eftirMiðdagssamsæti

(búin að laga rafmengunarkrækjuna) rækjuna?

Nei engar voru rækjurnar á borðum, en í boði var

drykkur Shirley Temple:
ísklakar, 2 lítrar Ginger Ale, 1 lítri Appelsínusafi og skvetta af grenadíni. Blandað saman og borið fram í könnu.

og

Þistilhjartamauk:

1 dós niðursoðin Þistilhjörtu (artichokes)
1 dolla mæjónnes (250 ml)
1 poki rifinn ostur
safi úr hálfri sítrónu
paprikukrydd
Laukduft
Salt
Pipar
= þistilhjörtun saxar maður smátt (eða notar töfrasprotaI, blandar öllu saman og látið í ósmurt eldfast mót og bakið við 180 gráður í svona 18 mínútur. Að þessu sinni henti ég lúkum tveim af fersku spínati undir töfrasprotann, þannig að úr varð dýrindis geimverugræn ídýfa. Borin fram með t.d. baguette, ritz-kexi eða TownHouse-kexi eða.....

Ein frænkan í Kanada stakk upp á því í dag í tölvupósti að við myndum fara í verslunarferð til Parísar eða London. Aha. Skil ekki hvernig henni datt það í hug því seinast þegar við hittumst (fyrir viku eða svo) þá vorum við báðar í samfagnaðarglasi að ræða mun alvarlegri mál af hjartans einlægni og tíska eða verslun komu ekki við sögu. Þar að auki hitti ég hana í fyrsta skiptið núna í brúðkaupsveisluferðinni. En ég held ég verði bara að vera soldið brosmild þegar svona bréf berast, en ætli hún ætli að borga allt fyrir mig? er það ekki þannig sem kaupin á eyrinni gerast? ha ? just a gigoloog.

rafmengun

Þessi tengill er fyrir þá sem hafa áhuga á rafmengun og hvort rafbylgjur hversdagsins hafi áhrif á okkur, íslensk heimasíða með gommu af greinum sem ég hef sjálf ekki lesið...

rafmengun

kosningamyndakvöld

pick me

3 daga brudkaup ad baki. Thad er aldeilis. Gerist thad bara i utlondum? Brudarmaerin hellti kaffi a brudina thannig ad kjollinn vard enn fallegri, presturinn kom i eina veisluna og spiladi skosk log a fidlu, allir donsudu, allir skemmtu ser vel i 3 daga. Gomma af godu folki og endalaust flaedi af drykkjum og gledi. Nu er semsagt rolegheit i sveitinni thar sem fullt af flugum vilja hitta mig, og fullt af froskum ad vilja elskast a nottunni sem gefa fra ser hljod sem hljoda eins og pick-me pick-me pick-me, enda eru their i makaleit. Folkid herna i sveitinni er otrulega vinalegt. Sidan var Cora Rose skird og tha var lika onnur veisla. Alltaf veisla, alltaf eldur, alltaf gledi.

thad er gott ad sofna vid snarkid i eldinum

- - - - -

þarna verð ég á miðvikudaginn... get ekki beðið og hlakka mikið til.
Þetta er brúðkaupsferð í þeim skilningi að ég verð við brúðkaup að samgleðjast með fallegu fólki og ógeðslega skemmtilegu og sumum skrítnum... En þarna hitti ég líkan nýja fjölskyldumeðlimi í fyrsta sinn, 3 vikna gamla stúlku og tíkina Ginger.

En, þá er þessi helgi í húsinu búin að vera skrítin. Nóg að gera í vinnunni, en málið er bara að ég hafði ekkert að læra í gær sem voru viðbrigði þannig að í dag tók ég með mér Cultural Theory and Popular Culture þar sem ég las 1 kafla, semsagt að trappa mig niður eftir veturinn. Horfði líka á snillingsdómsgáfubbcþættina Look Around You sem eru í formi kennsluvídeóa frá sjöunda áratuginum og taka fyrir efni eins og music, water, sulphur og fleiri efni úr lotukerfinu...

Já, ég held ég hafi farið í mitt fyrsta þrítugsafmæli í gær. Þar dansaði afmælisstúlkan orminn og marðist líklega í brjóstunum. En hún gerði það af dirfsku og áræðni, án þess að dæma um fagurfræðilegt gildi break-dans. Það var gaman. Og við erum hreyfingar okkar. Hreyfingar okkar erum við.

Oní bað með þig stelpa og þvoðu á þér eyrun, hlustaðu. Byrjuð að láta renna í...

ja ja ja ja

heyrðu, það er gleðidagur í dag en klukkan 9:48 sendi ég inn seinasta verkefnið mitt á þessu skólaári. Ha. Nú tekur við dagur víns og rósa. Ætla að bregða mér í garðinn og njóta, held ég kveiki ekki í sinu til að fagna, en sólin sér mér fyrir fögnuði. Sá einmitt generalprufu á leikritinu Fagnaður eftir Harold Pinter. Massa massa leikmynd. Frábær og einstaklega minimal lýsing. Marylin Monroe kjóllinn endurnýttur á sviðinu og kom vel út með tilvísun í lauslæti karakterins. Þjónarnir góðir. Ágætt leikrit í heildina. Sú spurning vaknaði þó eftir sýninguna, hvað segir þetta leikverk?
En í ljósi þess að höfundurinn hefur skrifað heila gommu af leikritum mætti maður ætla að þetta væri síð-pómó dæmi, úthugsað og útpælt. Veit ekki samt. Hann vann nóbelsverðlaunin í bókmenntum um daginn. Veit ekki.

Mæli samt með Umbreytingu á litla sviðinu, án þess að hafa séð það. Brúðuleikhús fyrir fullorðna eftir magnaðan brúðugerðarlistamann. Hlakka til að sjá það.

Njótið dagsins góða fólk. Sendi ykkur sól í hjartað.

hippa-fingurinn

Á leiðinni heim úr yoga gat ég ekki annað en hægt á mér og hlegið innilega innan í mér.
Aldraður maður var að fara yfir götuna með göngugrind og fór því hægt. Með honum í för var hvíthærð lítil kona. 2 bílar biðu og annar þeirra flautaði tvisvar. Konan gaf bílstjórunum fingurinn.

Stáltromma er efst á óskalistanum mínum eftir að ég prófaði eina í vinnunni í kvöld eftir lokun. Sú var æðifalleg með unaðslegum hljóm, en stálið var beygt og sveigt þannig að mismunandi nótur gullu frá henni.

Almenningsarðurinn er góður staður á sumardögum, verst að þar sé ekki internettenging því þá gæti ég lært þar. Auðvitaður er maður soldið lamaður að vera að læra og þurfa tölvu og internet. Þyrfti kannski bara að notast við ólæstar tengingar í húsunum í kring en það myndi kannski líta svolítið skringilega út þegar flötin myndi fyllast af ný-hippum með tölvur í garðinum. En þar sem þrír dagar í lærdómi leynast í nánustu framtíð þá svitna ég nú ekki mikið yfir þessu.

Kveðjustund. Til Lilju sem er farin úr þessum lífheimi um stundarsakir. Hver veit nema við hittumst aftur þar sem við áttum eina góða stund saman og hittumst einu sinni óvænt á torginu á Akureyri á sólríkum degi. Önnur kveðja til bróður míns annars staðar á hnettinum sem gæti mögulega frætt mig um stáltrommur og eiginleika þeirra en hann hefur kallað mig hippa.

Kveð í friði og spekt eftir fíniríis dag með heimasmíðaða gítartóna og söng í bakgrunninn.

Astarbref

elsku dagur.
Ég kalla þig dag, þó ég sé ekki að meina piltinn dag heldur daginn í dag.
Skellti mér í laugina í sólarblíðunni. Á útskriftarsýningu LHÍ í hafnarhúsinu var múgur og margmenni. Sviti og hiti. Sumt flott. Sumt ekki. Fannst t.d. gaman að sjá inní tilbúinn ofurvaxinn endaþarm. Kom við í garðinum og drakk einn bjór á meðan 3 flugvélar flugu lágt yfir og skýin hrönnuðust upp. Núna stefnir allt í grill hér í kvöld, þannig að ef þú vilt grilla dagur komdu þá við með eitthvað til að skella á kolin. Kæri dagur. Þú ert fallegur. Langar á hestbak og að veiða og hjóla. Þú ert líka margfaldur afmælisdagur í dag.
Þín Anna Katrín.

p.s. yngri afgreiðslumaðurinn í tóbaksbúðinni sagði að spáin væri rosa góð. Sól, 17 stiga hiti og læti.

útreikningur

á meðan ég skrifaði ritgerðina sem ég var að enda við að skila gerði ég smá tilraun.
Tímatilraun sem fólst í þeirri spurningu: hvað er ég lengi að skrifa ca 3000 orða ritgerð, u.þ.b.10 bls.?

Það verður að taka nokkra þætti til greina áður en ég kem með niðurstöðurnar:
1. mér fannst ég skilja efnið nokkuð vel áður en ég byrjaði að vinna ritgerðina, en hafði ekki hugmynd um hvernig ég ætlaði að setja það fram.
2. ég vann eitthvað yfirleitt á hverjum degi, stundum bara í 1 klukkutíma, stundum marga.
3. í hvert skipti sem ég settist niður til að vinna gagngert í ritgerðinni skráði ég tímann, byrjunartíma og lokatíma þegar ég stóð upp.
4. í örfá skipti, voru kaffihellingar inni í tímanum, ófáar sígaretturnar og stundum spjall (sérstaklega í vinnunni).
5. Allt er talið með í tímanum, yfirlestur, upprifjun ákveðinna bóka, skrif og endurskrif, hugmyndapár o.s.frv.
6. þannig fékk ég þessa útkomu: 24 klukkustundir.

Bið fólk að varast það að gera ritgerð í einum rykk, heldur frekar lítið á hverjum degi, því meltingin er nauðsynleg ásamt því að eiga sér líf.

(Þess má geta að í gær horfði ég á 19. þátt, 5. seríu þáttarins 24. Hvernig ætli þetta verði í þrjú ár í viðbót?)

allt i goðu

já já maður sér fyrir endann á þessu sem er líka bara mjög notalegt. Tveimur þriðju hlutum lokavinnu fyrir önnina er lokið. Bara 10 dagar eftir. Ekkert mál fyrir jón pál sem tók mörg tonn í bekkpressu hér um árið þegar þessi fleyga setning varð til samkvæmt heimildum fréttablaðsins fyrr á þessu ári.

Nú er maður aftur orðinn aftur kominn á sambýli. Það er nokkuð ögrandi verkefni en mjög skemmtilegt. Það má allaveganna kyssast á hverjum degi.

Fannst mér ég eiga rétt á orðuveitingu fyrir góða frammistöðu í actionary. Liðið mitt vann feitt. En ekki í teikniútgáfunni. Ótrúlega samstillt í leiknum aftur á móti. Það veitti mér gleði og ég fann örla á keppnisskapi sem ég gat ekki ímyndað mér að byggi í mínu hjarta.

Umfjöllun um útskriftartónleika úr lhí sem ég var viðstödd í gærkvöldi má sjá á mannfræðilandinu.
Lifið heil og góðar stundir.

sol sol sol

ótrúlegt hvað hugurinn getur maður.
Fór í sólargeislaslökun í yoganu í dag. Magnað alveg hreint.
Ritgerðin gengur vel. Vil þó helst vera að flikka upp á hjólið mitt, taka til, henda úr skápum og eyða tíma í að plokka hár. Held að hvítvínsglas væri við hæfi í sólinni. Á síðan stefnumót við fræðikonur á barnum sem verður eflaust fútt fyrir hugann. Og andann að sjálfsögðu. Kveð með rússneska lounge tónlist í bakgrunnin.

á leiðinni

Sílikon eiturgufur gerðu það að verkum að ég fann lyktina af djassi úr kjallaranum.
Upplýstur afturendi Ingólfs
lýsti mér leiðina heim
stilla í lofti
Lifandi neonandlit í glugganum í 1011.
Köttur á bekk undir tré.

Eins og lesendur sjá glögglega kemur ofanritað ekki til með að leiða til neins. En trúi því að hugskeyti megi senda á milli fólks. Hver hefur ekki lent í því að síminn hringi og ,,ég ætlaði einmitt að fara að hringja í þig". Hugsanir má líka færa í orð og þannig verða þær kannski raunverulegri, haldbærari. Fékk líka góða sumargjöf í dag. Kannski fæ ég aðra á föstudaginn.

viðburðir

hér má sjá afritun af miðanum sem ég skrifaði fyrir daginn í dag:

sturta - læra - yoga - tannlæknir 13:45 - vinna.

Svona er maður orðinn sjúskaður í hausnum, verður að skrifa miða til að muna. Kannski eru þessir miðar mínir líka til þess að halda mér við efnið. Sem er ritgerðarsmíð um vettvanginn í mannfræði. 2 blaðsíður af 10 komnar á blað.

Hjá tannsa, reyndi ég að anda djúpt og slaka á í stólnum. Sem gengur bara ekki svo vel þegar hljóðið inni í hausnum á manni er að æra mann. Hljóð borsins að sjálfsögðu. Enda er ég ekki með sterkustu tennurnar. Upplifi mig sem hetju í hvert sinn þegar þessu er aflokið, kúreka sem hefur verið kýldur hressilega utanundir, enda var ég dofin í langan tíma eftirá. Klinkan talaði um andvökunótt sína, og daginn eftir komst hún að því að 3 aðrar konur í Árbænum hefðu verið andvaka sömu nótt. Tannlæknirinn hélt að geimskip hefði verið fyrir ofan Árbæinn sem hélt fyrir þeim vöku (var ekki alveg í aðstöðu til þess að meta hvort hann hafi verið að reyna að vera fyndinn), en klinkan var sannfærð um að þetta hefði eitthvað að gera með þrýstinginn. Ég reyndi hvað ég gat, en án árangurs að benda á að þegar djúp lægð væri yfir borginni hefði skrifstofa skólastjórans alltaf verið full af gemlingum og öll börnin í pati. En þeir dagar eru liðnir. Ég er ekki lengur kennari. Kannski verð ég kennari aftur seinnameir. Eða flugmaður. Helst þó uppfinningamaður. En ég ætlaði alltaf að verða dýralæknir.

i stuttu mali

þá er internetið horfið heiman frá mér. heimasíminn líka. það er pottþétt draugur í símanum, eða í símalínunni. Þegar ég tek upp tólið heyrist tómt hljóð, eins og einhver á hinum endanum hafi gleymt að leggja á og enginn er sónninn. Símafyrirtækið vodafone segir að tæknideildin sé að vinnna í þessu, síðan í gærmorgun. Afleit þjónusta á háhraðatíma með tengingum út um allt og rafmagnsstraumum. zzinng ztinng.

núna er ég því staðsett á bar. en búin að vera í berlín þar sem sumarið var að koma og ég hjólaði út um allt með umferðina iðandi hliðina á mér, soldið óhagstætt ef maður var búinn að fá sér í tána. Fór á tónleika og í garðinn og út að borða og á berlínarbiennale þar sem málverkið er dautt og vídeóið er orðin nýja myndlistin. Átti yndislegt frí og hlakka til að fara aftur. Nú reality check one two three og skólavinna framundan. Síðan kann ég ekki við það að ríkisstjórnin hafi logið að mér um væntanlegt góðæri byggt á stóriðjustefnu og öðru eins. Hvar er góðærið? skammtíma skammtíma shit. Kreppan vofir yfir og verðbólgudraugurinn snýr kannski aftur í næsta áramótaskaupi, en ég man einmitt þegar hann kom fyrir áður á níunda áratuginum og skildi ekki neitt í honum.

Kirsuberjatómataplantan var búin að stækka töluvert í sturtubotninum.

aðs vif

ég sver það það er að líða yfir mig af spenningi. Eftir veðurspánni að dæma býst ég við að meðaltali 10 stiga hita, sól og ský og kannski vorrigningu. Vona að ég sjái fuglaunga. Og vorblóm. Blómin mín aftur á móti, þ.m.t. unga kirsuberjatómataplantan eru komin inn í sturtu. Þar ætla ég þeim að dafna á meðan ég er í burtu. Sólskinið og evran á svona 93 krónur. Flugvöllur, fólk, flugvélar, flugfreyjur og þjónar. Vorstraumarnir eru á leiðinni.

Verð að róa mig með kaffi og sígó. Ást og friður.
p.s. keisaramörgæsamyndin er æði, sem og bbc þættirnir á rúv á mánudögum, Planet Earth.

á ferðalagi

Ferðalag 1 hófst 23. mars síðastliðinn sjá nánar hér
.

Ferðalag 2 hefst líklega á morgun, allaveganna í huganum. En á fimmtudag fer ég í páskafrí til Berlínar.

Góðar stundir.

afsökun

í dag var afsökunin ,, af því að hún er svo fátæk" notuð af viðmælanda mínum.
Þetta verður að teljast til tíðinda hér á landi þar sem allir eru á yfirdrætti og í djúpri skuldasúpu og fáir beinlínis ríkir. Athuga ber þó að í þessu samhengi er átt við efnislegan auð. Ekki andlegan. Þá vil ég ekki gera lítið úr þeim sem eru raunverulega fátækir og þurfa að svelta, ganga í sömu fötunum í mörg ár, sofa á dýnu, eiga bara 1 sokk og hallærislega úlpu... (í boði silvíu, en hún tekur sig vel út í auglýsingunum frá Japan)

Vinkona viðmælandans kom semsagt í heimsókn, þunn og ósofin uppúr hádegi í dag. Báðum fannst greinilega við hæfi að það sé eðlilegt að sofa heima hjá vinkonu sinni um miðjan dag þegar aðrir heimilismeðlimir eru að sinna sínum störfum, líka inni á heimilinu. Ég innti eftir því hvers vegna vinkonan gæti ekki bara sofið úr sér heima hjá sér og svörin voru þessi: fátæklingur, sem býr í 44 fermetra íbúð með móður og systur, það er bara þægilegra að sofa hér... og fyrir utan var bíll vinkonunnar, nýr upp úr kassanum. Er þetta meðaumkun ríka fólksins? Að leyfa fátæka fólkinu að sofa úr sér heima hjá sér? Eða meikaði vinkonan bara ekki að vera heima hjá sér og fá yfirheyrsluna frá mömmunni?

Síðan var stutt lexía í boði fyrir unglingana varðandi bremsuför í klósettum. Unglingarnir telja sig fullorðna á mörgum sviðum, en ætlast samt til að einhver skrúbbi skítinn. Einhver annar en þeir.

Vandamálið er bara, var ég svona? Ég er búin að vera að reyna að muna hvers konar unglingur ég var, því núna tel ég mig vera rosa fullorðins eftir miklar pælingar, þó ég sé stundum spurð um skilríki. Verð þó að minnast einnar sögu úr íslenskutíma í gaggó þar sem kennarinn spurði nemanda um heimaverkefni þar sem svörin voru í alvörunni ,,ég var í baði og verkefnið datt ofan í baðkarið"

Úthverfamóðirin kveður að sinni því eftir hádegi á morgun verður hún ekki lengur til.

fermdur fullorðinn?

Strákur fagnaði 3 mánaða sambandi við stúlku í gær til klukkan 24:38. 38 mínútum síðar en útivistartíma lýkur.
Er með teina. Og teygjur. Ein teygjan á framtönnunum. Tekur hana bara úr þegar hann þarf að fara í sleik. Byrjaður að þvo af sér sjálfur. Kannski lógíst þegar blautir draumar eru komnir á stjá og maður vill ekkert að mamman (sú sem þvær mestan þvottinn) fari út í þau efni. Spilar póker, handbolta og fótbolta.

Það er fínt að búa annars staðar (sofa og vera með) annars staðar og koma síðan heim til sín að læra. Og fá sér te.
2 bls. eftir í fyrri ritgerðinni. Nú er það líkömnun sem ég er að fara að skoða, eða embodiment. Holdtekja var líka ein þýðing sem og holdgerving. Friðarte í kuldanum hér. Í fyrsta sinn fannst mér húsið eitthvað óþétt vegna vinda.

hlutverk

var kennari á milli 13 - 15 í dag þegar krakkar komu í leikprufur. 2 börn voru ekki sótt á tilsettum tíma. 1 strákur og 1 stelpa. Ein móðirin var að keppa í borðtennismóti og hin hafði verið að versla í bréfpokabúð á laugaveginum. Ég prísaði mig sæla fyrir að hafa lesið krakkaopnuna í morgunblaðinu um hádegi og dró hana fram fyrir börnin sem gerðu þrautir og dulmálslykil þar sem útkoman var: æfingin skapar meistarann.

Ungt fólk eru samfélagshópur sem ég er einmitt að fara að kafa soldið dýpra í en í gærkvöldi fattaði ég hvað margir af minni kynslóð eiga og eru að eignast börn. Og þá er um að gera að umfaðma það tímabil. Kannski verð ég líka mamma einhvern tímann. Maður spyr sig. En fyrst þarf nú á getnaði að halda og enginn er möguleikinn á því í augnablikinu sökum landfræðilegrar fjarlægðar. Datt líka í hug að reyna að eignast barn með hugarorkunni einni saman, en fattaði svo að það kemur kannski til með að líta út svolítið sækó.

Næstu vikuna verð ég unglingamóðir í úthverfi.

lsd

hreint út sagt væri það við hæfi að taka einn skammt af sýru ákkúrat núna. Og þá yrði það líka í fyrsta skiptið fyrir mig, í þágu vísindanna að sjálfsögðu. Nú í dag, þegar sólin skín og ég vil vera úti er ég búin að vera að melta skynjun. Skynjun í fyrirbærafræðilegu ljósi. Þess vegna kom sýruhugsunin upp. Hvað er betra en að upplifa á eigin skinni takmörk og víðáttur skynjunarinnar og skrifa síðan um það fræðilega ritgerð?

Að veraldlegum pirring: prentarinn vill ekki prenta, segir blek vera búið en það er ekki búið og ég nenni þessu ekki. Anda djúpt kona. Því nenni ég bara ekki því ég vil komast í sund eftir lær-dag, vil upplifa lista-gjörning og komast í partý. Núna. Og fá einn skammt af sýru til þess að ritgerðin verði fullkomin.

í þessum töluðu orðum er ég að reyna að gabba prentarann... góða helgi