ánægð með hann að helst vildi ég sýna öðrum, en fannst það einhvern veginn ekki við hæfi og var bara sátt við þá ákvörðun eftir að hafa verið heillengi inni á klósetti að dást að sköpun minni.

lifið heil.

fimmtudagur, 1. desember 2005

yoda

Áttavitinn, dúfan, líkið, hundur, köttur, fjallið... allt þetta og meira í hádeginu sem var mjög gott. Fékk tár í augun þegar ég var að faðma sjálfa mig, það var samt gott en sakna þess að snerta og vera snert.

Akrafjallið og Esjan sérlega falleg klukkan 13:24.

þu veist hvað eg meina, er alltaf að reyna...

allt lífið komið aftur í sama horfið, já bara allt lífið, stór orð maður. Þú veist hvað ég meina.

Þjálfun nýs starfsmanns á móti mér á vaktina gekk vel í kvöld, þvílíkur munur að hafa einhvern annan sem maður getur treyst 100 % og er mjög viðkunnalegur í þokkabót. Verst að ég kveikti ekki eld til að æfa hann í að slökkva... pyromaniac.

Svaf í sléttar 12 stundir í nótt og er því bara hress, en í gærkvöld fór ég í jóla-graflax til vinkonu minnar sem var algjört æði. Þar var blogg m.a. rætt. Mjög forvitnilegt. Niðurstöður: blogg er nýr heimur samfélags sem nútímafólk gefur sér tíma í í stað þess að hittast augnliti til augnlitis (skype ekki talið með, því það er augnablik í gegnum miðil), en verður ekki allt að raunveruleika sem maður gerir? Sama hvort það er í tölvu, á internetinu, í draumum manns... En á sama tíma er frábært að geta fylgst með vinum og vandamönnum sem eru ekki í líkamlegri seilingarfjarlægð, eins og t.d. í útlöndum. Allaveganna. Þetta er ekki diss á blogg samfélagið, því ég nýt þess að geta tjáð mig, og geta skoðað annarra manna blogg raunveruleika. Þá kem ég að næsta dæmi, sem er það að maður les blogg fólks sem maður kannast við, lærir fullt um það á vefnum, en heilsar ekki úti á götu. Auðvitað les maður líka blogg vina sinna. En málið er, og hér er ég ekki að fara að segja að maður eigi ekki að lesa blogg þeirra sem maður heilsar ekki á götu, heldur þá getur hver og einn bloggari búið til ákveðna mynd af sér í bloggheiminum sem lesendur ráða hvort þeir taka mark á, trúa o.s.frv. Ég býst við því að langflestir bloggarar ritskoði sig soldið, þ.e.a.s. á fullu, því maður veit aldrei hver er að lesa, gefur ósjálfrátt ákveðna mynd af sér og maður ælir ekki fullkomlega á blogginu sínu, þó maður geti ælt soldið. (Æla = tjá sig á mjög persónulegan hátt um persónuleg og tilfinningarík málefni, bæði neikvæðan og jákvæðan). En maður ælir frekar í persónulegri viðurvist fólks sem maður treystir. Síðan varðandi mySpace týpurnar, þá er alltaf forsíða þar sem maður þarf að fara í gegnum til að komast að blogginu, og þar er heljarinnar frontur sem gefur ákveðna hugmynd um bloggarann, áhugamál, tónlist, hverjir eru vinir manns o.s.frv. Ég býst ekki við að það sé eitthvað mikið ólíkt öðrum bloggtýpum, en samt, ákveðinn frontur, sem gefur ákveðna hugmynd. Bloggið er semsagt mjög forvitnilegt og skemmtilegt samfélag.

Já, bara ekkert meira um það í bili, kannski seinna. Ef fólk hefur aðrar hugmyndir, endilega látið heyra.
Það er orðið rökkvað þegar ég labbaði í vinnuna kl.16:25, næstum því dimmt. Nú kertaljós og sól í sálu minni og sinni.
bóða og góða nótt.

mánudagur, 28. nóvember 2005

bos

IMG_1548

í Boston var gaman. Mestum tíma var líklega eytt í verslunum. Þó fór ég aldrei í aðalverslunarmiðstöðina og prísa mig sæla. Mér líður ekki of vel inni í verslanamiðstöðvum og finnst mun betra að geta verið útivið og rölt á milli búða. Hér að ofan sjáið þið brósa í fíling með eyrnatappa ef vel að er gáð. En hann er klár drengurinn, og á bara eitt sett af eyrum.
Í Boston er hægt að gera margt. Í rökkri nætur keyrðum við til Cambridge og reyndum að sjá Harvard háskólann og MIT. Í dagsljósinu var ég í bíl og sá skautasvellið í garðinum. Annars var bara hreinlega gott að chilla með mömmu og skötuhjúunum á milli jólagjafakaupa. Ég keypti eina jólagjöf. Handa pabba. Annars fékk ég 8 skólabækur fyrir 11000 krónur. Það kalla ég gott.

Ég hef verið klístruð... fullt af 7 hlutum.

7 hlutir sem ég ætla að gera áður en ég dey:
vera glöð, muna að þakka, baka piparkökuhús, sofa í kastala, fara í loftbelg,
7 hlutir sem ég get gert:
hlustað, spilað á trommur, nuddað, prumpað upphátt in public, synt hratt, verið liðug.
7 hlutir sem ég get ekki gert:
hlaupið hratt, trúað að einstaklingar séu bara gerðir úr illu, verið lengi í leiðinlegum samkomum.
7 hlutir sem heilla mig við hitt kynið:
tippi, pungur,
7 frægir kk sem heilla mig:
jay kay, Kiefer s., Thor Vilhjálms, Salman Rushdie, Steve Buscemi?,
7 orð sem ég segi oft:
ok, glætan spætan, fokk, sjitt,
7 manneskjur sem ég kitla:
Ragnhild, Ágústa, Ásdís, Petra, Gylfi.

ok ég veit að ég gerði ekki 7, en ég reyndi allaveganna, fullkomnunarárátta mín nær ekki lengra en þetta, hina kitla ég soldið. En annars held ég að allir sem ég þekki eru búnir að kitlast og því mega aðrir sem lesa þetta og vantar kitl endilega taka lausu plássin.

miðvikudagur, 23. nóvember 2005

32 graður a F

Um hádegisbil var boðið staðfest. Þ.e.a.s. boðið um það að fara til Boston á morgun fram á mánudagsmorgun. Ha ha ha. Og auðvitað segir maður ekki nei við svona gylliboðum. Hlakka til og mest til að fara á tónleika með lille-bror. Eins gott að ég er búin að vera dugleg í skólanum maður. Er að spá í að kaupa nikótín-tyggjó því í frjálsa fasista landinu má maður hvergi reykja. Ekki er ætlast til að fólk ráði yfir eigin líkama. Þá er lítið eftir, þ.e.a.s. til þess að ráða yfir. Vá hvað þetta verður góð tilbreyting. Elska mömmu fyrir að nenna að hafa mig með.

goggulugu

Morgunhaninn hérna megin með kaffi og kertaljós klukkan 8:50. Útvarpsmaðurinn getur ekki borið fram nafnið á laginu því það inniheldur klikk-tungumál. hann segir þetta sennilega vera Swahili-mál. Og Íslendingar alltaf að ætlast til að útlendingar tali fullkomna íslensku og missa þolinmæðina og skipta yfir í ensku þó að viðkomandi kunni ekki ensku... þessi pistill átti ekki að byrja svona. Ok. Það sem ég vildi sagt hafa er: vinsamlega látið ný batterí í reykskynjarana á heimilum ykkar reglulega, kannski einu sinni á ári. Þannig er mál með vexti að ég notaði slökkvitæki á alvöru eld í fyrsta sinn í gær. Undir öruggri leiðsögn Jóns Péturssonar slökkviliðsmanns í forvarna-& fræðsludeild Slökkviliðsins sem var með fræðslu á vinnustaðnum. Nauðsynleg fræðsla og praktík sem ég er mjög glöð yfir að fá að hafa tekið þátt í. Verð að fara þó kaffið sé ekki búið. Njótið dagsins.

mánudagur, 21. nóvember 2005

verðlagskönnun

Dagurinn í dag byrjaði á leti því ég mátti sofa út. Vatt síðan upp á sig og ég hitti nýlegan íbúa þessarar jarðar sem var ógurlega fallegur eins og öll ungabörn eru, samt skrítin. Mamma hans glóði eins og pera. Út í búð. Eina hverfisbúð þar sem kílóið af banönum kostar 196 krónur, í annarri 226 krónur og í Heilsuhúsinu (lífrænt ræktað 658 krónur á kílóið. Upp í vinnu þar sem mér var gefin handprjónuð peysa, hin glæsilegasta með silfurþráðum og er ég mjög glöð og þakklát fyrir. Hvað er málið með mig og prjónavörur þessa dagana? Lokaði sjoppunni snemma til að koma heim að chilla, því mánudagskvöld eiga það skilið. Litli frændi minn á líka afmæli og ég er ekki búin að ná á hann, fussum svei mínmegin. Nú borða ég franska osta í kvöldmat og er á leið að leggja lokahönd á ritgerðardruslu sem ég er búin að vera að hanna.

grayskull

var að enda við það að fá vísbendingu um að ég mætti alveg sleppa neikvæðum hugsunum. Það getur verið gott að vera minntur á svona hluti, því stundum er maður bara of upptekinn af því og gleymir því að maður getur ráðið.
i´ve got the power du du du dudu, ekki sko heman heldur teknólagið frá áttunda áratugnum.

laugardagur, 19. nóvember 2005

meira afmæli

nóvember er bara eitthvað crazy, rosa margir sem ég þekki eiga afmæli þá og í dag eru það 2 kærkomnar konur sem eiga afmæli.

Annars búin að vera soldið bissý týpa. Fyrirlestur í skólanum, ritgerðasmíð, rauðvín og keyra ömmu í sjúkraþjálfun og fleira fallegt. Eftir vinnu í gær skundaði ég til dúllu-parsins í innflutningspartý og hitti þar margt fallegt fólk þ.á.m. Bigga. Endaði í fjölleikahúsinu þar sem enn fleira skemmtilegt fólk var.
Kveðjustund til Bigga sem ætlar á nýársfögnuð og ég vona að hann fari með pípuhattinn. Konurnar í partýinu töluðu um verðug málefni, þ.á.m. mannréttindi, blæjuna, samskipti á vinnustað o.fl. Það var semsagt mjög gaman. Húsráðendur fengu útskorna kind úr stáli til að prýða heimili sitt frá listamanninum o.fl.

Á leiðinni heim hitti ég konu frá Ítalíu sem var að selja húfur og skartgripi. Stóð yfir fyrir hana á meðan hún skrapp á klóið inn á næsta bar. Að launum fékk ég þessa fallegu prjónahúfu. Góð skipti.

annars er það vinnuhelgi maður minn... og þá verður ritgerðast með skjálfta í hönd og hjarta sem vonandi verður horfinn seinni partinn.

miðvikudagur, 16. nóvember 2005

skitso

word has unexpectedly quit... do you want to send a report to microsoft? no you fucking shit fuck

ja það er pirrandi að hafa ekki alltaf vistað á 10 mín fresti þegar maður er að skrifa verkefni og síðan bara blúff...

fyrstu viðbrögð: massapirr.

Núna neiiii... það tekur því ekki, ég man svona sirka hvað ég var að skrifa sko... og síðan voru svo margir sem glöddu mitt 28 ára hjarta í gær sem skiptir mig svo miklu máli. Þúsund þakkir elsku fólk. mér líður eins og ég sé 80 að þakka þeim sem glöddu mig í mogganum. En þið gerðuð það í alvörunni. Og þó ég hafi ekki fengið grilljón pakka (en fékk samt nokkra mjög fallega, t.d. kaffi sem ég gleðst alltaf yfir) þá skipta þeir mig nefnilega ekki öllu máli heldur frekar comment sms hringingar heimsóknir tölvupóstur. Einum bróður mínum, líffræðilega yngri en ég, fannst að ég væri 15 þegar ég sagðist bara hafa fengið 1 pakka... he he he.
og í tilefni þess sendi ég kveðju í kveðjustund, til Ásdísar á sjúkrahúsinu. Sendi henni strauma á skurðbrettið.
og núna ætla ég að skrifa það sem eyddist út.
góðar stundir.

þriðjudagur, 15. nóvember 2005

það er svo gaman að eiga afmæli. þessi fallegi dagur. Ohh ég bráðna bara. Nú er ég t.d. að mála mynd sem kom til mín í fyrradag handa manneskju sem ég tengist á fyndinn en fallegan hátt. Og hlusta á Jack Johnson og The Bhundu Boys frá Zimbabwe. Og drekka netlute í tilefni dagsins. Ég er glöð.
hér átti að koma eitthvað rosa fínt dót um afmælisdaginn minn sem er í dag. En ég man að skv. því á júní að vera góður mánuður fyrir mig og jade góður litur fyrir mig... hmmm. Takk fyrir kveðjurnar en dagurinn er ekki úti enn og ég geri fastlega ráð fyrir að fleiri eigi eftir að bætast við. Já, það er bara uppi á mér, typpið. En það má, því ég á afmæli. Jei.

sunnudagur, 13. nóvember 2005

wilco - im trying to break your heart

take off your band-aid, cause i don´t believe in touch downs...

einu sinni var fjölskylda sem bjó í tveggja hæða húsi. þarna bjuggu afinn og amman og mamman og pabbinn og börnin þrjú. Það var liðið að kveldi og fjölskyldan að búa sig til að snæða. En allt í einu var afann og ömmuna hvergi að finna, mamman fór að leita og svo pabbinn og sneru þau ekki aftur. Þá fór elsta barnið og það næstelsta og að lokum var yngsta barnið bara eitt eftir. Það leitaði inn í svefnherbergjunum, stofunni og alla hæðina. Þá ákvað það að klöngrast upp stigann. Það brakaði í viðnum og vanalega mátti barnið ekki fara eitt þarna upp. Þegar upp var komið sá það eina hurðina opna í hálfa gátt og heyrði í fólki fyrir innan. Loksins er ég búin að finna þau, hugsaði barnið og hélt í áttina að ljósinu. Inni í herberginu voru allir að borða vilkó súpu.

miðvikudagur, 9. nóvember 2005

silki trans

ég lýg því ekki en húð mín er sem silki. Án þess að neitt krem hafi komið þar við sögu, en svitabaðið gerir undur. Ekki bara við húðina (sem er þó stærsta líffærið) heldur líka við andann og líkamsstarfssemina. Hvílíkur unaður, sem á stundum getur verið svolítið mikið erfiður, eins og þegar manni finnst maður ekki geta fengið neitt kalt súrefni....

Stóð semsagt í gærkvöldi úti í snjónum á tánum í sundbol svolitla stund og mér var bara ekkert kalt. Stjörnurnar uppí sveit eru bestar. Neontýpur og norðurljós. Ég held að mér sé ennþá hlýtt inni í skrokknum. En þetta var þriðja svitabaðið mitt, og einhverra hluta vegna var það það besta. Einhver indjáni hefur sagt að ef manni finnist svitaböð ekkert mál, þá eigi maður ekki erindi þangað, þurfi ekki að hreinsa sig, en þarmeð er ég ekki að segja að þetta hafi verið eitthvað pís of keik, heldur var upplifunin bara önnur.

Allaveganna. Þarf aðeins að leggja mig áður en ég skunda til vinnu en ætla að koma fyrst við í Heilsuhúsinu þar sem þar er afsláttardagur heilsubúanna þar í dag og kaupa mér te. Vetrarte.

Í gær voru með mér refurinn, gamli andinn úr norðrinu, vatnið (mini á indjánísku) og hesturinn. Já vinir geta komið úr öllum áttum. Hver ætli sé með mér í dag?

Ljóðlína:
silki trans
vetrardans
farðu út,
Óli skans.

mánudagur, 7. nóvember 2005

dalalif

nýttlíf að byrja hérnamegin enda að fara í svitabað á morgun með fyndnu fólki í frosti.

þessi vika heitir verkefnavika. Samkvæmt stundaskrá h.í. Að sjálfsögðu er ég búin að skrá hvað verður tekið fyrir á hverjum degi. En þó ekki eins analt og stundaskrá, heldur bara viðfangsefni. T.d. rita ég ritgerð í þrjá daga og aðra í tvo. Það að rita ritgerð þýðir líka að lesa. Það er gaman. Hef komist að því að undir nýaldartónlist les ég vel. Var einmitt í nýaldarviðtali í dag. Viðtali um viðhorf til miðla, nýaldardót og hugmyndir o.s.frv. Mjög gaman.

Kveðjustund. kveðjur til alls góða fólksins sem býr í Berlín. Eins og um stundarsakir þekki ég bara slatta af fólki þar. Þess vegna verður gaman 22.des þegar ég flýg á vit ævintýranna án jóla jóla jólasýrunnar.

Var búin að hugsa með mér að minnast ekki neitt á jólin á þessum vettvangi. Þeirri hugsun verður hérmeð leyft að líða hjá, eins og skýi.

Ferskleiki, nýstárni, nýstárlegheit, áramótaheit allskonar á þessum vettvangi.
Færslu lokið kl.00:07
(en mér fannst einmitt rafmagnsvekjaraklukkan hans pabba alltaf rosa töff þegar hún sýndi núll núll núll sjö)

laugardagur, 5. nóvember 2005

0123456789

IMG_1527
ein í skógarferðin í morgun

IMG_1525
ein 24. okt með gott útsýni

IMG_1515
ein í svaka stuði

fimmtudagur, 3. nóvember 2005

adam atti syni sjö

i love yoga.

sá brynhildi guðjónsdóttur ásamt hljómsveit á næsta bar í gærkvöld. Það var sko fínt, enda gaman að horfa á leikkonu koma fram, sérstaklega þegar hún hefur fallega rödd og skemmtilega hljómsveit (kontrabassi-trommur-harmoníkka). Myndi jafnvel kaupa diskinn. Líka soldið til að styðja þetta góða fólk... Fyrst það nennir að koma fram og gefa næstum allt hjartað sitt í þetta þá er það pottþétt virðingarvert, sama hvort manni líki eitthvað sérstaklega útkoman eður ei.

Búin að vera að hnerra endalaust í dag.
Farin í skulen og vonandi fæ ég að snæða með ma+pa á eftir.
aaaaatsjúúuuú adam.

miðvikudagur, 2. nóvember 2005

ljosritun i klukkutima

jibbí jei jimmy. fyrirlesturinn gekk vel.
fallegur dagur.

Að undanförnu hafa átt sér atburðir sem eiga sér engar vísindalegar skýringar sem ég þekki til.

1. klukkan 21:30 að staðartíma á mánudagskvöld er ég að hugsa rosa mikið um að hringja í bróður minn besta. Geri ekkert í því, einni og hálfri klukkustund síðar hringir hann og við tölum eins og við eigum lífið að leysa því það er svo gaman. Honum fannst þetta ekkert skrítið og ég furða mig á því hvort það taki 1 og hálfan tíma fyrir hugskeyti að ferðast yfir Atlantshafið.

2. Sama dag, fyrr um daginn. Þá hafði ég verið að hugsa rosa mikið um Ragnhild, geng síðan niður Skipholtið í rólegheitunum og hálkunni og þá er hún bara inni í bíl, lögðum beint í göngufærinu mínu. Það var gaman. Einhverra hluta vegna brosi ég endalaust þegar við hittumst.

3. Í dag, tala við stelpu sem ég hef aldrei hitt áður. Hún að gera ritgerð, vantar rosa eina bók sem ekki er til á bókó. Og ég á bókina sem ég var að enda við að lána henni. Hún sagði að einhvern veginn redduðust alltaf allir hlutir, var sannfærð um að eitthvað dæmi væri í gangi....

En hvað er þetta sem er í gangi?
Ákveð að enda þennan pistil á la Carrie Bradshaw og kveð á leið til vinnu.

þriðjudagur, 1. nóvember 2005

crepes

nett að krepera með fallegu tölvunni minni og nýaldartónlist, komin langt með fyrirlesturinn fyrir morgundaginn ekki alveg búin samt, það gerist í kvöld. Var einmitt með annan fyrirlestur í dag sem gekk bara vel.

Einbeiting hvar ertu? hvert ferðu alltaf?
muna mindfulness, athyglisskrefin.

laugardagur, 29. október 2005

ekkert klukk en...

fékk þetta sent og svara að sjálfsögðu samviskusamlega.

1. HVENÆR VAKNARÐU Á MORGNANA?
Aldrei fyrr en klukkan níu. Nema á þriðjudögum.

2.EF ÞÚ GÆTIR SNÆTT HÁDEGISVERÐ MEÐ EINHVERJUM FRÆGUM, HVER VÆRI ÞAÐ?
Madonna.

3. GULL EÐA SILFUR?
Gull

4. HVAÐ VAR SÍÐASTA MYNDIN SEM ÞÚ SÁST Í BÍÓ?
Born in Brothels.

5. Uppáhalds sjónvarpsþátturinn
24.

6. HVAÐ BORÐARÐU Í MORGUNMAT?
Kaffi.

7. HVAÐ LANGAR ÞIG AÐ GERA ÞEGAR ÞÚ ERT ORÐINN STÓR?
Bíddu er ég ekki orðin stór? Allaveganna reyni ég að forðast að gera hluti sem mér finnst leiðinlegir.

8. GETURÐU SNERT NEFIÐ Á ÞÉR MEÐ TUNGUNNI?
Nei, en ef ég ýti nefinu niður með puttanum þá get ég það.

9. HVAÐ VEITIR ÞÉR INNBLÁSTUR?
Náttúran og fólk sem er sjálfu sér samkvæmt.

10. HVAÐ ER MIÐNAFNIÐ ÞITT?
Katrín.

11. STRÖND, BORG EÐA SVEITASÆLA?
Sveitasæla við strönd þar sem er stutt til borgarinnar.

12. SUMAR EÐA VETUR?
Sumar og stundum vetur.

13. UPPÁHALDS ÍS?
Bragðarefur með jarðaberjum, snickersi og smartísi.

14. SMJÖR, SALT EÐA SYKUR Á POPP?
Salt.

15. UPPÁHALDS LITURINN ÞINN?
Blár.

16. UPPÁHALDS BÍLLINN ÞINN?
Alls ekki hvítir bílar, en annars gamlir Landrover jeppar.

17. HVAÐ FINNST ÞÉR BEST AÐ BORÐA Á SAMLOKU?
Ost. smjör. salt. Æi bara alls konar.

18. HVERT FÓRSTU SÍÐAST Í FRÍ?
Til Reykjavíkur á Airwaves, en til útlanda þá var það til Cape Breton í Kanada.

19. HVAÐA PERSÓNUEIGINLEIKA FYRIRLÍTURÐU?
Kann sjaldan við sjálflægt fólk en annars nenni ég ekki að spá í það...

20. UPPÁHALDSBLÓM?
Fífill.

21. EF ÞÚ YNNIR STÓRA POTTINN Í LOTTÓINU, HVERSU LENGI MYNDIRÐU BÍÐA ÁÐUR
EN ÞÚ SEGÐIR FÓLKI FRÁ ÞVÍ?
Held ég myndi bara vinda mér í það, kalla saman fund og svona. Semsagt strax.

22. SÓDAVATN EÐA VENJULEGT VATN?
Venjulegt.

23. HVERNIG ER BAÐHERBERGIÐ ÞITT Á LITINN?
Soldið pastelblátt.

24. HVAÐ ERU MARGIR LYKLAR Á LYKLAKIPPUNNI ÞINNI?
Átta. Nei, níu með hjólalásnum.

25. HVAR ÆTLARÐU AÐ EYÐA ELLINNI?
Veit ekki hvort ég fari í ellina. Held ég verði bara að vinna í því að vera ánægð og sátt við umhverfið.

26. GETURÐU JÖGGLAÐ?
Það fer eftir ýmsu... get jögglað mörgum símtölum í einu á skiptiborðinu ásamt því að vera að gera og tala og hugsa þúsund hluti, annars get ég jögglað 3 boltum í algjöru slomo

27. UPPÁHALDS DAGUR VIKUNNAR?
Laugardagur. Nei, stundum geta bara allir verið uppáhalds.

28. Rauðvín eða Hvítvín
Hvítvín á sumrin og rauðvín á veturna.

29. HVERNIG EYDDIRÐU SÍÐASTA AFMÆLISDEGI?
Ok. í fyrsta lagi hef ég farið að gleyma því æ oftar þegar ég er spurð hvað ég er gömul... alzheimer? Ruglast alltaf á 26 - 27 - 28 - 29 Hvað þá að ég muni eftir síðasta afmælisdegi. Einn afmælisdagur var surprise-partý. Annar var kaffi og kaka með 2 öðrum. Annar var ...

30. ERTU MEÐ LÍFFÆRAGJAFAR KORT?
Nei.

31. HVORT MYNDIRU VILJA EIGNAST STRÁK EÐA STELPU?
Þessari spurningu kýs ég að svara þannig að mér væri alveg sama. Þykir jafn mikið til kynjanna (kyngervanna félagsmótuðu) koma og tel líffræðilegan mun á kynjum ekki vera til staðar (fyrir utan útlit á kynfærum og brjóstkassa og hárvöxt í andliti og á bringu). Er ég veruleikafirrt?

32. HVAÐ KEMUR ÞÉR Í GÍRINN?
Hvaða gír? Kynlífsgír, djammgír, hjólagír? Einu sinni var ég lítil að hjóla á fullorðinshjóli og reiddi 5 ára gamlan frænda minn. Allt í einu var orðið rosa stíft að hjóla en þá hafði fóturinn á honum festststst inn í hjólteinunum. Annars held ég að lykillinn að gírnum mínum sé gott fólk, gleði og friður.

33. ERTU FEMINSTI?
Já.

34. FLOTTASTI LÍKAMSHLUTINN Á HINU KYNINU?
Kynfærin að sjálfsögðu þar sem ég hef ekki svoleiðið dót.

35. ELSKARÐU EINHVERN?
Já. Held ég sé líka mjög léleg í því að hata.

35.SEGÐU EITTHVAÐ FALLEGT UM MANNESKJUNA SEM SENDI ÞÉR ÞETTA:
Hildur verður ábyggilega mjög góð í mömmuhlutverkinu síðan hefur hún líka falleg augu.

36. FRÁ HVERJUM ERU MINNSTAR LÍKUR Á AÐ ÞÚ FÁIR ÞETTA SENT TIL BAKA
n/a
37. HVER HELDURÐU AÐ VERÐI FYRST/UR TIL AÐ SENDA ÞÉR ÞETTA TIL BAKA?
n/a

föstudagur, 28. október 2005

bilar

föstudagsreggíið að síga inn, ekki þó inn um gluggana því þá hef ég lokaða fyrir snjónum. Upplifði æsispennandi atvik seinnipartinn þegar ég var að keyra á sumarhjólbörðum og útvarpsþulurinn sagði fólki að sleppa því að keyra á þeim og taka frekar strætó eða leigubíl. Sem ég gerði ekki og komst heim heil á höldnu.
Bretar eiga orkuforða í 11 vetrardaga, en síðasta ár voru 55 vetrardagar hjá þeim. Hvað verða þeir margir hér?

Er ekki frá því að ég sé aftur dottin inn í það að búa ein. Jei. Það getur líka verið gaman og gott. Allaveganna var kveðjustundin í gær ekki eins erfið og síðast, þ.e.a.s. ég mundi eftir að hafa keyrt heim frá Keflavík, ólíkt áður þegar ég rankaði alltíeinu við mér, komin heim... ekki mjög traustvekjandi.

Fór á uppskeruhátíð félagsvísinda í dag. Hlustaði á spennó dót. M.a. gaur sem er að skoða tæknina og samhengi. Samhengið og staðsetningin eru mjög breytt með tilkomu t.d. msn, gsm. Hvað er staðbundið og hvað er hnattrænt?
Sá svart á hvítu að forsíðumyndir t.d. Fréttablaðsins eru mun mun mun mun mun oftar af karlmönnum heldur en konum. Það svipar einmitt til efnis sem ég er að fara að skrifa um í einni ritgerð þar sem ég ætla að skoða birtingu kvenna í rokk-tónlist í fjölmiðlum hér.

Jamm. grjónagrauturinn var góður. Vinnuhelgi framundan. Böns af krökkum frá útlandi að koma að leika í einhverju hcandersen dóti. Krakkar eru líka fólk.

miðvikudagur, 26. október 2005

sumt samt sumt samt sumt samt

eitthvað eirðarlaus inní mér í dag. kannski af því að kæri er að fara aftur út á morgun og að næst sjáumst við um jólin... veit ekki. anda djúpt. vera jákvæð. fara út og hugleiða. með sígó í öðru. farið að síga á seinni hlutann í skólanum, of mikið að gera. kannski samt ekki. veit ekki neitt. veit samt sumt. eirðarleysi hvað?

mánudagur, 24. október 2005

sjaumst

á skólavörðuholtinu klukkan þrjú, Ingólfstorgi klukkan fjögur.
Hlakka til.

sjaumst

á skólavörðuholtinu klukkan þrjú, Ingólfstorgi klukkan fjögur.
Hlakka til.

laugardagur, 22. október 2005

la la la la la laaa

tyrkneskir tónar í útvarpinu, hljómsveitin oriental moods frá Danmörku. Fór í hádegisverð til ma+pa í hádeginu, voða fansí og gaman. Annars bara heima, búin að stúta mogganum. Sudoku gleði. Og krossgátuleikur á laugardagslesbókinni.

Upplifði tóna í gær. Einar Örn benti eins pent og hann getur á það þegar hann og hljómsveit hans voru á sviði að það sé fáranlegt að bjóða listamönnum að gera þessa sjálfboðavinnu á sviðinu með ónýtt hljóðkerfi. heyr heyr. Sá semsagt Dáðadrengi, Kimono, Ghostigital, The Mitchell Brothers og Fiery Furnaces í óviðunandi hljóðkerfi, sem er allt annað en það sem boðið er upp á í Hafnarhúsinu t.d., en þetta var á Gauknum. Það var ganam. Maðurinn sem býr á jarðhæðinni hér spilar einmitt á bassa með Dáðadrengjum en sagan segir að þetta hafi verið þeirra síðustu tónleikar sem voru góðir.
Kimono var Kimono.
Ghostigital finnst mér alltaf spennandi og náttúrulega gaman að horfa á söngvarann og son hans.
The Mitchell Brothers voru 2 gaurar í úlpujökkum og með húfuhatta. Pólitískt old-school hiphop undir breskum götuáhrifum. Skemmtilegt að þeir höfðu leiknar kvikmyndir á skjá við hvert lag.
Fiery Furnaces spilaði allt ógeðslega hratt. Miklu pönkaðra heldur en á plötunum nokkurn tímann. Þannig að ég fíla tónlist þeirra betur lifandi en á plötu.
Ætlaði að sjá Forgotten lores en þurfti frá að hverfa með góðu fólki.

takk fyrir mig. Já. Er að velta því fyrir mér hvort ég eigi að fara með konunum á vinnustaðnum á mánudaginn en þær ætla allar í jakkaföt. Er ekki nóg að fara í þeim fötum sem maður er í þann daginn? Þarf ég að hugsa um útlitið? Sprell from hell.

föstudagur, 21. október 2005

the magic

Galdurinn við loftbylgjurnar er að taka sér hlé inn á milli, borða og slappa af. Maður getur hvort sem er ekki séð allt.
Í gær stóðu Reykjavík mest uppúr, svo Skátar.
Nú er haldið áfram.
Gleði gleði ógeðslega gaman.

þriðjudagur, 18. október 2005

pill pill i badi

partýið fer að læðast inn íhuga mér sem í vændum er. Ákveðið löglegt frí. Er að kæla mig niður með því að lesa 1 grein í dag um það hvernig hnattvæðing getur haft áhrif valdastöðu kvenna. Þ.e. að hnattvæðing getur veitt evrópskum konum aukið vald en gerir það ekki þegar kemur að hefðbundnum hugmyndum um kyngervi.

Það er farið að kólna aftur svei mér þá.

sunnudagur, 16. október 2005

always better when we are together

ok get ekki beðið þarf að tjá mig netið eitthvað ógurlega hægt.

3xMúshí til Guggu. Og óska eftir stjörnukortadótinu Ágústa. Þetta voru kveðjur dagsins í dag en eins og lesendur hafa kannski kynnst þá eru þær í ýmsu formi.

Ok. Upplifði 2 popphljómsveitir í dag.
írafár á stöð 1 þar sem þetta er vinnuhelgi og sjaldan eins gott að nota tækifærið og glápa. Ég er greinilega svo langt leidd að ég horfi á hljómsveitir kvöldsins. En allavega þá er Írafár popphljómsveit sem nær til landans í gegnum tv. Fíla hana ekki baun en hef ekki hlustað mikið á hana.
Uppáhalds: B.Haukdal.

Þá fór ég á Jeff Who? eftir vinnu niðri í kjallara. Útgáfuteiti. ókeypis inn og var staðurinn fullur. Held að hljómborðsleikarinn hafi einhvern tímann verið í Írafári. En þá spila þeir vel tónlist saman og allir voða glaðir. Ekkert nýtt, sviðsframkomu söngvara ábótavant ef maður miðar við B.Haukdal. Hljómsveitin ekki enn í tv en á góðri leið þangað með því að eiga lag á topplista útvarps sem ég þekki ekki. áhorfendur á bilinu 19 - 32 ára og fullt af mömmum og pöbbum strákana í hljómsveitinni. Þekkt fólk úr bransanum slæddist inn á milli, en enginn sem myndi nokkurn tíma viðurkenna að hann fílaði Írafár.
Uppáhalds: þorri sem trommar með eina skálmina upp. Tobbi sem synthar og tónar sönginn voða fallega. Og náttúrulega maðurinn með nefið.

Þannig að hver er munurinn? Böndin spila bæði alveg rosalega líka tónlist ef maður spáir í því fyrir utan e-ð sem er ,,kúl" sem F.Ferdinand kom með. Og B.Haukdal er kona. Baddi gæti líka verið kona?

Ok ég er alveg að hlakka til að fara í margra daga tónlistarveislu Airvawes. Þar spilar Írafár örugglega ekki. En á eftir að kynna mér dagskrána í þaula. VOhó

Búin að vera í vinnunni frá hádegi en ég svaf heima hjá mömmu í nótt eftir góða stund með henni og 1 systur marineraðar í hvítvíni. Soldið spes en gaman.

Er að spennast upp því nú hef ég bráðum ekki pleisið ein fyrir mig frá mér til mín. Þ.e.a.s. frá og með mánudeginum n.k. Það verður ekkert slæmt að deila því með kæra. oooooh yeah.
í friði.

föstudagur, 14. október 2005

ljonið i þriðja auganu

jamm pílukast er kúl og ég verð baneitruð næst.

ok. í fyrsta lagi er ég mjög heppin. Fyrir það að geta rætt mjög áhugaverð málefni í vinnunni við ótrúlegt fólk. Þar að auki get ég lært fullt, en í kvöld las ég t.d. 3 blaðsíður í vinnunni, sem ég tel ekki mikið. Skamm stelpa. En að áhugaverðum málefnum sem komu upp í kvöld: draumráðningar á hafi og grasi. Massa samtal við þroskaðan tónlistargúru um konur og tónlist eða rokk og ról... nokkuð sem ég hef hug á að rannsaka og hann sagði að ég mætti alltaf tala við sig sem verður massa, fyrir utan það að hann er ekki kona. En hann gæti alveg verið kona. Já og síðan var líka rætt brjósklos, blind stefnumót, hugleiðsla og ljón. Ekkert um Halldór í Hollywood sem verður frumsýnt á morgun. Það er fínt. Stundum held ég að fólk fatti alveg hversu takmarkaður áhugi minn er á leikhúsinu sjálfu, en ég hef áhuga á fólkinu sem gerir leikhúsið. Er það ekki nóg? skiluru, ok, mest töff. Sá endann á S.Nótt og hún var náttlega gordiuss. Kann ekki að skrifa aðra stafsetningu en þá sem ég lærði frá 5 ára til 12 ára. Sem þýðir að ég kann ekki að skrifa lingó dagsins í dag. En leikhúslingóið er ég að detta inn í t.d. járnteppi, nótur og kantur.

ok. í öðru lagi er ég í fínu lagi og nenni ekki að skrifa meira og ætla að halda áfram að hlusta á cinematic orchestra sem er einkar þægileg tónlist svona seint á síðum kvöldum, tónlist í anda við portishead nema bara mun minni söngur.
Yours truel(ad)y

miðvikudagur, 12. október 2005

ooro

í gær fór ég út í óvissuna með samstarfsfólki mínu. Það var gaman. Við fengum að skoða Gutenberg prentsmiðjuna og nú veit ég hvað offset prentun þýðir. Við fengum líka snittur og drykki. Allt kvöldið. Enduðum á Classic Rock í Ármúlanum í fullu swingi, komst m.a. að því að ég er betri í blindandi pílukasti heldur en sjáandi. Þarna gafst gott tækifæri til að kynnast samstarfsfólkinu betur til 04:34. Já þó ég sé ekki í starfsmannafélaginu fékk ég að fara með. Rosalega félagslynd týpa á mánudagskvöldi.

Annars er ég komin heim til mín sem er mjög gott. Allt er gott nema það er svo kalt.

kveðjustund:
straumar til Möggu Stínu og fjölskyldu.

Góða nótt.

sunnudagur, 9. október 2005

ljufi laugardagur

fyrst ber mér að senda kveðju til Köben, til Hrefnu sem er svo dugleg alltaf að skrifa inn ábendingar eða hvað sem comment þýðir.
Ritstjóri þessarar síðu hefur tekið tvær ákvarðanir.
1. hér má senda kveðjur. Persónulegar. Og fullt af þeim. Ef þetta er ekki vettvangur til þess þá vitum við ekki hvað.
2. vegna fjölda ábendinga sem eru ekki frá neinum sem straumar þessarar síðu eru bendlaðir við, þá er ráð að fara í settings - comments - og þar finnur maður Show word verification for comments og hakar við YES. Þessar upplýsingar fengust á annari síðu sem þessari og er vonandi að það virki.

Sá Born in Brothels í dag með múttu. Dró hana í Tjarnarbíó og það var gaman. Myndin var alveg. Ekki mikið af líkamlegu ofbeldi, en nóg af því andlega. Gott að sjá börn vændiskvennanna sem virka gerendur í því að bæta heim sinn. Er maður að fróa einhverri þörf yfir því að hafa ánægju af að upplifa kvikmyndir og fleiri efni í fjölmiðlum sem draga upp það napurlega í heiminum?

Heimilislífið gengur vel. Er heppin yfir því að fá að vera tímabundin húsmóðir og hlakka til að fara heim. Hér hljómar gangsta rapp og það er stuð. Fór í húsmóðursbjór á barinn. Einn fyrir eitt. Mjög fínt. Vonast til að skrifa einhverja svona tónlist á þessu heimili, því það er staðreynd að það er erfitt að hafa efni á allri þeirri tónlist sem maður innbyrðir og því er um að gera að nota tæknina, kynnast nýju og kaupa ef hugurinn girnist það mikið, sérstaklega í ljósi þess ógurlega framboðs sem tröllríður landanum. Listamenn, Respect. Alltaf gaman að upplifa nýja tónlist. Og Airwaves í nánd. jólin jólin allsstaðar.

föstudagur, 7. október 2005

mamman

þar sem ég er í hlutverki móður eða fullorðins þessa dagana vil ég koma með eina ábendingu varðandi uppeldi og heimilisbrag. Nú á dögum er það staðreynd að sökum tímaleysis eru fjölskyldur minna saman en áður. Ég ætla ekki að fara út í ástæðurnar náið en þær eru margar og flóknar. Hagkerfi, atvinnumarkaður, skólinn, tómstundir o.s.frv. Sjónvarpið er hluti af menningu okkar. Það er mikið framboð af ýmis konar sjónvarpsefni. Oft eru nokkur sjónvarpstæki á heimili. Stundum eru sjónvarpstæki inni í herbergjum barnanna. Allir á heimilinu geta horft á það sem þeir vilja. Ég held að með því að börn og unglingar hafi sjónvarpstæki inni í herbergjum sínum minnka samverustundir fjölskyldunnar. Hver og einn getur tekið upp ef eitthvað annað svo nauðsynlegt er í boði í sjónvarpinu á sama tíma. Með því að hafa aðeins 1 sjónvarpstæki myndi fjöldi samverustunda fjölskyldna aukast og foreldrar gætu ,,mónitorað" og sigtað út meira af ruglinu, þó þær eyddu tíma saman yfir sjónvarpinu sem er kannski ekki ákjósanlegast að mínu mati. En það er önnur saga.

Annað kvöld verður þetta í kvöldmat, en ég þarf að elda um hádegið því ég er að fara að sjá Born in Brothels á hátíðinni í Tjarnarbíói. Jibbí.

Pastasalat.
1/2 pakki þrílitt pasta (slaufur eða skrúfur)
3 paprikur - 3 litir
1/2 Iceberg salathaus
1 dós Feta ostur
1 mexíkó ostur
1 piparostur
Ostarnir smátt brytjaðir
Blá og græn vínber, steinlaus eða steinhreinsuð
1 pakki Nacho Tortillas flögur

Pastað soðið og kælt. Blandað saman við smátt skornar paprikur, osta og vínber. Rétt áður en salatið er borið fram er iceberg salatinu blandað saman við og flögurnar brotnar yfir.

Sósa sem er nauðsynleg með.
1/2 dós sýrður rjómi (10%)
1/2 lítil dós létt mæjónes
1/2 dl matarolía
Safi úr 1/2 sítrónu
Smátt skorinn hvítlaukur (eftir smekk)
Smátt skorið engifer (eftir smekk)
1/2 til 1 tsk karrý
Hunang.

Ég hef ekki hugmynd um hvort þessi uppskrift sæti stöðlum manneldisráðs en þetta er mjög gott.
síðan sendi ég speskveðju til bróðurs besta í boston.

mánudagur, 3. október 2005

lakkrisdraumur

dreymdi mjög skrítinn draum síðastliðna nótt þar sem ég þurfti m.a. að hringja í 112 og þá kom hópur ungra kvenna að bjarga mér sem voru ekki í einkennisbúningum... maðurinn sem var að ógna mér var ber að ofan. Legg enga túlkun í þennan draum.

Er að fara í útlegð á morgun. Útlegð á heimili systur minnar sem er allt morandi í unglingum og ungu fólki. Útivistartími bókaður, 1 má fara í eitt partý, 1 kemur frá Danmörku og sefur o.s.frv. Ætli ég verði beðin um að kaupa áfengi? Mjög spennandi og held að þetta verði ofurgaman. Búið að redda máltíðum á Múlakaffi fyrir hersinguna sem mér finnst alveg kostulegt. Ekki við hæfi að unga fólkið borði bara skyndibita þegar foreldrarnir eru ekki heima.

Annars er ég með hor.

laugardagur, 1. október 2005

andinn og efnið

Var við jarðarför í gær. Minningarorð prestsins voru falleg, en samt var ég að hlusta á þau með eyrnatækjum kynjanna og fannst það soldið skrítið. Ofuráhersla á heimilisstörf viðkomandi. Með fullri virðingu fyrir þeirri látnu sem var yndisleg kona.

hér á landi er ofuráhersla á vísindin. Líklega er það í mörgum öðrum vesturlöndum þar sem andinn er ekki tengdur efninu. Þá er ég að tala um þann andlega stuðning sem fólk þarf við áföll sem dynja á í daglega lífinu, eins og svo sem missi fjölskyldumeðlima, bílslys o.s.frv. Veit ég mýmörg dæmi þess að fólki finnst ekki komið fram við þau af jafnræði, né þeim sýndur skilningur inn á þeim stofnunum sem sinna svona löguðu, eins og sjúkrahúsum, lögreglustöðvum o.s.frv. Að sjálfsögðu eru til góðir læknar og góðar löggur, en það telst frekar til undantekninga. Ég gæti endalaust talað um samband anda og efnis sem ég tel mikið koma til en það verður að bíða betri tíma.

Fór í agalega gott rauðvín í gær með góðum konum. Það var ekki heilsuspillandi, heldur mjög huggulegt og hægt að ræða lífsins gagn og nauðsynjar. Lítið fór fyrir pólitíkinni, og þá spyr ég, skiptir hún máli þegar á hólminn er komið?
Er að fara að skunda í vinnu, 12 tímar í dag, aðrir 12 á morgun. Samtals 1 sólarhringur. Jamm og jú. Þá verður heimspekingurinn (og margt fleira) Foucault tæklaður í tölvunni og endalaust hellt upp á kaffi. Bæ

fimmtudagur, 29. september 2005

kroko poko

og enn að Jónínu, væri hún látin líta út svona geðveik, tilfinningalega og ruglingslega í fjölmiðlum ef hún væri karlmaður?

Allaveganna. Tók mitt fyrsta viðtal fyrir skólann í dag. Gott að byrja að æfa sig. Var ekkert stressuð í dag, en þegar ég var að hringja í væntanlegan viðmælanda minn í fyrsta skipti í síðustu viku var að líða yfir mig... síðan mundi ég bara að hann er líka manneskja. Jamm. Fór með segulbandstæki og það virkaði vel. Búin að gera test og svona. Rosa fagmannlegt. Engin kennaratýpa sem kann aldrei á tækin. Um leið og ég slökkti á bandinu komu djúsí sögurnar... skrítið, eða kannski ekki.

Hjólaði niður á höfn og skoðaði skip í sólinni. Mér finnst skip falleg. Yogaðist. Varð krókódílinn. Er glöð. Ætla að læra og vonandi að kveðja heimspekinginn sem er að halda út í heim.

mánudagur, 26. september 2005

miðdegistonar

enn einn fjölmiðlafarsinn... og Jónína Ben. Hef ekki alveg náð utan um það sem hún stendur fyrir. En sjálfsagt mál að fjalla um hlutina eins og þeir birtast manni. Þess vegna segi ég við yður...

Átti góða helgi í faðmi góðra Garðálfa. Fór á barinn í Keflavík og maður minn, halliljúja. Enginn upptekinn við það að halda kúlinu eins og hér í 101, kannski er bara ekkert kúl í Keflavík? Mömmur á öllum aldri, pabbar á öllum aldri, krakkar á öllum aldri, allir fullir saman á barnum. 2 kassagítarar og stemning og læti. Mjög hressandi að fara á nýja bari.

Þá þakka ég systur minni fyrir að hugsa til mín, einbúans, og bjóða í mat. Að vísu með áætlun um að fá mig á heimili hennar í vikutíma til að líta eftir unglingunum. Og það verður nú gaman. Best að halda fullt af partýjum með þeim, eða hvað, þá kannski má ég aldrei passa aftur... Muna bara að þrífa nógu vel. Klístrið og parketför koma alltaf upp um partý. Sælla minninga minna um partýstand á heimili foreldra minna fyrir svona 10 árum. Pældu í því.

Er núna klukkan þrjú að fara að tala í fyrsta skipti við væntanlegan rannsóknarleiðbeinanda. Spennó. Síðan passa Hildi Maríu frænku.

laugardagur, 24. september 2005

mosi a steini

elska þegar sólin skín á gul laufblöð. gulur er góður. Gómsæti guli. Annars er vitagagnlaust að tala um veðrið því því breytir maður ekki. Fríhelgi. Jibbý.

föstudagur, 23. september 2005

zzzzzz

Það er ein af síðustu haustflugunum hjá loftljósinu. Stærri týpan af húsflugu. Eitthvað á hún stutt eftir gæskan. Náði einu hári út úr mér sem var búið að bögga munninn á mér eftir að ég kom heim áðan. Nú finnst mér enn eins og ég sé með eitt stykki hár í munninum. Kannski er ég að verða úlfur eða varúlfur.

Ein af bestu vinkonum mömmu var að deyja. Í kvöld var ég svona almennilega með henni í fyrsta skiptið eftir það. Mamma vill ekki syrgja of mikið. Heldur að sálin vilji heldur bara fara í friði. Búin að segja good bye. Fólk hefur sínar aðferðir. Hún er á því að allir syrgi í lífinu. Bara á sinn hátt. Misdjúpt. Misbiturt. Misstóískt.

Það var góður kvöldmaturinn. Gefur mér yfirleitt lambakjöt og heldur að hún sé að bæta upp fyrir prótínskortinn þar sem ég kaupi ofursjaldan kjöt. Kannski einu sinni til tvisvar í mánuði. En ég fíla að borða kjöt. Ég er bara ekkert sólgin í það. En saltið er ég sólgin í og get sleikt á mér puttann, dýft honum í salt og sleikt. Namm. Það er kannski vegna þess að ég kem frá eyju sem umlukin er söltum sænum. Jafnvægi. Ræddi um völd Vesturheimsins yfir kvöldmatnum kjötinu sem var by the way mjög gott og fréttirnar á öllum rásum kraumuðu í bakgrunninum. Þ.á.m. Fox News. En til er nýleg heimildamynd um það hvernig sú sjónvarpsstöð skapar þekkinguna, framleiðir hana. =Vídeógláp. Rita baby down to 4.

Keypti Danfoss hitastillir fyrir ofninn í eldhúsinu. Fór inn í Byko á Hringbraut til þess arna og var ekki gaurinn bara geymdur inn í læstum tréskáp vegna þess að hver og einn kostar 1990. Kominn á og hitinn í ofninum aðeins farinn að lækka og flugan dauð. Allaveganna heyrist ekki í henni lengur.

miðvikudagur, 21. september 2005

grasekkjan

oh hvað ég er glöð yfir því að fólk nenni að setja ábendingar inn. Jamm, kæri farinn til útlanda að vera listamaður. He he he. Hef þó heyrt því fleygt að Berlín sé iðandi af listamönnum þessa dagana, og það er frábært að geta róið á ný mið, fengið nýjar upplifanir á nýjum stað. 3 af fjórum eru í sambúð og allar gellurnar að sinna öðrum málum... Einn fjórði verður því að taka alla kvenkynsathyglina. Alla. Jamm. Held líka að kæri sé svolítið fyrir að ögra sjálfum sér og vill endilega prófa nýja staði til að búa á, en eins og er vil ég vera hér. Er mjög ánægð í náminu og vinnunni. Nú verður Rómeó & Júlía uppáhaldsbúðin mín.

Gat sofið í miðjunni í alla nótt án þess að rekast í neitt. Það var gott. Sólin skín og ég er glöð. Vona að þið eigið góðan dag kæru lesendur.

sunnudagur, 18. september 2005

fallegi sunnudagurinn

Hæ. Reyni að njóta þess í botn að hafa 2 menn hérna á heimilinu, því það breytist á þriðjudaginn. Þá fara þeir. Og ég hlakka til að hafa tækifæri til þess að heimsækja þá í flugvél, t.d. um jólin... Er samt ekki búin að ákveða neitt. Hlakka líka til að búa ein. Ætli ég verði algerlega félagsfælin eða félagsljón? Eða kannski bara mitt á milli. Spennandi. Óli Palli að tala um Brian Eno snilla á Rásinni.

Þessi sunnudagur er fallegur. Búin að erindast, fara á kaffihús og læra. Og nú er seinni parturinn eftir, aðalmálið. Súpa og brauð fyrir gott fólk hér á eftir og síðan kveðjupartý. Já, ég er ekkert að skafa utanaf því með töfratryllirinn. Hann gerir bara óaðfinnanlegar súpur. Þessi verður pródúseruð hér á eftir:

Sæta kartöflusúpan: Jean.
1 stór sæt kartafla, skræld, skorin í bita.
1 laukur steiktur í olíu í botininum á pottinum (fyrst).
Engiferduft og salt.
1 dós heilir tómatar
1/4 úr dósinni, vatn
4 gulrætur í bitum sneiðum.
Cayenne pipar
1 pínudós Tómatapúreee.
=soðið í smá tíma, þar til mjúkt.
Þá 1 mtsk. hnetusmjör (ósætt, svona úr heilsubúðunum) láta endilega meira ef vill.
Mixað í mixer (eða með sprotanum góða)
Suðan látin koma upp og voilá.

Held að ég sé að fara að skila sprotanum bráðum til eiganda. Ekki búin að fá nóg af súpum þó. Ekki búin að fá nóg af þessum fallega sunnudegi. bæ

miðvikudagur, 14. september 2005

exactly

Góðan dag. Spurning hefur komið hér á síðunni sem er mér gleðiefni. Svarið er að ég nota soðið. Sýð grænmetið ekki í miklu vatni, bara rétt svo að það gári yfir grænmetið (og muna grænmetiskraftinn). Sýð í góðan tíma. Þá af hellu. Töfrasprotinn tekinn fram og allt maukað oní pottinum. Soð og grænmeti. Þá kemur krydd- og meira soðiðvatn stundin. Tími til að þynna og ef maður þynnir mikið, þá gott að skella á hellu. Bæta tahini út í ef vill (2 matsk) og krydda. Namm.
Varíasjónirnar eru óendanlegar kóríander, hnetusmjör (gott með kartöflum, gulrótum og þannig týpum en þá nauðsynlegt að nota cayenne-pipar með) ...

Nóg komið.
Strákar fela bólur á enninu með hárinu og mæla með því að maður horfi á the OC.
Það er kominn snjór í Esjuna.
Góður dagur. Hjólaði í skólann og hitti mjög forvitnilegan mann frá eyjunni La Réunion sem tilheyrir Frakklandi. Er geðveikt mikið að spá í hvað ég geri í skólanum en glöð yfir því að vera í spennó kúrsum.
bæ.

mánudagur, 12. september 2005

töfrasprotinn dasamlegi

orðin meistari í að gera grænmetissúpur. Grænmeti af ýmsum toga skorið í teninga, soðið í vatni með krafti þangað til lint og mjúkt. Maukað í pottinum með dyggri aðstoð töfrasprotans, kryddað, (t.d. fennel, cayenne pipar), kúl að bæta 2 matskeiðum af Tahini útí og síðan getur maður haft súpuna eins þykka og maður vill, bætir bara vatni útí eftir þörfum, og auðvitað er súpan best daginn eftir... (dæmi um grænmeti: broccoli, blaðlaukur, laukur, rófur, gulrætur, sellerí, kartöflur, paprika, tómmatar, grænkál) Maður þarf frekar minna af grænmetinu heldur en meira.

Grænmetismarkaðurinn í Mosó er málið. Nema bara einn laugardagur eftir. Ódýrt, gott lífrænt ræktað grænmeti, beint frá bóndanum og mikil stemmning. Síðast var mér sagt að allt kláraðist um klukkan þrjú, en markaðurinn er opinn frá 12.

ok bæ.
(hvar eru heimatilbúnar sultur falar?)

laugardagur, 10. september 2005

russarnir

Setti hárið í fléttu áður en ég fór í vinnuna. 4 sýningar á rússnesku. Grilljón Rússar til að höndla. Lærði tvo orð á rússnesku. Komiði sæl og sjáumst (bless). Man ekki hvernig á að skrifa þau. Margir þeirra tala ekki önnur tungumál sem Íslendingar gætu mögulega skilið, en samt verður aldrei vandræðaleg þögn. Mjög merkilegt. Þeir töluðu endalaust þótt maður skildi ekki baun.

Draugasaga.
Norðanmegin í húsinu er aðstaða starfsmanna, þ.á.m. leikaraherbergin. Á efstu hæðinni lokaði ég öllu, slökkti o.s.frv. Þar var enginn. Síðan hélt ég niður á næstu hæð. Þegar ég var rétt komin inn á ganginn úr stigahúsinu sveif framhjá mér eða meira fyrir aftan mig, þ.e.a.s. í stigahúsinu, dökkhærð ung kona. Töluvert lægri en ég, mjög föl í framan og í hvítri prjónapeysu. Hún hélt bara áfram upp og ég sagði bara halló án þess að fá svar. Það kom mér ekki á óvart þar sem stelpan væri ókunnug tungumálinu. Síðan hélt ég áfram og hugsaði hvað gellan væri eiginlega að gera, þar sem allir voru farnir. Kannski gleymdi hún einhverju. Ég hélt ferð minni áfram án þess að svitna.

Eftirsagan er sú, að enginn fór út um bakdyrnar í millitíðinni, inni á sviði voru bara karlmenn og engin stelpa var á efstu hæðinni þegar ég fór heim...

Góða nótt.

þriðjudagur, 6. september 2005

Allt bara í sómanum hérna megin. Dvaldi í 2 tíma á deild b5 í fossvogi og fékk smá innsýn í spítalalífið. ,, er þér nú ekki orðið mál, væni minn?" ,, þetta er nú bara eins og á Mallorca "

Jamm. Virðing til hjúkrunarfólks og kennara.

Yogað byrjað. Umm hvað það verður gott.

Annars ekkert.

mánudagur, 5. september 2005

notum smokkinn

góðan og blessaðan mánudag. Það er gaman að ný vika er í startholunum.

Hvað eru ráðamenn Bandaríkja Norður Ameríku að hugsa? Búnir að spreða í stríð og herdót, en ekki að veita athygli málefnum heimafyrir sem skipta öryggi fólksins máli... Á sama tíma og mér finnst ömurlegt ástandið í New Orleans, þá berst inn með mér önnur tilfinning fyrir tilverurétti sínum og það er það að mér finnst þetta soldið gott á þá, þ.e.a.s. ráðamennina en að sjálfsögðu ekki saklausa ríkisborgara þessa lands. Vona að þeir fari að skoða gang sinn og leggja áherslurnar annars staðar, því það er augljóst að ef borgararnir eru óánægðir með dæmið heima hjá sér, þá er ólíklegt að þeir sýni stjórninni stuðning.

Þá las ég eina grein í morgunblaðinu í morgun, þar sem karlmaður lýsti því yfir að hann væri smeykur, smeykur yfir því að múslimar og blökkumenn (eins og hann kallaði þá) taki sér bólfestu á Íslandi, smeykur við blökkumenn og múslima. Sagði blökkumenn vera valda 10% ódæðisverka í Bandaríkjunum (þá spyr ég: hvað með hin 90%?), sagði það staðreynd að flestir hryðjuverkamenn væru múslimar án þess að styðja þá fullyrðingu eitthvað frekar. Hvað getur maður gert?

Fór á tónleika á laugardaginn. Það var gaman. Sveitt. Síðan verða tveir sambýlismanna minna í Íslandi í dag í dag með hljómsveitinni ef einhver verður við viðtækið sem hefur ekki haft tækifæri til þess að heyra og sjá. Átti í samræðum um listina og listafólk á barnum við konu í pels. Annaðhvort ref eða mink. Það var merkilegt. Fór líka á innilegt spjall við mann sem ég hef ekki spjallað mikið við áður, en hér kýs ég ekki að nota orðið trúnó, því hvorugt okkar var úti að skíta. Stundum finnst mér gaman að tala við ókunnugt fólk. Stundum ekki. Stundum stundum ekki. Stundum ekki óábyrgt kynlíf. Notum smokkinn.

föstudagur, 2. september 2005

hestur lestrar

sé fram á mikinn lestur í vetur. Byrjaði almennilega í skólanum í dag. Kúrsarnir eru eftirfarandi: hagnýt mannfræði, mannfræði kynmenningar og ímyndir, vald og framandleiki. Ekki amalegt það. Ögrandi vetur framundan.

Höfum verið fjögur að undanförnu hér heima, 1 heimalingur farinn og annar verður hér langt fram í september. Það er gott og blessað. Mjög blessað. Er að komast inn í daglega amstrið, skólann og vinnuna aftur.

Taldi upp tölur allra þeirra tungumála sem ég þekki í dag í tannlæknastólnum, mjög hressandi fyrir heilann. Er orðinn forfallinn su doku spilari. Líka mjög hressandi fyrir heilann. Gott að koma sér í gírinn.

Raunveruleikurinn:
Það brakar í ísskápnum.
Hann stendur tómur.
Vindurinn bærir þvottinn á snúrunni.
Karfan er full.

24 25 26 27 28 29

þriðjudagur, 30. ágúst 2005

Ferðasögubutar og Kiefer



Það verður ekki hjá því komist að stikla á stóru um þá yndislegu ferð sem ég er nýkomin úr.

17.8. Kef - Bos
Misstum af vélinni frá boston til Halifax og því fengum við inni á hilton. Ekkert stress í gangi, enda bara gott og gaman að fá að fara á hótel í útlöndum.

18.8 Bos - YHZ
Flugum til Hali. Heimsóttum fólk. Sóttum Heather & Zach út á flugvöll á bílaleigubílnum og keyrðum til eyjunnar Cape Breton.

Eftir þetta renna dagarnir í eitt númer. Gleði. Virðing. Skemmtilegheit. Góður matur. Gott fólk. Skemmtilegt fólk. Náttúra o.fl. Dæmi: synti næstum því daglega í vatninu. Náði í baunir og baunir (beans & peas) af baunatrjánum í matinn. Líka kirsuberjatómata, salat, kartöflur, gulrætur o.fl. úr garðinum (þeir eru 4). Rakaði steina og hjálpaði við að undirbúa jarðveginn fyrir heimatilbúinn golfvöll. Sigldi oft á skútu. Sól, sviti, raki, massa flugubit. Hellti prestinum te í sunnudagsmatarboðinu. Fór á gaelískt skemmtikvöld og sá fólk vera að halda í gamla menningu með dansi, söngvum o.s.frv. Spilaði bingó og Balderdash. Vann plastpennaveski með blýanti, strokleðri og reglustiku í (allt í stíl með gula smiley-andlitinu). Drakk mikið vín. Las Harry Potter og er enn að. Las líka Yogabók. Spilaði strandblak. Klóraði hundinum Captain. Sá sköllóttan örn (bald headed eagle) og humming bird. Keyrði yfir íkorna. (á ekki að hafa áhyggjur af því þar sem staða þeirra er svipuð músum og rottum í raunveruleikanum, annað en hr Disney lætur mann halda). Hlustaði á tónlist. Var við marga varðelda. Söng. Fór aftur í einn dag til Hali. Fjárfesti í nokkrum bókum, haustjakka og sokkum. Fjárfesti líka í smokkum sem bera heitið Kimono. Hitti enn meira fólk. Gott fólk. Það var gaman.

Þannig er það nú kæra fólk.
Nú er það 24 sem kallar, hitti einmitt Kiefer á veitingastað í Sidney (Borg á Cape Breton, Nova Scotia, Kanada):

miðvikudagur, 17. ágúst 2005

Eyrnakonfektið

Sonic Youth voru frábær. Ekki bara frábær, heldur gorgeous. Djii. Kim Gordon, ætli hún sé ekki langt komin á fertugsaldurinn (jafnvel fimmtugs), í massa stuttum kjól og nærbuxum í stíl. Oh. Rokkgyðjan. Og allir bara að fríka út. Held að SY séu vanalega soldið köld á sviði, en í gærkvöldi voru þau mjög intimate við áhorfendur og crowdsurf og gítartilraunir og endalaust margir mismunandi stilltir gítarar voru notaðir. Magnaður skítur. Uppáhaldshljómsveitin er... síðan komum við heim og fengum skilaboð um það að vinur okkar væri í bjór á Nelly´s með Jim O´Rourke. (ha ha ég kann ekki að skrifa nafnið hans). En við horfðum bara á 24 í staðinn... hversu langt er maður leiddur?

Er að fara í flug. Best að drekka mikið vatn eins og fyrirsæturnar. Lifið heil.

þriðjudagur, 16. ágúst 2005

jæja

baugsmálið, grauturinn í textanum, er alveg að fara með mig. Hver stendur keikur? Kannski bara bónusgrísinn?

Flýg á Sonic Youth í kvöld. Síðustu stórtónleikar sumarsins. Nema að ég detti á einhverja slíka í Kanada. Ó já, þangað skal ég fljúga á morgun.

mánudagur, 15. ágúst 2005

helgin i myndum


Allt í stíl. Liturinn á stofunni, holdið og þið getið ímyndað ykkur lyktina.


Við störf á krútthátíðinni í rvk.


Dansi dansi dúkkan mín. Farið að síga á seinni hlutann. Það var gaman.

föstudagur, 12. ágúst 2005

Fallegur fimmtudagur



Ber ber ber. Var á bar með vini mínum sem beraði sig. Semsagt fór úr að ofan. Allir aðrir tilbúnir að gera tattú sem góðfúslegt leyfi fékkst fyrir. Búin að hlusta á þátt um ber í dægurmálaútvarpi rásar tvö tvisvar í dag. Endursýning á samtengdum rásum næturútvarpsins. Andoxunarefni og læti. Mikið af vítamínum í berjum og lítil fita. Ekki frysta þau með sykri. Frysta frekar minna magn í fleiri einingum.

hér að ofan má sjá álfavagínu. Op á álfakirkjunni í Dimmuborgum. Svolítið í takt við fæðinguna sem átti sér stað í dag (vinkona mín fyrir 28 árum) en í dag fæddist önnur plata kimono. Tveggja mánaða fæðing og óralangur getnaður. Dauðaskip Ballarhafsins. Artic Death Ship. hip hip húrra.

Það er orðið kolniðadimmt útifyrir og klukkan er hálf eitt. Þrátt fyrir gleði í hjarta hef ég litla von fyrir meira alvöru sumri hér þar sem maður situr í garðinum og svitnar á ökklunum við fótpokaleik og brosir í sólina. Nú fer haustsólin að láta skína í sig. Hvernig væri það ef 4 sólir væru í gangi, ein fyrir hverja árstíð?

Fór í sjoppuna á horninu (fyrrum Bússa) og þar leigja þeir út myndbönd fyrir 250 kr á sólarhringinn. Hef hugsað mér að gerast leigutaki í vetur. Hef ekki enn farið í nýju nornabúðina á vesturgötu. En kannski fjárfestir maður í galdri í framtíðinni, eða bara sendir galdur með hugarorkunni. Galdrar geta líka verið góðir. Góða nótt.

miðvikudagur, 10. ágúst 2005

ást

ég elska margt í lífinu. En mömmu mína elska ég líka mjög mikið því hún er svo frábær. Ég rausa í henni um raunir mínar og það sem hún gerir er að draga bara eitthvað spil sem gefur mér svarið. Pottþétt týpa. Skrifar það í kort og gefur mér. Svo ég muni helvítis svarið sem er svo fallegt og einfalt. Allaveganna.

Á laugardaginn verður húllumhæ í nýló. Endilega allir að koma. Um kvöldið. Opnun á skemmtilegri listasýningu og fullt af skemmtilegum hljómsveitum og bar. Sem ég vinn kannski smá á til að hjálpa til. Sameinumst hjálpum þeim... Eftirpartý Krútthátíðarinnar myndu sumir kalla þetta, aðrir kannski artý fartí dæmi, enn aðrir hámenningu o.s.frv. Það sakar allaveganna ekki að líta við. Nýló er fyrir ofan skífuna á laug. Gengið inn frá Grettisgötu hjá bílastæðinu stóra.

Lifðu og njóttu. Lax í kvöld. B&B í mat. Held ég fái mér hvítvínsdreitil.
Einfaldasta marineringin fyrir lax:
Hunang
Rifin Engiferrót
Smá Soya Sósa.
Ást og friður.

mánudagur, 8. ágúst 2005

krútti butti

komin heim af krúttinu. Undir hafnarfjalli varð ég vitni að veltu húsvagns sem var fastur við stóran amerískan jeppabíl og afturendi bílsins stóð upp í loftið þegar húsvagninn lá. Þetta gerðist mjög hægt. Síðan voru nokkrir bílar og húsvagnar og tjaldvagnar úti og suður á veginum. Þannig að maður keyrði bara ofurvarlega. Þetta var um hádegisbil þegar mestu lætin voru. Löggan komst varla út úr löggubílnum fyrir vindi. Svona er rokið. En rokkið á lýsuhóli var krúttlegt. Afar skemmtileg og mjög góð stemning og allir sælir og kátir. Á sunnudagsmorgun klukkan 8:34 vaknaði ég við það að fortjaldið lá samsíða jörðunni og eftir að ég komst út sá ég mörg tjöld sem einungis héldust niðri vegna fólksins sem svaf inni í þeim. Rosalegt rok. Fólk stóð fyrir utan tjöldin og baðaði höndum. Og baðaði sig í rigningunni, líklega ennþá undir áhrifum frá því fyrr um nóttina. Við tókum saman á mettíma og renndum í bæinn eftir góða hressandi útilegu.

Núna er kominn mánudagur. Ég byrjuð að vinna í nokkra daga áður en ég held til kanada þann seytjánda.

föstudagur, 5. ágúst 2005

critical dream

oh hvað ég elska sumarið. hlusta á danskar drykkjuvísur og bíð með sódavatn í hönd því ég er að fara í útilegu. Allt að gerast. ok. 2 tjöld. Engar dýnur. Kælibox sem á eftir að fylla því kæri er úti í búð. Hádegismatur hér heima áður en haldið verður í´ann. Búin að hlusta á útvarpssöguna með hálfu eyranu. Dótið mitt tilbúið á stigapallinum. Þjalaði neglurnar svo það komi ekki skítarandir eða hvað heitir aftur skíturinn sem ... aha sorgarbönd... er það ekki?

Sjiiiit er að fara í útilegu og má ekki týnast í þokunni. Dreymdi rosa skrítinn draum um mig labbandi í þoku (og fullt meir) og síðan hringdi ma í mig í morgun og sagði að vinkona sín hefði þurft að tala við sig og sagt: þú verður að taka Esjuna í sátt (bróðir ma sem var göngumaður lést þar í þoku og snjóblindu) og síðan kom rosa saga um manninn hennar sem hafði farið upp á Esjuna (vanur gaur), villst í þoku, fékk skurð og allt, komst heill heim (var fundinn af tveimur stelpum sem voru að keyra við veginn). Og vinkonan sagði einhvern hafa verið að passa manninn sinn í þokunni... B la bla bal ball. Kannski er ég bara að bulla og hausinn á mér að tengja skringilega, en á maður ekki að hlusta á svona dót, þ.e. innsæið og það sem er að gerast í kringum mann, hvort sem það er í undirmeðvitundinni eða ekki? Allaveganna ætla ég að vera meðvituð um það hvar ég stíg... svo ég rati aftur tilbaka eins og í draumnum, en ég gat það þar og ég trúi því að maður geti ráðið ferðinni í draumum sínum og ef maður er meðvitaður um það þá verða draumar manns ekki óþægilegir. En síðan er maður náttúrulega að fara á Snæfellsnes sem er uppfullt af góðri og magnaðri orku. ja svo. jasssso. sveiattan. fuss og svei.

Nokkur orð um útilegur: þær eru góðar.

Sendi strauma á gay pride.

dagskra

tha er thad krutt listahatidin a snaefellsnesi. Thar verd eg i godu geimi og hlakka til. Romantiskar naetur i tjaldi, tonleikar, myndlistarsyning, sundlaugarparty, grill, allir rosa krutt, abyggilega i krutt-flippudum filing o.s.v. Emotion. Juhu jibby jei.

miðvikudagur, 3. ágúst 2005

uti

er úti í garði að sanda - grunna - mála eldhúsborðið og stólana úr the good herdsman. Loksins eru komnir fjórir stólar í stíl inná heimilið. Líður eins og alvöru húsmóður, enda búin að vera í húsmóðursfílingnum undanfarna daga. Ligg líka yfir fyrstu seríunni af 24. Maður getur ekki hætt að horfa, í fyrstu hélt ég að maður yrði ekkert forfallinn glápari, en raunin er önnur. Pásan búin, aftur út.

laugardagur, 30. júlí 2005

Water element
Your element is Water. You have a calm aura around
you and are in tune with the world around. You
observe it but rarely interfere. Because of
your shy and timid nature you will not have so
many friends in your life. But then again,
large crowds aren't your thing anyway. You are
comfortable on your own and are reserved to
others who you don't know or know very little
of. You know everyone out there does not want
to be your friend, and knowing that is good.
However, people who don't know you that well
thinks that you are cold and distant since you
don't want to talk to them. Although you mean
no harm, you can't always be perfectly
understood in the world. No one can. Life in
general are you quite serene with even if there
are some things you don't like. Your love-life
is not so full of boys/girls, but if you
flirted more with the ones you were interested
in I'm sure something would happen. The hobbies
you choose are calmer ones, you are no party
girl that likes to drink and make-out with
three or more guys/girls in one night. Reading
a book or swimming is more your thing. Rate and
message!


What is your element? [with pics + 7 outcomes + detailed answeres!]
brought to you by Quizilla

föstudagur, 29. júlí 2005

stemmari

byrja á spes kveðju til hildar og bumbunnar. Var að hugsa um barn í dag. Eins og hálfs árs dóttur bróður míns. Það var gaman. Við héngum mest á leikvellinum á Klambratúninu. Þar var fullt af krökkum og mömmum og pöbbum og ömmum og barnapíum. Fórum á myndlistarsýninguna á Kjarvalsstöðum sem er svona yfirlit íslenskrar myndlistar. Oh so boring. Alltaf a.m.k. ein til tvær yfirlitssýningar á sumrin fyrir túristana í stóru söfnunum. Gleðin skein þegar fuglar komu fyrir í myndunum og síðan ætlaði hún að fríka yfir mjög dimmri mynd... Trópí og kaffi í kaffistofunni. Stemning.

Önnur stemning er ákkúrat núna. ,, því loksins hef ég skilið hvað ástarsæla er" hljómar núna á samtengdum rásum Rúv. Kerti og te. Svona til að hita sig upp fyrir versló. Já kertin eru komin aftur til mín á kvöldin. Þýðing= það er orðið dimmt á kvöldin. ,, ég skal vera þér eins góður og ég mögulega get".

Þriðja stemning var í Gullsalnum áðan. Þar heyrði ég síðustu tóna Hudson Wayne með brass-spilurunum (sem koma held ég bara fyrir í einu lagi á nýju plötunni þeirra battle of the bandidos sem er góð). Og fyrstu tóna stórsveitar nicks noltes. Langaði til að dansa en fólk sat bara við dúklögðu hringborðin og andlitin glóðu af hitanum í salnum á Hótel Borg. Þannig að ég fór bara eftir að hafa hangið frammi á barnum og hitt og séð fólk. Held að eitthvað að nn stórsveitin verði á Krútt 2005 á Lýsuhóli um næstu helgi (þ.e. eftir versló) og þar verð ég með jökli. Og skemmtilegu fólki. Og skemmtilegri tónlist og myndlist. Jamm. Varla búin að ná mér niður eftir ferðalag síðustu helgi og ég er strax byrjuð að hugsa um næsta ferðalag. Sumrin eru til þess að ferðast ekki satt? Fer að fara að ferðast í huganum til Malawi og fleiri staða í Afríku með bókinni sem ég er að lesa núna don´t let´s get out to the dogs tonight. Mjög góð. Góðir straumar í vefheiminn og alvöru heiminn til ykkar.

miðvikudagur, 27. júlí 2005



Búin að vera úti á landi í dásamlegri vegaferð. Sparakstur, náttúra, listir og læti. Hittum m.a. þessar kýr sem voru bara að chilla á veginum og kálfurinn var að drekka þannig að maður beið bara... Síðan má fólk geta hvaða fjall þetta er hér að neðan, en samkvæmt ferðabókunum er það eitt mest málaða fjall í listasögunni.

þriðjudagur, 19. júlí 2005

viðburðir hversdagsins

í dag gerðust nokkrir viðburðaríkir viðburðir.
Morgun/hádegiskaffi í sólinni með góðu fólki.
Eldhúsið málað með hjálp Gylfa og það tók bara enga stund.
Eftirmiðdagurinn. Fótpoki og skemmtilegt fólk í Hljómskálagarðinum.
Kvöldið. Mjög blátt áfram kall á kaffihúsi vatt sér að okkur... sagðist vera frægur prófessor, fyrst í íslensku, svo læknisfræði... vildi tala blátt áfram um kynlíf. Sagði m.a. orðið ríða mjög oft, hann var kominn með grátt hár, sýndi okkur hlerunarbúnaðinn sem festur var við brjóst hans (sem var ábyggilega fyrir einhverjar læknalegar tenginar og ég sagði: ,, nei þetta er ekki hlerunarbúnaður eins og í myndunum, það vantar vírana" þá kom hann með þá skýringu að hann væri læknisfræðilegur prófessor og nemendur hans væru að gera tilraunir á honum og hleruðu allt sem hann sagði...

mánudagur, 18. júlí 2005

fyrst með frettirnar...

komin heim úr egilshöll.
Þar var gaman.
Forgotten Lores. Gott grúv. Góð frammistaða og skemmtilegt að hafa lifandi hljómsveit í gangi og a.m.k. þrjá rappara.

Hjálmar. Sá ekki eitt lag með þeim. Sá heldur ekki eftir því. Ástæðurnar eru m.a. þær að Hjálma hef ég séð oft. Mjög oft. Í boði var að upplifa fólkið sem sótti tónleikana og glápa úr sér augun milli inngangs og veitingastaðar. Klístur á gólfinu. Tískan... sjiiit. Ungar stelpur aðallega, í alveg eins fötum, í vinkonuhóp. T.d. svart stutt pils, túrkíslitaður (bleikur, gulur) hlýrabolur, húðlitaðar/engar sokkabuxur, svört stígvél (indjána). Annað algengt var að breyta svarta pilsinu út fyrir stutt gallapils. Síðan voru nokkrir sem skáru sig úr. T.d. stelpan í venjulegum bleikum jogginggalla og útsölustrigaskóm, með massaþykka gullkeðju niður á maga. Ábyggilega nokkuð þunga ef þetta var ektagull, kannski fær hún kryppu. Aldursskiptingin var nokkuð breytileg. T.d. var nokkuð um börn ekki í sjáanlegri fylgd með fullorðnum. Síðan kom hundur og löggur sem litu út eins og persónur (t.d. þær sem myndu sækja skemmtistaðinn sirkús (lýsing þessi er aðeins til þess að gera grein fyrir því hvernig indí-tískan ef svo má kalla hefur náð til breiðs hóps, t.d. með hárgreiðslum)). Löggurnar, óeinkennisklæddu með hundinn í fararbroddi sem vatt sér upp að einum fóru svo afsíðis. Gangsta, yo. Ég á pottþétt eftir að sjá Hjálma síðar.

Hæsta höndin / hendin. Hmmm. Ekki mjög spennó rapp. Ekki mjög spennó undirspil hjá skífuþeytaranum. Var bara ekki að gera sig fyrir mig. Sögðu m.a.: ,, egilshöll, í húsinu..." Er það þýðing á in da house?

Snoop. Nú er bara að draga andann djúpt. Tveir skjáir voru sitthvoru megin við sviðið. Það virkaði vel, þó maður sæi líka vel, því aðeins helmingur hallarinnar var notaður. Áður er ljósin voru kveikt á sviðinu byrjaði stuttmynd - gangsta mynd eftir manninn, með sjálfum sér í aðalhlutverki ásamt tveimur konum, mjög mjög mjög svo fáklæddum. ,, nú fær strákurinn að sjá blaut brjóst" hugsaði ég og leit á 11 ára strákinn hliðina á mér sem var þarna með pabba sínum og vonaði að á skjáinn kæmi ekki gróft lesbíuklám eins og Snoop var með á tónleikum í Svíþjóð. En strákurinn sagði bara yeah við pabbann þegar brjóstin komu í nærmynd og myndin lét allt líta út fyrir að þau þrjú (snoop og gellurnar) væru að fara að ríða en engin kynfæri voru sýnd, bara nóg af byssum... ok tónleikarnir. Hvað get ég sagt. Þekkti rúman helming laganna sem voru flutt á mjög ólíkan hátt og þau eru á plötunum. T.d. voru ,,klikkin" í drop it like its hot ekki höfð með, en dj-inn skratsaði þau undir kúabjöllu trommarans. Ég var soldið ánægð með það ef það er gert af virðingu við þá sem klikkin framkvæma, ef þeir voru ekki á sviðinu, þ.e.a.s. Annars veit ég ekkert hvaðan klikkin koma, þó einhver sé að gera þau í vídeóinu. En snoop tekur mikið af dóti frá öðrum, t.d. dauðum rappurum. Líka lifandi. Kannski er það bara þannig on the eastside, yeah that´s my cribside. yeah. Bestar voru The Snoopettes. 4 danskonur. Lífguðu mjög uppá hljómsveitina og gáfu mér nokkrar hugmyndir fyrir þegar ég fer næst að dansa á barnum... ehem. En því er ekki að neita að maður hristi sig, skók sig og svitnaði, put your two´s in the air... Mjög gaman. Aldrei gleymi ég því þegar ég sá Snoop... Eða mr. snoopy eins og Victoria Beckham kallaði hann þegar hún hitti hann með David. Og Snoop var sko ekki að fíla það. En Snoop hafði séð David skora mark og sagði: ég vil fá símann hjá honum. Þannig verða menn vinir í dag.

Góða nótt

föstudagur, 15. júlí 2005

pbpbpbpbpbpb

lost - komin á þátt 21 af 25. Góð syrpa í áhorfi var tekin í dag. Þrátt fyrir fyrstu sólarglennuna í langan tíma. Enginn krakki = enginn matur á matartímum. Berlínarbúarnir komnir heim til sín heilir á húfi eftir góða dvöl. En krakkinn, Carl var massamikið krútt (þó kann ég skringilega við að kalla krakka krútt) og þó hann hafi bara verið hér í 2 vikur sá ég hann pottþétt breytast. Undursamlegt ferli. Nú er annað undursamlegt ferli að fara að taka við. Frí númer tvö. Sneddý að skipta fríinu niður í búta, allaveganna hentar það mér ágætlega. Snooooooop á suuuuun.

þriðjudagur, 12. júlí 2005

"l"l"l"l"l"l"l"l"

tvennir tónleikar á tuttuguogfjórum tímum. Í gærkvöldi var skundað á grandrokk þar sem kimono spiluðu. Það var gaman. En skemmtilegra var að tvær eldri systur mínar komu, upplifðu tónlistina á góðan hátt og sig sjálfar sem elliheimilisbúa og fengu hellur í eyrun. Í kvöld var það semsagt Antony and the Johnsons. Mjög sérstök rödd. Mjög róleg tónlist. Flott að hafa svona selló, harmóníku, gítar, bassa, fiðlu og flygil saman. Var samt ekki að fíla þetta í einhverjar ræmur. En mjög góð upplifun, og gaman að sjá Hudson Wayne spila fyrir amk 700 manns. Þau stóðu sig mjög mjög vel. I thought this would be a drag show heyrði ég einhvern segja þegar ég var búin að fá nóg af því að standa fremst með hildi völu og fleiri frægum. Það var fyndið. En spes röddin reddaði þessu soldið og fötin sem héngu rifin utan á Toný. Sussum svei. og vei.

Á morgun er spáð vestanátt á landinu, kemur þá nokkur rigning á suðurlandið? bara að pæla í því að fara golden circle og svona... Kannski lllll heiðina yfir til þingvalla, hvað heitir hún aftur? lágheiði, eitthvað ell. Það er ég vissum.

annars eru bara umræður í gangi um borgina berlín. Þar sem allt og ekkert er að gerast. Nú veit ég margt um borgina og mjög margir sem ég þekki hér á íslandi eru einmitt að fara að flytjast þangað í haust, allaveganna svona tíu manns. og ábyggilega fleiri sem ég þekki ekki. Berlínarbúunum líkar dvölin hér vel og það er yndislegt að geta hitt fólk sjaldan, en geta slappað af almennilega, án þess að þurfa að vera í einhverju stressdæmi, en síðan er líka alltaf soldið að hafa fólk inni á heimilinu, því þá getur maður ekki hlaupið nakinn um eins og ég geri á hverjum morgni til að hylla líkamann og ég skil ekki af hverju allt þetta fólk er alltaf á götunni á ákveðnum tímum dagsins, starandi upp í gluggana... hjúkk að það eru komnar gardínur.

genau. bis spaeter.

sunnudagur, 10. júlí 2005

frettir

um klukkan sex skoðaði ég fréttir á tveimur fréttasíðum, cnn og bbc í evrópu. Enn voru fréttir um sprengjurnar í london á forsíðu cnn, en bbc fjallaði um sprengjuárásina í Írak í dag á forsíðu sinni.

Sveitalífið var ljúft. Lónið á mývatni margfalt huggulegra, betra, hreinlegra og með fallegra útsýni heldur en það á suðurnesjum. En 1100 krónur fyrir einn fullorðinn kostar það að dýfa sér í þetta undur. Það er fremur skítt. 2 bjórar á bar.

Ásbyrgi undurfallegt. Veiðiferð, þar sem ekkert var tilsparað við útbúnaðinn, en aflinn slakur. Chill, matur og rólyndisgleði. Gönguferð á fjall. Tippasafnið á Húsavík. Matur hjá systu á Húsavík. Ást og friður. Og hamingja.

Nú: borgin. Get ekki sagt að gestir okkar séu heppnir með veðurfar. En það er ýmislegt hægt að gera sér til dundurs...

Verð að þjóta í gómsætan mat sem býður mín á borðinu, gott að hafa góða kokka í heimsókn.

fimmtudagur, 30. júní 2005

sjalalala la ooo

Dagurinn byrjaði snemma eins og við var að búast þegar von er á gestum. Svaf undurvel vegna nýju gardínanna og bætti um betur í gær þegar ég saumaði þriðju gardínuna í höndunum, enda kann ég ekki á saumavél eins og áður hefur komið fram. Jú, ég kann kannski á hana, en mig vantar sauma-trikkin, til að allt komi vel út. Þriðja gardínan, er sléttur flötur strengdur upp á vír, bæði að ofan og neðan, hangandi fyrir gluggunum á hurðinni og er skreyttur með hvítu perlu-pallíettu-blómi. Svo mikið í tískustílnum. Fór í saumabúðina Laugavegi 8 í von um að finna eitthvað skraut. Þar var búðareigandinn, miðaldra kona og önnur yngri í hörkusamræðum á rússnesku, en tóku báðar fram að þær væru ekki rússneskar. Hafði búist við að hitta gömlu konuna, en hún er víst búin að selja. Bunki af skrauti og gaman að gramsa.
Naut mín vel að sauma þetta skykki og er nokkuð stolt. Sérstaklega yfir vírafítusnum.

Duran duran í kvöld og ég ekki að fara. Bróðir minnti mig á það í dag þegar ég sagði ,, ég vildi óska mér þess að Simon le Bon kæmi og kyssti mig" og þá var ég ekki einu sinni komin með píkuhár. Hrædd við kombökk, eða vil telja mér trú um það því ég er ekki að fara. Bað samt brósa að reyna að taka mynd af Simon.

Nú er sófinn kominn aftur heim til sín, en hann fór að heiman um stund. Stællegri, stæðilegri og ekki með brakandi gormum. En þeir brakast til. Þýskararnir á leiðinni frá keflavík og nú sit ég eins og puntudúkka í sófanum og bíð. Það verður sko gaman.

(fös: byrja norðurleið, með því að koma við í melbæ við Meðalfellsvatn. Laug: halda áfram norður í Aðaldal. Hinir dagarnir: vera í fríi fyrir norðan. o.s.f..rv...)

miðvikudagur, 29. júní 2005

Banana-köku-brauð

Apinn ég. Fékk að hirða slatta af banönum við sumarlokun hússins. Gat ekki horft á eftir þeim út í tunnu og hér er dæmi um hvað má gera við banana:

150 gr Ljóma
3 dl sykur
2 egg
5 dl hveiti
2 tsk lyftiduft
1 tsk natrón
1 tsk salt
1/4 tsk negull
1/2 tsk múskat
2 tsk vanillusykur
5 bananar.

Ljóminn (mjúkur) og sykur hrært vel.
Eggin sett útí, eitt í einu.
Þurrefnum blandað útí.
Bananar stappaðir og settir seinast í blönduna.
Bakað í smurðu röspuðu móti (t.d. hringmóti með gati í miðjunni, eða löngu brauðmóti, eða í pappaformum - en þá verða þau mörg, því deigið er mikið)
175 gráður í 45 mín.

Nú væri við hæfi að geta sett inn apahljóð, en þið verðið bara að ímynda ykkur það.

Gott að geta verið að dunda sér í sumarfríi. Faldaði gardínur og allt í gær. Eða horfði á mömmu gera það... og lærði náttúrulega og hjálpaði til eftir fremsta megni. Húsmóðurseiginleikar óskast varðandi saumaskap, en treysti mér í allt annað.

mánudagur, 27. júní 2005

ich bin ein berliner oder barbamama

Mystery
You are Barbamama. You spend most of your time
alone, developing your subtle talents. No one
really knows you.


Which Barbapapa Personality Are You?
brought to you by Quizilla
veislan var ein sú besta sem ég hef farið í í langan tíma. Þrátt fyrir dolla dropa úr himninum sem hætti að koma þegar allir fóru að dansa, gamlir, ungir og bara allir saman. Það var sko stemning í lagi. Var ekkert sérstaklega fölsk og gekk bara vel, nema það að ég hefði nú mátt syngja aðeins hærra, en ég hélt sko að míkrófónn væri til að magna upp röddina þannig að maður þyrfti ekki að öskra og þreyta röddina. Leyndu hæfileikarnir alltaf að koma meira og meira í ljós eins og einmitt stóð í stjörnuspánni. Get ekki ímyndað mér betri dag, en þennan því þetta er síðasti vinnudagurinn minn þangað til 8. ágúst. Jibbí jú. hú. Kominn barna stóll í bílinn. Því á fimmtudaginn eignumst við 3 berlínarbúa, þ.á.m. 1 stykki 1 árs gamlan Carl (= 12 - 13 kíló). Það verður gaman og þá verður íslensk náttúra skoðuð og hennar notið. Barnarúm frá systur minni verður fengið að láni. Barnalán, barnavesen. Ætli komi rosa kúkafýla með bleyjunum? Eða nota 1 árs börn ekki bleyjur? Grenja 1 árs börn mikið? Eru mikil læti í þeim? Þetta er sko spennó maður og verður pottþétt gott að hitta þau og chilla feitt... því ég er að fara í sumarfrí ví.

laugardagur, 25. júní 2005

reglur

í dag brýt ég reglur.
Hringi mig inn veika í vinnu án þess að vera veik.
Syng lög þó ég sé ekki söngkona.

Ok. hér koma ástæðurnar, sem eru nú ærnar.
Mamma mín kæra á afmæli í dag. 58. Í tilefni þess er ég búin að vera ásamt vinum hennar og fjölskyldu á Jómfrúnni, etandi Smörrebröd, hvítvín og snafs, hlustandi á brasilískan djass í rigningunni. Þar einmitt spilaði brósi undurvel. Og það ætla ég líka að gera í kvöld, n.t. eftir klukkan átta þegar ég stíg á stokk með röddina mína, sem er ekki í neinni þjálfun, né ég í því að koma fram. Í gærkvöldi söng ég í fyrsta skipti í míkrófón. Svona alvöru. Það gekk vel. Á hljómsveitaræfingunni fyrir útskrift Bigga í Breiðholtinu. Þetta verður massa veisla úti í garðtjöldum og læti. Ég hlakka til og held ég eigi eftir einmitt að massa þetta. Kannski verð ég bara Anna Katrín í Ædolinu... í stígvélum. Náttúrulega til að brjóta fleiri reglur um klæðaburð í veislum og til þess að blotna ekki í fæturnar, nema sé búið að parketleggja garðinn og raunar gæti ég alveg trúað honum til þess. Vúhú

þriðjudagur, 21. júní 2005

bækurnar

The books - lost and safe er í spilaranum. 2 menn. Fullt af hljóðum. Einn eyddi ótalmiklum tíma fyrir framan sjónvarpið og tók upp endalaust af dóti úr imbanum. Ekki það að hann noti þau endilega öll, en skemmtilegt fyrir áhugafólk um sjónvarp og hljóð. Meira hljóð samt. Skemmtileg plata.

Bókin - greið leið til annarra hnatta - varð á vegi mínum á þjóðhátíðardeginum þegar ungur maður frá Munchen vatt sér upp að mér og bauð mér bókina. Gegn smá donation... og bókin átti alveg að koma til mín.

Gripið verður niður í bls. 31: ,, Dýrsleg siðmenning sem felst í því að borða, sofa, óttast og seðja skynnautnirnar hefur afvegaleitt nútíma mann til að gleyma hversu máttuga sál hann hefur. Eins og við höfum þegar lýst er sálin andlegur neisti sem er mörgum, mörgum sinnum uppljómaðri, meira skínandi og máttugri en sólin, máninn eða rafmagnið. Mannlífið fer til spillis þegar manninum er ekki ljóst hin sanna samkennd hans við sálina."

Njótið lengsta dags ársins.

laugardagur, 18. júní 2005

drukknun

hæfileiki minn til að kasta tölu á fjölda fólks er ekki góður. En fjöldinn í miðbæ borgarinnar í gær var verulegur. Um klukkan 23 skundaði ég í lýðveldisteiti í Bankastrætinu, sem er ekki í frásögur færandi fyrir utan það að á þeim stutta spotta sem ferðin var mætti ég fjöldanum öllum af ungu fólki, oft ansi drukknu. Þetta unga fólk var líklega flest undir áfengiskaupaaldri. Sem leiðir mig að því, að ef áfengiskaupaaldurinn væri lækkaður, segjum í 18 ár, og fólk eins og foreldrar færu skynsamlega með áfengi heima við í návígi barna sinna, væri ekki eins spennandi að vera blindfullur 15 ára unglingur niðri í bæ á 17.júní. Bara smá pæling. En auðvitað eru alltaf sauðir alls staðar og málið er líklega flóknara en sú mynd sem ég henti upp hér að ofan.

Eftir að hafa farið í leiki í lýðveldispartýinu var skundað í dýragarðinn sirkús. Sem kemur ekki á óvart þar sem þangað fer ég oft. Mannlífið þar inni er mjög forvitnilegt svo ekki sé meira sagt. Nú hefur barinn sett upp prentaðar reglur sem kveða m.a. á um að barinn áskilur sér þann rétt að hleypa fastagestum inn á undan öðrum. Semsagt að fara fram fyrir röðina. En hvað er fastagestur? Er það sá sem kemur þarna oft og eyðir fúlgum á barnum? Er það sá sem er þekktur í skemmtanalífi borgarinnar? Er það sá sem hefur birst á síðum dagblaðanna? Hmm. Ég er farin að hallast á það að það sé ekkert að því að fara á undan inn og að maður geti verið túlkaður sem fastagestur ef maður fer á barinn a.m.k. 3svar sinnum í viku. Þá er ég ekkert endilega að meina að maður þurfi alltaf að drekka stíft. En ef margir kunningja og vina sækja staðinn er ekkert skrítið að þetta verði svolítið hangout pleis. Jæja. Síðan eru það augnagotur fólksins sem stendur í röðinni til þeirra sem vilja fá að komast inn á undan. Fólk kannski búið að hanga í 20/40 mínútur í röð og alltaf fá aðrir að fara inn á undan. Hvurs lags réttlæti er það? Hvers á maður að gjalda fyrir það að vilja fara á barinn og kannski fá sér einn drykk í góðu tómi með góðu fólki og jafnvel skemmtilegri tónlist? Flókna líf...

Á leiðinni heim komum við við á Arnarhóli til að horfa á hettumávana fríka út yfir öllu ruslinu sem var dreift út um allan hól. Hettumávarnir voru margir. Það var gaman að horfa á þá. Enn var eldur í einhverju drasli á göngustígnum, og gotharar voru sjálfviljugir að hreinsa upp ruslið, með því að hrúga því saman í hrúgur. Það var gaman að sjá fólk taka þátt í að gera borgina hreinni. En kannski ekkert skrítið að ruslið hafi verið svona mikið, enda gífurlegur fjöldi fólks sem hafði streymt í gegnum borgina. Hvað verður um allar helíum-blöðrurnar sem fólk missir tökin á og þær svífa upp?

Soldið fyndið að það hafi liðið yfir 5 í bænum í gær. Meikar fólk ekki hitann? Var það ekki búið að borða nóg? Voru búningar lúðrasveitarmeðlimsins og lögreglunnar of þröngir?

Innflutningsteiti í kvöld upp í breiðholt í einbýlishús, station-bíll og hundur á leiðinni. Alveg fullorðins. Góðar stundir.

miðvikudagur, 15. júní 2005

myglaður banani

óspennandi dagar hjá mér, enda hef ég verið frá klukkan átta til tuttuguogfjögur við vinnu. Í morgun ætlaði ég aðeins að fara upp á þak, því þar er svo ljúft að fá sér kaffibolla í morgunsólinni. Brá mér heldur en ekki í brún þegar gomma af fólki stóð uppi á þaki með hendurnar uppréttar, útglenntar í átt til sólarinnar. Þá var það bara qi gong fólkið á ferð. Þokkalega næs að gera æfingarnar þarna og safna orku og anda næringarríkri öndun. Fékk smá fyrirlestur í kjölfarið... sem var góður. Dagurinn var góður. Fiskbúðingurinn í mötuneytinu ekki vinsæll. Gríman á morgun, eruð þið ekki búin að kjósa? he he. Glöð í hjarta kveð ég með gommu af nýjum gardínum. Og þokkalega frí á föstudaginn. Þokka þokkalega. lega.

sunnudagur, 12. júní 2005

veislan

Veisla í húsinu í dag. Vöffluveisla og það var gaman. Það sem mér þótti vænt um m.a. var það að veitingarnar kláruðust, þó ekki drykkir. En það tel ég vott um að erfiði mitt bar árangur. Erfiðið við það að baka 3 kökur. En mér finnst gaman að baka. Og sérstaklega gaman þegar fólk nýtur afrakstursins. Mömmu var plantað við vöfflutækin, sem voru tvö til að anna eftirspurn. Ég vona að þar hafi henni liðið vel, en stundum er gott að fá hlutverk í veislum. Upprunalega áttu allir bara að baka sína vöfflu sjálfir. En ég held að hún hafi ekki grátið stöðu sína og hafði á orði að allir ungu mennirnir litu eins út. Þá hváði ég bara þangað til hún útskýrði að allir væru þeir með eins hárgreiðslu, þ.e. ógreiddan lubba. Mér finnst gaman að halda veislur. Þessi endaði á fótpokaspili /grjónaboltaspili í garðinum. Alveg til klukkan átta en þá var farið að kólna þó sumarið sé komið og þá var elduð ein afmælisgjafanna, saltfiskur. Jumm. Hef ekki lagt það í vana minn að eta saltfisk. En þessi var sérdeilis gómsætur með fetaosti, í appelsínu/sítrónusafa og með tómmötum og papriku í ofni. Gómsætur sunnudagur með góðu fólki.

Tónleikaáætlun fyrir sumarið:
1. Snoop Dog 17.júlí
2. Bobby MacFerrin og kór Langholtskirkju ? ágúst
3. Sonic Youth og brúðarbandið. 16. ágúst
En hér með eru þeir ekki upptaldir, tónleikarnir, þar sem ég er viss um að eiga eftir að hlusta á marga. Marga. Skrítið orð.

Með mikilli gleði í hjarta skunda ég til vinnu á morgun klukkan átta. Um morguninn takið eftir. Þá verð ég afgreiðslustúlka í mötuneytinu. Til viðbótar við dyravörðinn. Gaman að geta brugðið sér í mismunandi hlutverk. Kannski er ég bara leikari.
Mér finnst skrítið að segja góða nótt þegar allt er svona bjart og segi því bara friður, að eilífu, amen.

þriðjudagur, 7. júní 2005

lægðin

bubbu bubbi. Aftur í kvöld. Tónleikar. Rosa dæmi. Soldið fyndið. Stjörnustælar. Nuddari og alles. Kannski áhrif úr boxinu. En áhorfendur dýrka hann. Búið að spila lög hans fram og tilbaka á rás2. Átti áhugavert samtal við umbann um kannabisefni. Merkilegt hvað ég lendi í forvitnilegum samræðum í vinnunni. Ég fíla það. Vegna tónleikanna kom ég seint heim í gær og svaf fram á hádegi. Vaknaði að vísu um morguninn og jógaðist. Það var gott.

Einhverra hluta vegna er ég sannfærð um það að lægðin sem liggur yfir landinu hafi áhrif á atgervi mitt. T.d. var ég með seyðing í hausnum frá sunnudagskvöldi fram á mánudagskvöld. Og ég fæ mjög mjög sjaldan hausverk. Vei þér hausverkur og komdu ekki aftur.

Í lestri: fékk safnið kvenspæjarastofa nr.1 hjá mömmu. Byrjuð á fyrstu bókinni. Þægileg aflestrar. No comment yet.
Í hlustun: manuva roots og the bhundu boys.
Eigið hljóðlátan og rólegan dag í lægðinni.

p.s. veit ekki rass hvort það sé lægð í alvörunni, minnir það bara að þegar veðrið er svona skítalegt að þá sé lægð.

mánudagur, 6. júní 2005

rigning

hvílík gleði að farið skuli vera að rigna. Nú verður gróðurinn glaður, bændurnir, ormarnir og þeir sem eru með ofnæmi fyrir stungum flugna. Og ég líka. Sérstaklega í ljósi þess að þegar rignir er himininn þyngri á litinn, og birtan ekki eins skær og það er gott fyrir gardínulausa húsið mitt. Sérstaklega þegar maður þarf að sofa án gardína. Prufaði svefngleraugu í gærkvöldi. Fyrst rosa fyndið að sjá bara svona niður á við, en það hjálpaði mér alveg að sofna, bjóst við að vakna með þau á mér og soldið eins og í bíómyndunum en nei nei, þá voru þau bara komin út á gólf og ég hafði samt sofið eins og steinn. jamm. Gleði í hjarta.
Fór í kvöldkaffi í gærkvöld út í Garð. Það var gaman og gott. Sótti síðan kæra á flugvöllinn og hvílík bílastæðaringulreið. Hvað er skammtími? Komnir miðar og læti eins og í bílastæðahúsunum. Maður getur valið um að fá miðann, geyma hann og borga síðan inni í vél, eða með kreditkorti. Það gerði ég. Síðan bara ein greiðsluvél, og auðvitað massaröð í hana. Allir að borga. Næst vel ég hinn kostinn. Í stað þess að taka miðann, stingur maður kreditkortinu inn í dæmið hjá stönginni, og aftur á leiðinni út, engin röð, ekkert stress um að tína miðanum. En hver borgar hundraðkall með kreditkorti? Flókið líf.

Lét tvær umferðir nægja á stofuna. Sveppastofuna sem er orðin glöð yfir að hafa fengið nýjan lit. Ofninn fékk líka tvær umferðir af málningu, og það var ansi leiðigjarnt að potast með pensli inn á milli. Fékk góð ráð eftir á að spreyja hann bara, sem verður gert næst.
Í dag er yndislegur mánudagur og vinnuvika framundan. Það þýðir að hvert kvöld verð ég í húsinu, en helgin býður upp á gleði og félagslíf. Það verður gaman. Lifið heil

fimmtudagur, 2. júní 2005

klukkan er tolf

er búin að hlusta alltof mikið á fréttir.
Evrópusamstarfið í upplausn. Almenningur Hollands vill fá að taka meiri þátt í sköpun stjórnarskrárinnar. Hvað er að gerast? Verður Evrópa bara eitt stórt svæði, sem fólkið flæðir um? Verður ríkisborgararéttur fólks evrópskur? Ekki það að ég telji að einkenni ákveðinna staða hverfi. En það þarf að gera þetta vel ef það skal verða og ég er ánægð yfir því að Hollendingar vilji fá að taka meiri þátt. Síðan eru peningar alltaf með í spilinu. Hvað borgar hver þjóð mikið til að fá að vera með? Er löndum mismunað?

Varð að slökkva á viðtækinu þar sem ég meika ekki íþróttafréttir aftur og aftur.
Ástæðan fyrir ýktri hlustun minni á fréttir er sú að hér hefur verið málað. Alltaf best að hlusta á útvarpið á meðan, sérstaklega þegar engar eru græjurnar. Í útvarpinu eru sagðar fréttir. Mjög oft.

4 gluggar
3 loft
1 stofa

Nú er bara að bíða og sjá hvort sveppastofan þarfnist 3ju umferðar á morgun. Ég vona samt ekki, en mig grunar að grunnurinn í litnum (ljósbrúnn, gamaldags skv. mömmu) sé glær og því auðveldara fyrir gamla bláa að sjást í gegn heldur en ef grunnurinn væri hvítur. Meikar sens. Hver blandar lit í glæran grunn?

Bróðir góður sakaði mig um að hagræða sannleikanum hér í vefheimum. Þess vegna segi ég við yður (hver er fleirtalan af yður? yður eða hvað?): ,,efist alltaf"
Góða nótt.

mánudagur, 30. maí 2005

skyndi -

það er ekki oft af hinu illa þegar fólk kemur í búrið til mín. Í gærkvöldi gerðist það nefnilega að ég fékk skilaboð um kvöldið þar sem stungið var uppá að ég myndi bregða mér út fyrir mölina til að eyða nóttinni með ungfrú náttúru. Ein kona sem laumaðist í kaffi til mín úr vinnu minnti mig á að maður lifir bara einu sinni... ok. maður gleymir. Eyddi því nóttinni í náttúrunni við varðeld sem iljaði þar til sólin kom upp og þá fór ég að sofa. Magnaður skítur. Þessi náttúra og þetta fallega fólk sem sat/stóð/hljóp/hoppaði/dansaði í kringum eldinn. Var mætt til vinnu klukkan 12:20. Massatúr. Hlakka til að geta eytt tíma í sveitinni í sumarfríinu. Vúhúú. En einn mánuður til stefnu. Sumarið er svei mér þá bara pottþétt komið...

föstudagur, 27. maí 2005

hnakkinn

Í gær fékk ég skemmtilegan texta í símann minn sem svaraði spurningu minni sem var birt hérna á þessari síðu fyrir nokkru. Textinn var svohljóðandi: potluck dinner = pálínuboð. Vinkona mín staðfesti þessa notkun á orðinu, og kannaðist við það frá kfumk kökuboðum. Hef litið í orðabók menningarsjóðs frá ´88 þar sem ekki er minnst á þetta orð, pálínuboð. Þyrfti jafnvel að kíkja í nýju útgáfuna.

Sá tónleika á grandrokki í gær, þar sem enn sem áður stóð Æla uppúr. Hljóð hvers einasta hljóðfæris var kristaltært og það er gott að geta fylgst með því hvað hver er að bauka þarna á sviðinu. Þá er Ælan orðin svo þétt að maður getur flotið ofan á henni, en kafað oní hana ef maður hefur sundgleraugu. Stemningin í salnum var ekki upp á marga fiska. Barinn búinn að koma fyrir borðum á gólfinu fyrir framan sviðið og eins og ein kona benti á að með því væru tónleikahaldarar / barinn að viðurkenna að fólk dansaði ekki almennt á svona tónleikum. Síðan komu tvær aðrar hljómsveitir sem mér fannst heldur ekki upp á marga fiska. En kannski leynast þar snillar sem ekki náðu til mín í gærkveldi, maður verður alltaf að gefa séns. Þangað til komið er nóg.

Aðalmálið er að á eftir mun ég renna brautina á hnakkanum. En það er nafnið á nýja bílnum okkar sem við fjárfestum í gær í. Þýsk rennireið, ábyggilega sett saman í Asíu. En hnakkanum fylgir góður andi og kannski bið ég alheimsorkuna um að umlykja hann hjúpi svo aldrei gerist neitt óskemmtilegt. Þarf ég þá að færa fórnir á móti, á altari alheimsorkunnar? Þakklæti er nú lágmarkskurteisi. En kæra keyri ég í flugstöðina þar sem hann mun hverfa frá um sinn. Í viku eða svo.

Fjögurra daga vinnutörn framundan, þar sem verður reynt að fara reglulega í sund inn á milli til þess að samhæfa líkama og sál. Nú er ráð að vinda sér niður á bókasafn, leigja fullt af ódýrum dvd myndum til að horfa á í tölvunni, því helgarvaktirnar geta orðið langar. Þá hef ég hafið lestur á bók Umberto Eco, Foucault´s Pendulum. Spennó spennó.